22280/《伊只是想欲坐佇遐》I Tsí-sī Siūnn-beh Tsē Tī Hia蕭澤倫Siau Ti̍k-lûn------------------------------------------你若遠遠看lí nā hn̄g-hn̄g khuànn會看著ē khuànn-tio̍h青青的一逝山tshinn-tshinn ê tsi̍t-tsuā suann山跤有一條suann-kha ū tsi̍t-tiâu烏烏的田圳岸oo-oo ê tshân-tsùn huānn坐一个笑笑的老阿媽tsē tsi̍t-ê tshiò-tshiò ê lāu a-má𪜶翁離開早in ang lī-khui tsá𪜶後生嘛做粗工in hāu-sinn mā tsuè tshoo-kang做甲斷性命tsuè kah tn̄g sìnn-miā伊的新婦真僥雄i ê sin-pū tsin hiau-hiông是放下兩个囝sī pàng-hā nn̄g-ê kiánn伊著一爿做田i tio̍h tsi̍t-pîng tsuè-tshân一爿來共𪜶tsi̍t-pîng lâi kā in寬寬仔晟khuann-khuann-á tshiânn有一工ū-tsi̍t-kang𪜶坐佇樹頭in tsē tī tshiū-thâu抐涼兼洗跤lā-liâng kiam sé-kha遠遠有一台烏頭仔hn̄g-hn̄g ū tsi̍t-tâi oo-thâu-á駛入來門口埕sái ji̍p-lâi mn̂g-kháu-tiânn𪜶講地方發展in kóng tē-hng huat-tián國家未來kok-ka bī-lâi需要恁來徙su-iàu lín lâi suá恁這塊爛田lín tsit tè nuā-tshân趁袂赴食thàn bē-hù tsia̍h阮用金山來佮你換gún ōng kim-suann lâi kah lí uānn阿媽毋捌字a-má m̄ bat-jī但是嘛無影遮軟汫tān-sī mā bô-iánn tsiah nńg-tsiánn掃帚攑咧sàu-tshiú gia̍h--leh就戽𪜶出大廳tō hòo in tshut tuā-thiann一日田做煞tsi̍t-ji̍t tshân tsuè suah是雷公兼爍爁sī luî-kong kiam sih-nah一陣警察仔tsi̍t-tīn kíng-tshat-á共怪手來護駕kā kuài-tshiú lâi hōo-kà攑放送頭咧喝聲gia̍h hòng-sàng-thâu teh huah-siann準備欲來拆tsún-pī beh lâi thiah伊只是想欲坐佇遐i tsí-sī siūnn-beh tsē tī hia你著駛𣁳塗機lí tio̍h sái khat-thôo-ki來共伊請lâi kā-i tshiánn請伊莫閣看tshiánn i mài koh khuànn莫閣哭甲大細聲mài koh khàu kah tuā-sè-siann請伊目睭瞌瞌tshiánn i ba̍k-tsiu kheh-kheh離開彼鎮位的公媽廳lī-khui he tìn-uī ê kong-má-thiann伊只是想欲坐佇遐i tsí-sī siūnn-beh tsē tī hia只是想欲予乖孫的tsí-sī siūnn-beh hōo kuai-sun--ê有飯通好食ū pn̄g thang-hó tsia̍h想欲予祖先仔siūnn-beh hōo tsóo-sian-á有人奉祀ū-lâng hōng-sāi有閒轉來看ū-îng tńg-lâi khuànn只是想欲tsí-sī siūnn-beh參伊的愛人仔tsham i ê ài-jîn-á有一工會當埋做伴ū-tsi̍t-kang ē-tàng tâi tsuè-phuānn------------------------------------------→
你若遠遠看會看著青青的一逝山山跤有一條烏烏的田圳岸坐一个笑笑的老阿媽𪜶翁離開早𪜶後生嘛做粗工做甲斷性命伊的新婦真僥雄是放下兩个囝伊著一爿做田一爿來共𪜶寬寬仔晟有一工𪜶坐佇樹頭抐涼兼洗跤遠遠有一台烏頭仔駛入來門口埕𪜶講地方發展國家未來需要恁來徙恁這塊爛田趁袂赴食阮用金山來佮你換阿媽毋捌字但是嘛無影遮軟汫掃帚攑咧就戽𪜶出大廳一日田做煞是雷公兼爍爁一陣警察仔共怪手來護駕攑放送頭咧喝聲準備欲來拆伊只是想欲坐佇遐你著駛𣁳塗機來共伊請請伊莫閣看莫閣哭甲大細聲請伊目睭瞌瞌離開彼鎮位的公媽廳伊只是想欲坐佇遐只是想欲予乖孫的有飯通好食想欲予祖先仔有人奉祀有閒轉來看只是想欲參伊的愛人仔有一工會當埋做伴
lí nā hn̄g-hn̄g khuànnē khuànn-tio̍htshinn-tshinn ê tsi̍t-tsuā suannsuann-kha ū tsi̍t-tiâuoo-oo ê tshân-tsùn huānntsē tsi̍t-ê tshiò-tshiò ê lāu a-máin ang lī-khui tsáin hāu-sinn mā tsuè tshoo-kangtsuè kah tn̄g sìnn-miāi ê sin-pū tsin hiau-hiôngsī pàng-hā nn̄g-ê kiánni tio̍h tsi̍t-pîng tsuè-tshântsi̍t-pîng lâi kā inkhuann-khuann-á tshiânnū-tsi̍t-kangin tsē tī tshiū-thâulā-liâng kiam sé-khahn̄g-hn̄g ū tsi̍t-tâi oo-thâu-ásái ji̍p-lâi mn̂g-kháu-tiânnin kóng tē-hng huat-tiánkok-ka bī-lâisu-iàu lín lâi suálín tsit tè nuā-tshânthàn bē-hù tsia̍hgún ōng kim-suann lâi kah lí uānna-má m̄ bat-jītān-sī mā bô-iánn tsiah nńg-tsiánnsàu-tshiú gia̍h--lehtō hòo in tshut tuā-thianntsi̍t-ji̍t tshân tsuè suahsī luî-kong kiam sih-nahtsi̍t-tīn kíng-tshat-ákā kuài-tshiú lâi hōo-kàgia̍h hòng-sàng-thâu teh huah-sianntsún-pī beh lâi thiahi tsí-sī siūnn-beh tsē tī hialí tio̍h sái khat-thôo-kilâi kā-i tshiánntshiánn i mài koh khuànnmài koh khàu kah tuā-sè-sianntshiánn i ba̍k-tsiu kheh-khehlī-khui he tìn-uī ê kong-má-thianni tsí-sī siūnn-beh tsē tī hiatsí-sī siūnn-beh hōo kuai-sun--êū pn̄g thang-hó tsia̍hsiūnn-beh hōo tsóo-sian-áū-lâng hōng-sāiū-îng tńg-lâi khuànntsí-sī siūnn-behtsham i ê ài-jîn-áū-tsi̍t-kang ē-tàng tâi tsuè-phuānn