22200/《秋田勸世歌/下》Tshiu-tiân Khuàn-sè-kua / Hā黃秋田N̂g Tshiu-tiân------------------------------------------運命哪會差遮濟ūn-miā ná ē tsha tsiah tsuē按怎我著夯某枷án-tsuánn guá tio̍h giâ bóo kê為著家庭歹情勢uī-tio̍h ka-tîng pháinn tsîng-sè予我才著分兩家hōo guá tsiah tio̍h pun lióng-ke兩家所費加傷重lióng-ka sóo-huì ke siong-tiōng為免家亂姑不將uī bián ka luān koo-put-tsiong看你骨頭有偌勇khuànn lí kut-thâu ū guā ióng任你仙趁都袂長jīm lí sian thàn tio buē tiông加開一爿的厝稅ke khai tsi̍t-pîng ê tshù-suè月月到限人欲提gue̍h-gue̍h kàu hān lâng beh the̍h生活費用加重倍sing-ua̍h huì-iōng ke tiông-puē透風落雨也著爬thàu-hong lo̍h-hōo iā tio̍h pê兩家所費盡靠咱lióng-ka sóo-huì tsīn khò lán經濟當然會較難king-tsè tong-jiân ē khah lân好歹天時也著趁hó-pháinn thinn-sî iā tio̍h thàn拚甲強欲變人丹piànn kah kiōng-bueh pìnn lâng-tan年節嘛著攢雙捆nî-tseh mā tio̍h tshuân siang-khún若無公平會窮分nā bô kong-pînn ē khîng-hun拄搪經濟若較lùntú-tn̄g king-tsè nā khah lùn規暝著去傷腦筋kui-mî tio̍h khì siong-náu-kun有時工作著出外ū-sî kang-tsok tio̍h tshut-guā本家當然看無我pún-ka tong-jiân khuànn-bô guá大某心內就變卦tuā-bóo sim-lāi tiō piàn-kuà講咱顧細無顧大kóng lán kòo sè bô-kòo tuā大某等咱攏無轉tuā-bóo tán lán lóng bô tńg當做是共放拋荒tòng-tsò sī kā pàng phau-hng踏入分家欲來問ta̍h-ji̍p hun-ka bueh lâi mn̄g袂輸起兵攻入庄buē-su khí-ping kong ji̍p tsng兩个感情無通好nn̄g-ê kám-tsîng bô-thang hó當然講話袂合和tong-jiân kóng-uē bē ha̍p-hô罵來應去的結果mē-lâi ìn-khì ê kiat-kó到尾也是動干戈kàu-bué iā-sī tōng-kan-ko雙方攏總無理解siang-hong lóng-tsóng bô lí-kái無顧面子足成害bô-kòo bīn-tsú tsiok tsiânn hāi毋知這是見笑代m̄-tsai tse sī kiàn-siàu-tāi講講出來眾人知kóng-kóng--tshut-lâi tsiòng-lâng tsai本來見笑才一位pún-lâi kiàn-siàu tsiah tsi̍t-uī現在宣傳有較開hiān-tsāi suan-thuân ū khah khui加夆知影加落氣ke hông tsai-iánn ke làu-khuì做翁的人上食虧tsò ang ê lâng siōng tsia̍h-khui冤煞大某去了後uan suah tuā-bóo khì liáu-āu細姨毋願在心頭sè-î m̄-guān tsāi sim-thâu看咱轉來放聲哭khuànn lán tńg--lâi pàng-siann khàu對咱出水上激喉tuì lán tshut-tsuí siōng khik-âu咱著好喙共姑情lán tio̍h hó-tshuì kā koo-tsiânn輕聲細說講予聽khin-siann-sè-sueh kóng hōo thiann賠罪𤆬去看電影puê-tsuē tshuā khì khuànn tiān-iánn了錢著紲行舞廳liáu-tsînn tio̍h suà kiânn bú-thiann天光轉來咱厝內thinn kng tńg-lâi lán tshù-lāi罵咱寵倖細姨栽mē lán thíng-sīng sè-î-tsai講伊夆拍偌厲害kóng i hông phah guā lī-hāi提錢欲買傷藥材the̍h tsînn beh bé siong-io̍h-tsâi明知無影也著開bîng-tsai bô-iánn iā tio̍h khai錢若無了袂落臺tsînn nā bô liáu bē lo̍h-tâi我的運命哪遮歹guá ê ūn-miā ná tsiah pháinn想著實在足悲哀siūnn-tio̍h si̍t-tsāi tsiok pi-ai有時放帖人欲請ū-sî pàng thiap lâng bueh tshiánn今是欲𤆬啥人行tann sī beh tshuā siánn-lâng kiânn𤆬大出門細知影tshuā tuā tshut-mn̂g sè tsai-iánn細姨食醋哀怨聲sè-î tsia̍h-tshòo ai-uàn siann大某有囝咧讀書tuā-bóo ū kiánn teh tha̍k-tsi三不五時愛提錢sann-put-gōo-sî ài the̍h tsînn細姨若知無歡喜sè-î nā tsai bô huann-hí講咱開錢無公平kóng lán khai-tsînn bô kong-pînn細姨有時無理解sè-î ū-sî bô lí-kái無想學費應該開bô siūnn ha̍k-huì ing-kai khai規日佮咱激使派kui-ji̍t kah lán kik sái-phài囡仔提錢驚伊知gín-á the̍h tsînn kiann i tsai經過一段的日子king-kuè tsi̍t-tuānn ê ji̍t-tsí分家老二也煞生hun-ka láu-jī iā suah sinn人講加人加福氣lâng kóng ke lâng ke hok-khì無想將來加膏纏bô siūnn tsiong-lâi ke ko-tînn分家生產猶月內hun-ka sing-sán iáu gue̍h-lāi咧攢營養佮硩胎teh tshuân îng-ióng kah teh-thai月內補養應該愛gue̍h-lāi póo-ióng ing-kai ài麻油雞酒著咱刣muâ-iû-ke-tsiú tio̍h lán thâi本家大某看袂做pún-ka tuā-bóo khuànn bē-tsò表面毋敢起問題piáu-bīn m̄-kánn khí būn-tuê毋驚開錢烏白買m̄-kiann khai-tsînn oo-pe̍h bué三頓猶原咧刣雞sann-tǹg iu-guân teh thâi ke看開這缺毋敢講khuànn khai tsit khuat m̄-kánn kóng目睭瞌瞌佯戇戇ba̍k-tsiu kheh-kheh tènn gōng-gōng牙槽咬絚毋敢擋gê-tsô kā ân m̄-kánn tòng激心有影會嘔紅kik-sim ū-iánn ē áu-hông欲知當時嘛莫娶beh-tsai tong-sî mā mài tshuā獨身過日較快活to̍k-sin kuè-ji̍t khah khuìnn-ua̍h受著刺激遮爾大siū-tio̍h tshì-khik tsiah-nī tuā想真目屎流坦掣siūnn tsin ba̍k-sái lâu thán-tshuah本家分家攏有囝pún-ka hun-ka lóng ū kiánn責任咱的咱愛晟tsik-jīm lán-ê lán ài tshiânn囝是咱生咱愛疼kiánn sī lán senn lán ài thiànn不合佮咱爸囝名put-ha̍p kah lán pē-kiánn miâ昨昏袂睏如似夢tsa-hng bē khùn jû-sū bāng醒來想西佮想東tshínn--lâi siūnn sai kah siūnn tang想我責任遐爾重siūnn guá tsik-jīm hiah-nī tāng又閣想著一世人iū-koh siūnn tio̍h tsi̍t-sì-lâng囝兒大漢我若死kiánn-jî tuā-hàn guá nā sí茫茫渺渺毋知機bông-bông-biáu-biáu m̄-tsai ki仝爸各母親兄弟kāng-pē koh-bú tshin hiann-tī時到一定起相爭sî--kàu it-tīng khí sio-tsinn兩次家庭就閣亂nn̄g-tshù ka-tîng tiō koh luān兄弟爭奪財產權hiann-tī tsing-tua̍t tsâi-sán kuân財產相爭欲保管tsâi-sán sio-tsenn beh pó-kuán出山無人攑幢幡tshut-suann bô-lâng gia̍h tông-huan時到無論親兄弟sî--kàu bô-lūn tshin hiann-tī第一也是為金錢tē-it iā-sī uī kim-tsînn互相爭權佮奪利hōo-siong tsing-kuân kah tua̍t-lī相告煞著打官司sio-kò suah tio̍h tá-kuann-si現時細漢毋捌代hiān-sî sè-hàn m̄-bat tāi日後大漢𪜶就知ji̍t-āu tuā-hàn in tiō tsai為著業產感情歹uī-tio̍h gia̍p-sán kám-tsîng pháinn煞著攑刀起相刣suah tio̍h gia̍h to khí sio-thâi家己刣死親兄弟ka-kī thâi-sí tshin hiann-tī變成犯罪食官司piàn-sîng huān-tsuē tsia̍h kuann-si有的去關有的死ū-ê khì kuainn ū-ê sí絕代無人傳宗枝tsua̍t-tāi bô-lâng thuân tsong-ki無彩少年咧拍拚bô-tshái siàu-liân teh phah-piànn大某細姨好名聲tuā-bóo sè-î hó miâ-siann終尾破產煞無囝tsiong-bué phò-sán suah bô kiánn想真莫怪人會驚siūnn tsin bo̍k-kuài lâng ē kiann牽手兩个毋是好khan-tshiú nn̄g-ê m̄-sī hó像我不時心頭慒tshiūnn guá put-sî sim-thâu tso兩家若欲壓予好lióng-ka nā bueh ah hōo hó著愛一番費心勞tio̍h-ài tsi̍t-huan huì sim-lô欲知當時莫加娶bueh-tsai tong-sî mài ke tshuā某娶兩个才著磨bóo tshuā nn̄g-ê tsiah tio̍h buâ勸恁毋通親像我khǹg lín m̄-thang tshan-tshiūnn guá無力毋通強欲拖bô-la̍t m̄-thang kiōng-beh thua娶某宛然過大索tshuā-bóo uán-jiân kuè tuā-soh摔落到地命會無siak--lo̍h-kàu-tuè miā ē bô欲娶著愛看予好beh tshuā tio̍h-ài khuànn hōo hó毋通像我某袂和m̄-thang tshiūnn guá bóo buē hô欣羨別人運命好him-siān pa̍t-lâng ūn-miā hó太太濟个會合和thài-thài tsē-ê ē ha̍p-hô是恁大家道德好sī lín tāi-ke tō-tik hó深深共恁來祝賀tshim-tshim kā lín lâi tsiok-hō唱片講出我困難tshiùnn-phìnn kóng-tshut guá khùn-lân佮恁諸位無相干kah lín tsu-uī bô-siong-kan我勸大家拍拚趁guá khǹg tāi-ke phah-piànn thàn毋通加娶加艱難m̄-thang ke tshuā ke kan-lân我向諸君說恭喜guá hiòng tsu-kun sueh kiong-hí勸恁毋通娶細姨khǹg lín m̄-thang tshuā sè-î家庭翁某著和氣ka-tîng ang-bóo tio̍h hô-khì夫妻恩愛到百年hu-tshe un-ài kàu pah-nî------------------------------------------→
運命哪會差遮濟按怎我著夯某枷為著家庭歹情勢予我才著分兩家兩家所費加傷重為免家亂姑不將看你骨頭有偌勇任你仙趁都袂長加開一爿的厝稅月月到限人欲提生活費用加重倍透風落雨也著爬兩家所費盡靠咱經濟當然會較難好歹天時也著趁拚甲強欲變人丹年節嘛著攢雙捆若無公平會窮分拄搪經濟若較lùn規暝著去傷腦筋有時工作著出外本家當然看無我大某心內就變卦講咱顧細無顧大大某等咱攏無轉當做是共放拋荒踏入分家欲來問袂輸起兵攻入庄兩个感情無通好當然講話袂合和罵來應去的結果到尾也是動干戈雙方攏總無理解無顧面子足成害毋知這是見笑代講講出來眾人知本來見笑才一位現在宣傳有較開加夆知影加落氣做翁的人上食虧冤煞大某去了後細姨毋願在心頭看咱轉來放聲哭對咱出水上激喉咱著好喙共姑情輕聲細說講予聽賠罪𤆬去看電影了錢著紲行舞廳天光轉來咱厝內罵咱寵倖細姨栽講伊夆拍偌厲害提錢欲買傷藥材明知無影也著開錢若無了袂落臺我的運命哪遮歹想著實在足悲哀有時放帖人欲請今是欲𤆬啥人行𤆬大出門細知影細姨食醋哀怨聲大某有囝咧讀書三不五時愛提錢細姨若知無歡喜講咱開錢無公平細姨有時無理解無想學費應該開規日佮咱激使派囡仔提錢驚伊知經過一段的日子分家老二也煞生人講加人加福氣無想將來加膏纏分家生產猶月內咧攢營養佮硩胎月內補養應該愛麻油雞酒著咱刣本家大某看袂做表面毋敢起問題毋驚開錢烏白買三頓猶原咧刣雞看開這缺毋敢講目睭瞌瞌佯戇戇牙槽咬絚毋敢擋激心有影會嘔紅欲知當時嘛莫娶獨身過日較快活受著刺激遮爾大想真目屎流坦掣本家分家攏有囝責任咱的咱愛晟囝是咱生咱愛疼不合佮咱爸囝名昨昏袂睏如似夢醒來想西佮想東想我責任遐爾重又閣想著一世人囝兒大漢我若死茫茫渺渺毋知機仝爸各母親兄弟時到一定起相爭兩次家庭就閣亂兄弟爭奪財產權財產相爭欲保管出山無人攑幢幡時到無論親兄弟第一也是為金錢互相爭權佮奪利相告煞著打官司現時細漢毋捌代日後大漢𪜶就知為著業產感情歹煞著攑刀起相刣家己刣死親兄弟變成犯罪食官司有的去關有的死絕代無人傳宗枝無彩少年咧拍拚大某細姨好名聲終尾破產煞無囝想真莫怪人會驚牽手兩个毋是好像我不時心頭慒兩家若欲壓予好著愛一番費心勞欲知當時莫加娶某娶兩个才著磨勸恁毋通親像我無力毋通強欲拖娶某宛然過大索摔落到地命會無欲娶著愛看予好毋通像我某袂和欣羨別人運命好太太濟个會合和是恁大家道德好深深共恁來祝賀唱片講出我困難佮恁諸位無相干我勸大家拍拚趁毋通加娶加艱難我向諸君說恭喜勸恁毋通娶細姨家庭翁某著和氣夫妻恩愛到百年
ūn-miā ná ē tsha tsiah tsuēán-tsuánn guá tio̍h giâ bóo kêuī-tio̍h ka-tîng pháinn tsîng-sèhōo guá tsiah tio̍h pun lióng-kelióng-ka sóo-huì ke siong-tiōnguī bián ka luān koo-put-tsiongkhuànn lí kut-thâu ū guā ióngjīm lí sian thàn tio buē tiôngke khai tsi̍t-pîng ê tshù-suègue̍h-gue̍h kàu hān lâng beh the̍hsing-ua̍h huì-iōng ke tiông-puēthàu-hong lo̍h-hōo iā tio̍h pêlióng-ka sóo-huì tsīn khò lánking-tsè tong-jiân ē khah lânhó-pháinn thinn-sî iā tio̍h thànpiànn kah kiōng-bueh pìnn lâng-tannî-tseh mā tio̍h tshuân siang-khúnnā bô kong-pînn ē khîng-huntú-tn̄g king-tsè nā khah lùnkui-mî tio̍h khì siong-náu-kunū-sî kang-tsok tio̍h tshut-guāpún-ka tong-jiân khuànn-bô guátuā-bóo sim-lāi tiō piàn-kuàkóng lán kòo sè bô-kòo tuātuā-bóo tán lán lóng bô tńgtòng-tsò sī kā pàng phau-hngta̍h-ji̍p hun-ka bueh lâi mn̄gbuē-su khí-ping kong ji̍p tsngnn̄g-ê kám-tsîng bô-thang hótong-jiân kóng-uē bē ha̍p-hômē-lâi ìn-khì ê kiat-kókàu-bué iā-sī tōng-kan-kosiang-hong lóng-tsóng bô lí-káibô-kòo bīn-tsú tsiok tsiânn hāim̄-tsai tse sī kiàn-siàu-tāikóng-kóng--tshut-lâi tsiòng-lâng tsaipún-lâi kiàn-siàu tsiah tsi̍t-uīhiān-tsāi suan-thuân ū khah khuike hông tsai-iánn ke làu-khuìtsò ang ê lâng siōng tsia̍h-khuiuan suah tuā-bóo khì liáu-āusè-î m̄-guān tsāi sim-thâukhuànn lán tńg--lâi pàng-siann khàutuì lán tshut-tsuí siōng khik-âulán tio̍h hó-tshuì kā koo-tsiânnkhin-siann-sè-sueh kóng hōo thiannpuê-tsuē tshuā khì khuànn tiān-iánnliáu-tsînn tio̍h suà kiânn bú-thiannthinn kng tńg-lâi lán tshù-lāimē lán thíng-sīng sè-î-tsaikóng i hông phah guā lī-hāithe̍h tsînn beh bé siong-io̍h-tsâibîng-tsai bô-iánn iā tio̍h khaitsînn nā bô liáu bē lo̍h-tâiguá ê ūn-miā ná tsiah pháinnsiūnn-tio̍h si̍t-tsāi tsiok pi-aiū-sî pàng thiap lâng bueh tshiánntann sī beh tshuā siánn-lâng kiânntshuā tuā tshut-mn̂g sè tsai-iánnsè-î tsia̍h-tshòo ai-uàn sianntuā-bóo ū kiánn teh tha̍k-tsisann-put-gōo-sî ài the̍h tsînnsè-î nā tsai bô huann-híkóng lán khai-tsînn bô kong-pînnsè-î ū-sî bô lí-káibô siūnn ha̍k-huì ing-kai khaikui-ji̍t kah lán kik sái-phàigín-á the̍h tsînn kiann i tsaiking-kuè tsi̍t-tuānn ê ji̍t-tsíhun-ka láu-jī iā suah sinnlâng kóng ke lâng ke hok-khìbô siūnn tsiong-lâi ke ko-tînnhun-ka sing-sán iáu gue̍h-lāiteh tshuân îng-ióng kah teh-thaigue̍h-lāi póo-ióng ing-kai àimuâ-iû-ke-tsiú tio̍h lán thâipún-ka tuā-bóo khuànn bē-tsòpiáu-bīn m̄-kánn khí būn-tuêm̄-kiann khai-tsînn oo-pe̍h buésann-tǹg iu-guân teh thâi kekhuànn khai tsit khuat m̄-kánn kóngba̍k-tsiu kheh-kheh tènn gōng-gōnggê-tsô kā ân m̄-kánn tòngkik-sim ū-iánn ē áu-hôngbeh-tsai tong-sî mā mài tshuāto̍k-sin kuè-ji̍t khah khuìnn-ua̍hsiū-tio̍h tshì-khik tsiah-nī tuāsiūnn tsin ba̍k-sái lâu thán-tshuahpún-ka hun-ka lóng ū kiánntsik-jīm lán-ê lán ài tshiânnkiánn sī lán senn lán ài thiànnput-ha̍p kah lán pē-kiánn miâtsa-hng bē khùn jû-sū bāngtshínn--lâi siūnn sai kah siūnn tangsiūnn guá tsik-jīm hiah-nī tāngiū-koh siūnn tio̍h tsi̍t-sì-lângkiánn-jî tuā-hàn guá nā síbông-bông-biáu-biáu m̄-tsai kikāng-pē koh-bú tshin hiann-tīsî--kàu it-tīng khí sio-tsinnnn̄g-tshù ka-tîng tiō koh luānhiann-tī tsing-tua̍t tsâi-sán kuântsâi-sán sio-tsenn beh pó-kuántshut-suann bô-lâng gia̍h tông-huansî--kàu bô-lūn tshin hiann-tītē-it iā-sī uī kim-tsînnhōo-siong tsing-kuân kah tua̍t-līsio-kò suah tio̍h tá-kuann-sihiān-sî sè-hàn m̄-bat tāiji̍t-āu tuā-hàn in tiō tsaiuī-tio̍h gia̍p-sán kám-tsîng pháinnsuah tio̍h gia̍h to khí sio-thâika-kī thâi-sí tshin hiann-tīpiàn-sîng huān-tsuē tsia̍h kuann-siū-ê khì kuainn ū-ê sítsua̍t-tāi bô-lâng thuân tsong-kibô-tshái siàu-liân teh phah-piànntuā-bóo sè-î hó miâ-sianntsiong-bué phò-sán suah bô kiánnsiūnn tsin bo̍k-kuài lâng ē kiannkhan-tshiú nn̄g-ê m̄-sī hótshiūnn guá put-sî sim-thâu tsolióng-ka nā bueh ah hōo hótio̍h-ài tsi̍t-huan huì sim-lôbueh-tsai tong-sî mài ke tshuābóo tshuā nn̄g-ê tsiah tio̍h buâkhǹg lín m̄-thang tshan-tshiūnn guábô-la̍t m̄-thang kiōng-beh thuatshuā-bóo uán-jiân kuè tuā-sohsiak--lo̍h-kàu-tuè miā ē bôbeh tshuā tio̍h-ài khuànn hōo hóm̄-thang tshiūnn guá bóo buē hôhim-siān pa̍t-lâng ūn-miā hóthài-thài tsē-ê ē ha̍p-hôsī lín tāi-ke tō-tik hótshim-tshim kā lín lâi tsiok-hōtshiùnn-phìnn kóng-tshut guá khùn-lânkah lín tsu-uī bô-siong-kanguá khǹg tāi-ke phah-piànn thànm̄-thang ke tshuā ke kan-lânguá hiòng tsu-kun sueh kiong-híkhǹg lín m̄-thang tshuā sè-îka-tîng ang-bóo tio̍h hô-khìhu-tshe un-ài kàu pah-nî