22363/《難忘的橋畔》Lân-bōng ê Kiô-puān 鄭琇月Tēnn Siù-gua̍t ------------------------------------------ ↓↓(口白)---(口白)---(口白)↓↓ - 外面是啥物人啊 guā-bīn sī siánn-mih lâng--ah -- 媽媽，是我啦 má-mah, sī guá--lah - 無啊玉惠啊 bô--ah, Gio̍k-huī--ah 你又閣三更半暝 lí iū-koh sann-kinn-puànn-mî 才倒轉來 tsiah tò-tńg--lâi 是毋是又閣 sī-m̄-sī iū-koh 去佮彼个叫做啥物 khì kah hit-ê kiò-tsò siánn-mih 文雄仔的約會，是無? Bûn-hiông--á ê iok-huē, sī--bô? -- 媽媽，我我 má-mah, guá, guá... - 玉惠啊 Gio̍k-huī--ah 媽媽毋知影 má-mah m̄ tsai-iánn 欲共你講幾遍 beh kā lí kóng kuí-piàn 彼个文雄仔 hit-ê Bûn-hiông--á 是一个散赤囝 sī tsi̍t-ê sàn-tshiah-kiánn 又閣是一个做工仔人 iū-koh sī tsi̍t-ê tsuè-kang-á-lâng 如果你佮你鬥陣 jû-kó lí kah lí tàu-tīn 將來哪有啥物幸福咧 tsiong-lâi ná-ū sánn-mih hīng-hok--leh -- 媽媽，人彼个文雄仔 má-mah, lâng hit-ê Bûn-hiông--á 忠厚閣老實 tiong-hōo koh láu-si̍t 做工課又閣拍拚 tsuè khang-khuè iū-koh phah-piànn 將來一定會成功的 tsiong-lâi it-tīng ē sîng-kong--ê - 玉惠啊，媽媽共你講 Gio̍k-huī--ah, má-mah kā lí kóng 是愛你好 sī ài lí hó 以後不准你閣佮伊來往 í-āu put-tsún lí koh kah i lâi-óng 好好聽媽媽的話，乎 hó-hó thiann má-mah ê uē, honnh -- 媽媽，阮無愛啦 má-mah, gún bô-ài--lah 阮無愛啦 gún bô-ài--lah ↑↑(口白)---(口白)---(口白)↑↑ 夜半路燈光微微 iā-puànn lōo-ting kng bî-bî 佮伊相逢橋頭邊 kah i siong-hông kiô-thâu pinn 互相交往有情意 hōo-siong kau-óng ū tsîng-ì 希望會當結連理 hi-bāng ē-tàng kiat-liân-lí 因何母親無理解 in-hô bú-tshin bô lí-kái 嫌伊散赤無同意 hiâm i sàn-tshiah bô tông-ì 只有暫時來分開 tsí-ū tsiām-sî lâi hun-khui 等待分開見月圓 tán-thāi hun-khui kìnn gue̍h-înn ↓↓(口白)---(口白)---(口白)↓↓ --- 玉惠，你昨暝 Gio̍k-huī, lí tsa-mê 閣受委屈矣，是無? koh siū uí-khut--ah, sī--bô? 一切攏是我毋好 it-tshè lóng-sī guá m̄-hó -- 文雄兄，我我 Bûn-hiông-hiann, guá, guá... --- 你無講 lí bô kóng 我也了解 guá iā liáu-kái 恁媽媽嫌我 lín má-mah hiâm guá 是一个散赤囝 sī tsi̍t-ê sàn-tshiah-kiánn 無同意咱的來往 bô tông-ì lán ê lâi-óng -- 文雄兄 Bûn-hiông-hiann 一切攏是阮媽媽無理解 it-tshè lóng-sī gún má-mah bô lí-kái 請你原諒我，好無? tshiánn lí guân-liōng guá, hó--bô? --- 我也知影 guá iā tsai-iánn 我是一个做工仔人 guá sī tsi̍t-ê tsò-kang-á-lâng 佮你無四配 kah lí bô sù-phuè 無法度帶予你 bô-huat-tōo tuà hōo lí 幸福佮快樂 hīng-hok kah khuài-lo̍k 咱只有 lán tsí-ū... -- 我無愛閣聽啦 guá bô-ài koh thiann--lah 這攏是命運的安排 tse lóng-sī miā-ūn ê an-pâi 文雄兄，請你毋通失志 Bûn-hiông-hiann, tshiánn lí m̄-thang sit-tsì 無論三年五冬 bô-lūn sann-nî gōo-tang 我的心 guá ê sim 永遠都屬於你 íng-uán to sio̍k-î lí --- 玉惠，真多謝你 Gio̍k-huī, tsin to-siā lí 我永遠會記得 guá íng-uán ē-kì-tit 咱甜蜜的過去 lán tinn-bi̍t ê kuè-khì 也多謝你予我 iā to-siā lí hōo guá 無限的鼓勵佮安慰 gô-hān ê kóo-lē kah an-uì 我會立志認真來拍拚 guá ē li̍p-tsì jīn-tsin lâi phah-piànn 請你等待我成功倒轉來 tshiánn lí tán-thāi guá sîng-kong tò-tńg--lâi 好無? hó--bô? -- 好，文雄兄 hó, Bûn-hiông-hiann 我一定會等你轉來 guá it-tīng ē tán lí tńg--lâi ↑↑(口白)---(口白)---(口白)↑↑ 秋風吹來心頭冷 tshiu-hong tshue--lâi sim-thâu líng 雙人分手橋頭邊 siang-lâng hun-tshiú kiô-thâu pinn 看著橋跤的流水 khuànn-tio̍h kiô-kha ê lâu-tsuí 像咱情絲斷袂離 tshiūnn lán tsîng-si tn̄g buē-lī 雖然命運來作弄 sui-jiân miā-ūn lâi tsok-lōng 望君著愛有志氣 bāng kun tio̍h-ài ū tsì-khì 無論三冬抑五年 bô-lūn sann-tang ia̍h gōo-nî 我會永遠等待你 guá ē íng-uán tán-thāi lí ------------------------------------------ →
外面是啥物人啊 -- 媽媽，是我啦 無啊玉惠啊 你又閣三更半暝 才倒轉來 是毋是又閣 去佮彼个叫做啥物 文雄仔的約會，是無? -- 媽媽，我我 玉惠啊 媽媽毋知影 欲共你講幾遍 彼个文雄仔 是一个散赤囝 又閣是一个做工仔人 如果你佮你鬥陣 將來哪有啥物幸福咧 -- 媽媽，人彼个文雄仔 忠厚閣老實 做工課又閣拍拚 將來一定會成功的 玉惠啊，媽媽共你講 是愛你好 以後不准你閣佮伊來往 好好聽媽媽的話，乎 -- 媽媽，阮無愛啦 阮無愛啦 夜半路燈光微微 佮伊相逢橋頭邊 互相交往有情意 希望會當結連理 因何母親無理解 嫌伊散赤無同意 只有暫時來分開 等待分開見月圓 --- 玉惠，你昨暝 閣受委屈矣，是無? 一切攏是我毋好 -- 文雄兄，我我 --- 你無講 我也了解 恁媽媽嫌我 是一个散赤囝 無同意咱的來往 -- 文雄兄 一切攏是阮媽媽無理解 請你原諒我，好無? --- 我也知影 我是一个做工仔人 佮你無四配 無法度帶予你 幸福佮快樂 咱只有 -- 我無愛閣聽啦 這攏是命運的安排 文雄兄，請你毋通失志 無論三年五冬 我的心 永遠都屬於你 --- 玉惠，真多謝你 我永遠會記得 咱甜蜜的過去 也多謝你予我 無限的鼓勵佮安慰 我會立志認真來拍拚 請你等待我成功倒轉來 好無? -- 好，文雄兄 我一定會等你轉來 秋風吹來心頭冷 雙人分手橋頭邊 看著橋跤的流水 像咱情絲斷袂離 雖然命運來作弄 望君著愛有志氣 無論三冬抑五年 我會永遠等待你
guā-bīn sī siánn-mih lâng--ah má-mah, sī guá--lah bô--ah, Gio̍k-huī--ah lí iū-koh sann-kinn-puànn-mî tsiah tò-tńg--lâi sī-m̄-sī iū-koh khì kah hit-ê kiò-tsò siánn-mih Bûn-hiông--á ê iok-huē, sī--bô? má-mah, guá, guá... Gio̍k-huī--ah má-mah m̄ tsai-iánn beh kā lí kóng kuí-piàn hit-ê Bûn-hiông--á sī tsi̍t-ê sàn-tshiah-kiánn iū-koh sī tsi̍t-ê tsuè-kang-á-lâng jû-kó lí kah lí tàu-tīn tsiong-lâi ná-ū sánn-mih hīng-hok--leh má-mah, lâng hit-ê Bûn-hiông--á tiong-hōo koh láu-si̍t tsuè khang-khuè iū-koh phah-piànn tsiong-lâi it-tīng ē sîng-kong--ê Gio̍k-huī--ah, má-mah kā lí kóng sī ài lí hó í-āu put-tsún lí koh kah i lâi-óng hó-hó thiann má-mah ê uē, honnh má-mah, gún bô-ài--lah gún bô-ài--lah iā-puànn lōo-ting kng bî-bî kah i siong-hông kiô-thâu pinn hōo-siong kau-óng ū tsîng-ì hi-bāng ē-tàng kiat-liân-lí in-hô bú-tshin bô lí-kái hiâm i sàn-tshiah bô tông-ì tsí-ū tsiām-sî lâi hun-khui tán-thāi hun-khui kìnn gue̍h-înn Gio̍k-huī, lí tsa-mê koh siū uí-khut--ah, sī--bô? it-tshè lóng-sī guá m̄-hó Bûn-hiông-hiann, guá, guá... lí bô kóng guá iā liáu-kái lín má-mah hiâm guá sī tsi̍t-ê sàn-tshiah-kiánn bô tông-ì lán ê lâi-óng Bûn-hiông-hiann it-tshè lóng-sī gún má-mah bô lí-kái tshiánn lí guân-liōng guá, hó--bô? guá iā tsai-iánn guá sī tsi̍t-ê tsò-kang-á-lâng kah lí bô sù-phuè bô-huat-tōo tuà hōo lí hīng-hok kah khuài-lo̍k lán tsí-ū... guá bô-ài koh thiann--lah tse lóng-sī miā-ūn ê an-pâi Bûn-hiông-hiann, tshiánn lí m̄-thang sit-tsì bô-lūn sann-nî gōo-tang guá ê sim íng-uán to sio̍k-î lí Gio̍k-huī, tsin to-siā lí guá íng-uán ē-kì-tit lán tinn-bi̍t ê kuè-khì iā to-siā lí hōo guá gô-hān ê kóo-lē kah an-uì guá ē li̍p-tsì jīn-tsin lâi phah-piànn tshiánn lí tán-thāi guá sîng-kong tò-tńg--lâi hó--bô? hó, Bûn-hiông-hiann guá it-tīng ē tán lí tńg--lâi tshiu-hong tshue--lâi sim-thâu líng siang-lâng hun-tshiú kiô-thâu pinn khuànn-tio̍h kiô-kha ê lâu-tsuí tshiūnn lán tsîng-si tn̄g buē-lī sui-jiân miā-ūn lâi tsok-lōng bāng kun tio̍h-ài ū tsì-khì bô-lūn sann-tang ia̍h gōo-nî guá ē íng-uán tán-thāi lí