22199/《秋田勸世歌/上》Tshiu-tiân Khuàn-sè-kua / Siōng黃秋田N̂g Tshiu-tiân------------------------------------------各位聽眾好兄弟kok-uī thiann-tsiòng hó hiann-tī聽我唸歌來講起thiann guá liām-kua lâi kóng-khí姓黃秋田我名字sènn N̂g Tshiu-tiân guá miâ-jī望恁疼惜佮支持bāng lín thiànn-sioh kah tsi-tshî諸位貴君我總請tsu-uī kuì-kun guá tsóng tshiánn勸世新歌分恁聽khǹg-sè sin-kua pun lín thiann勸咱心肝著扞定khǹg lán sim-kuann tio̍h huānn tiānn空茫命運毋通行khong-bông miā-ūn m̄-thang kiânn做人毋免傷怨嘆tsuè-lâng m̄-bián siunn uàn-thàn咱來𨑨迌在世間lán lâi thit-thô tsāi sè-kan毋通埋怨咱頇顢m̄-thang bâi-uàn lán hân-bān社會每人有困難siā-huē muí lâng ū khùn-lân世情如棋看現現sè-tsîng jû kî khuànn-hiān-hiān每棋每局會變遷muí kî muí kio̍k ē piàn-tshian做事勸恁愛良善tsuè sū khǹg lín ài liông-siān無事快樂小神仙bô-sū khuài-lo̍k sió sîn-sian勸咱大家著正經khǹg lán tāi-ke tio̍h tsìng-king認真拍拚求光榮jīn-tsin phah-piànn kiû kong-îng比人的命三不等pí lâng ê miā sam-put-tíng莫想貪心較清閒mài siūnn tham-sim khah tshing-îng閹雞毋通趁鳳飛iam-ke m̄-thang thàn hōng pue到時敢會著夯枷kàu-sî kánn ē tio̍h giâ-kê做人風流毋精濟tsò-lâng hong-liû m̄ tsing-tsè變甲木蝨頭殼爬piàn kah ba̍k-sat thâu-khak pê建置家庭傳後代kiàn-tì ka-tîng thuân hiō-tāi生囝傳孫是應該senn kiánn thuân sun sī ing-kai家庭某囝著擔帶ka-tîng bóo-kiánn tio̍h tam-tài養飼序細為將來iúnn-tshī sī-sè uī tsiong-lâi這段歌曲若講古tsit tuānn kua-khik ná kóng-kóo勸咱毋通做糊塗khǹg lán m̄-thang tsuè hôo-tôo娶兩个某真艱苦tshuā nn̄g-ê bóo tsin kan-khóo骨頭較𠕇都會脯kut-thâu khah tīng tio ē póo看人濟某好名聲khuànn-lâng tsē bóo hó miâ-siann我就綴人尾後行guá tiō tuè lâng bué-āu kiânn加娶頭殼是加疼ke tshuā thâu-khak sī ke thiànn以我經驗講恁聽í guá king-giām kóng lín thiann看人濟某多福氣khuànn-lâng tsē bóo to hok-khì我就趁人娶細姨guá tiō thàn lâng tshuā sè-î一人一命歹相比tsi̍t-lâng tsi̍t-miā pháinn sio-pí娶來才知反悔遲tshuā--lâi tsiah tsai huán-hué tî咱的民族好傳統lán ê bîn-tso̍k hó thuân-thóng單翁隻某才正宗tuann-ang tsiah-bóo tsiah tsiànn-tsong想娶細姨有較戇siūnn tshuā sè-î ū khah gōng加娶毋是咧威風ke tshuā m̄-sī teh ui-hong人講一某無人知lâng kóng tsi̍t-bóo bô-lâng tsai娶兩个某相卸代tshuā nn̄g-ê bóo sio-sià-tāi兩家愛情難拍派lióng-ka ài-tsîng lân phah-phài厝內不時打擂臺tshù-lāi put-sî tá-luî-tâi一翁兩某分袂平tsi̍t-ang nn̄g-bóo pun buē-pînn愛情時常起相爭ài-tsîng sî-siông khí sio-tsinn大某細姨面若變tuā-bóo sè-î bīn nā pìnn氣著翁婿面齊青khì-tio̍h ang-sài bīn tsiâu tshinn想欲加娶來致蔭siūnn-bueh ke tshuā lâi tì-ìm顛倒煞做石磨心tian-tò suah tsò tsio̍h-bō sim看𪜶雙方起變面khuànn in siang-hong khí pìnn-bīn激心茶湯就袂啉kik-sim tê-thng tiō buē lim一時貪心想風騷tsi̍t-sî tham-sim siūnn hong-so趁人閣娶小老婆thàn lâng koh tshuā sió lāu-pô望欲娶來會和好bāng-beh tshuā lâi ē hô-hó無疑家庭起風波bô-gî ka-tîng khí hong-pho當然細姨也是某tong-jiân sè-î iā-sī bóo毋過大某毋讓步m̄-koh tuā-bóo m̄ niū-pōo害著翁婿加艱苦hāi-tio̍h ang-sài ke kan-khóo家內不時做戰埔ka-lāi put-sî tsò tsiàn-poo為著事業外面走uī-tio̍h sū-gia̍p guā-bīn tsáu毋知家庭亂操操m̄-tsai ka-tîng luān-tshau-tshau工課做完轉來到khang-khuè tsò uân tńg-lâi kàu細姨大某相爭投sè-î tuā-bóo sio-tsenn tâu大的講細伊僭權tuā--ê kóng sè i tsiàm-kuân細的講大壓霸番sè--ê kóng tuā ah-pà huan兩个愈罵愈毋願nn̄g-ê jú mē jú m̄-guān雙人出手又閣冤siang-lâng tshut-tshiú iū-koh uan一个出手相跤蹔tsi̍t-ê tshut-tshiú siòng kha tsàm一个起手覓頭鬃tsi̍t-ê khí-tshiú bā thâu-tsang予咱仙搝都袂放hōo lán sian khiú tio bē pàng真真有影磨死翁tsin-tsin ū-iánn buâ-sí ang盡力欲占占袂開tsīn-li̍k beh tsiàm tsiàm bē-khui實在有影難解圍si̍t-tsāi ū-iánn lân kái-uî氣著血都強欲呸khì-tio̍h hueh to kiōng-beh phuì欲知嘛莫踮做堆bueh-tsai mā mài tiàm tsuè-tui兩人相拍跤手緊nn̄g-lâng sio-phah kha-tshiú kín咱氣甲欲烏暗眩lán khì kah beh oo-àm-hîn拍甲一輾過一輾phah kah tsi̍t-lìn kuè tsi̍t-lìn欲叫啥人做公親beh kiò siánn-lâng tsuè kong-tshin拍甲褲破衫也落phah kah khòo phuà sann iā làu奶罩搝斷塗跤兜ni-tà khiú tn̄g thôo-kha-tau觀眾圍甲規門口kuan-tsiòng uî kah kui mn̂g-kháu袂輸佇咧拍拳頭buē-su tī-teh phah kûn-thâu真真有影卸世眾tsin-tsin ū-iánn sià-sì-tsìng拍甲褲破兼落胸phah kah khòo phuà kiam làu hing實在明明歹德行si̍t-tsāi bîng-bîng pháinn tik-hīng大某細姨起戰爭tuā-bóo sè-î khí tsiàn-tsing門口觀眾圍規堆mn̂g-kháu kuan-tsiòng uî kui-tui無人欲替𪜶解圍bô-lâng bueh thè in kái-uî嬸仔姆仔來到位tsím--á ḿ--á lâi kàu-uī佳哉將𪜶共掠開ka-tsài tsiong in kā lia̍h khui冤煞也著咱收尾uan suah iā tio̍h lán siu-bué好喙勻勻共𪜶𫝻hó-tshuì ûn-ûn kā in huê？任翁婿真歹做?-jīm ang-sài tsin pháinn tsuè也著佯戇頭犁犁iā tio̍h tènn-gōng thâu lê-luê咱著好喙雙爿勸lán tio̍h hó-tshuì siang-pîng khǹg好話講甲下頦酸hó-uē kóng kah ē-huâi sng姑情雙方著落軟koo-tsiânn siang-hong tio̍h lo̍h-nńg放心才敢閣出門hòng-sim tsiah kánn koh tshut-mn̂g雖是出外在外地sui sī tshut-guā tsāi guā-tuē心肝猶原分兩个sim-kuann iu-guân pun nn̄g-ê一心懸又一心低tsi̍t-sim kuân iū tsi̍t-sim kē恐驚兩个閣冤家khióng-kiann nn̄g-ê koh uan-ke日頭暗啦想欲轉ji̍t-thâu àm--lah siūnn-bueh tńg厝邊隔壁著先問tshù-pinn keh-piah tio̍h sing mn̄g探聽𪜶攏有食飯thàm-thiann in lóng ū tsia̍h-pn̄g才敢放心踏入門tsiah kánn hòng-sim ta̍h ji̍p-mn̂g入門頭先看日誌ji̍p mn̂g thâu-sing khuànn ji̍t-tsì今日初六是拜二kia̋nn-ji̍t tshe-la̍k sī pài-jī當時約束有規矩tong-sî iok-sok ū kui-kí雙日應該著細姨siang-ji̍t ing-kai tio̍h sè-î單數一三五九七tuann-sòo it sam ngóo kiú tshit是輪大某的當值sī lûn tuā-bóo ê tong-ti̍t二四六八的日子jī sù lio̍k pat ê ji̍t-tsí雙數應該著細姨siang-sòo ing-kai tio̍h sè-î入到老二房間內ji̍p kàu láu-jī pâng-king lāi講話煞驚大某知kóng-uē suah kiann tuā-bóo tsai半暝老大若使派puànn-mê láu-tuā nā sái-phài刁持拍囝哭咍咍tiau-tî phah kiánn khàu hai-hai輪到單日睏大房lûn kàu tuann-ji̍t khùn tuā-pâng老二伊就起無空láu-jī i tiō khí-bô-khang雖是毋敢變啥魍sui sī m̄-kánn piàn siánn báng總會摔西佮摔東tsóng ē siak sai kah siak tang拄著月大三十一tú-tio̍h gue̍h tuā sann-tsa̍p-it是我僥倖的日子sī guá hiau-hīng ê ji̍t-tsí兩爿房間毋敢出lióng-pîng pâng-king m̄-kánn tshut結果煞著睏廳邊kiat-kó suah tio̍h khùn thiann pinn廳邊膨椅做床鋪thiann pinn phòng-í tsò tshn̂g-phoo怎樣我著行這路tsuánn-iūnn guá tio̍h kiânn tsit lōo兩某才知真艱苦nn̄g-bóo tsiah tsai tsin kan-khóo總講就是愛孝孤tsóng-kóng tiō-sī ài hàu-koo倒在廳邊直直想tó tsāi thiann pinn ti̍t-ti̍t siūnn想無適當的主張siūnn-bô sik-tòng ê tsú-tiunn大某細姨毋相讓tuā-bóo sè-î m̄ sio-niū叫我如何通收場kiò guá jû-hô thang siu-tiûnn想到天光才好勢siūnn kàu thinn kng tsiah hó-sè是愛貪心娶兩个sī ài tham-sim tshuā nn̄g-ê大某細姨袂一體tuā-bóo sè-î buē tsi̍t-thé決定一人分一家kuat-tīng tsi̍t-lâng pun tsi̍t-ke------------------------------------------→
各位聽眾好兄弟聽我唸歌來講起姓黃秋田我名字望恁疼惜佮支持諸位貴君我總請勸世新歌分恁聽勸咱心肝著扞定空茫命運毋通行做人毋免傷怨嘆咱來𨑨迌在世間毋通埋怨咱頇顢社會每人有困難世情如棋看現現每棋每局會變遷做事勸恁愛良善無事快樂小神仙勸咱大家著正經認真拍拚求光榮比人的命三不等莫想貪心較清閒閹雞毋通趁鳳飛到時敢會著夯枷做人風流毋精濟變甲木蝨頭殼爬建置家庭傳後代生囝傳孫是應該家庭某囝著擔帶養飼序細為將來這段歌曲若講古勸咱毋通做糊塗娶兩个某真艱苦骨頭較𠕇都會脯看人濟某好名聲我就綴人尾後行加娶頭殼是加疼以我經驗講恁聽看人濟某多福氣我就趁人娶細姨一人一命歹相比娶來才知反悔遲咱的民族好傳統單翁隻某才正宗想娶細姨有較戇加娶毋是咧威風人講一某無人知娶兩个某相卸代兩家愛情難拍派厝內不時打擂臺一翁兩某分袂平愛情時常起相爭大某細姨面若變氣著翁婿面齊青想欲加娶來致蔭顛倒煞做石磨心看𪜶雙方起變面激心茶湯就袂啉一時貪心想風騷趁人閣娶小老婆望欲娶來會和好無疑家庭起風波當然細姨也是某毋過大某毋讓步害著翁婿加艱苦家內不時做戰埔為著事業外面走毋知家庭亂操操工課做完轉來到細姨大某相爭投大的講細伊僭權細的講大壓霸番兩个愈罵愈毋願雙人出手又閣冤一个出手相跤蹔一个起手覓頭鬃予咱仙搝都袂放真真有影磨死翁盡力欲占占袂開實在有影難解圍氣著血都強欲呸欲知嘛莫踮做堆兩人相拍跤手緊咱氣甲欲烏暗眩拍甲一輾過一輾欲叫啥人做公親拍甲褲破衫也落奶罩搝斷塗跤兜觀眾圍甲規門口袂輸佇咧拍拳頭真真有影卸世眾拍甲褲破兼落胸實在明明歹德行大某細姨起戰爭門口觀眾圍規堆無人欲替𪜶解圍嬸仔姆仔來到位佳哉將𪜶共掠開冤煞也著咱收尾好喙勻勻共𪜶𫝻？任翁婿真歹做也著佯戇頭犁犁咱著好喙雙爿勸好話講甲下頦酸姑情雙方著落軟放心才敢閣出門雖是出外在外地心肝猶原分兩个一心懸又一心低恐驚兩个閣冤家日頭暗啦想欲轉厝邊隔壁著先問探聽𪜶攏有食飯才敢放心踏入門入門頭先看日誌今日初六是拜二當時約束有規矩雙日應該著細姨單數一三五九七是輪大某的當值二四六八的日子雙數應該著細姨入到老二房間內講話煞驚大某知半暝老大若使派刁持拍囝哭咍咍輪到單日睏大房老二伊就起無空雖是毋敢變啥魍總會摔西佮摔東拄著月大三十一是我僥倖的日子兩爿房間毋敢出結果煞著睏廳邊廳邊膨椅做床鋪怎樣我著行這路兩某才知真艱苦總講就是愛孝孤倒在廳邊直直想想無適當的主張大某細姨毋相讓叫我如何通收場想到天光才好勢是愛貪心娶兩个大某細姨袂一體決定一人分一家
kok-uī thiann-tsiòng hó hiann-tīthiann guá liām-kua lâi kóng-khísènn N̂g Tshiu-tiân guá miâ-jībāng lín thiànn-sioh kah tsi-tshîtsu-uī kuì-kun guá tsóng tshiánnkhǹg-sè sin-kua pun lín thiannkhǹg lán sim-kuann tio̍h huānn tiānnkhong-bông miā-ūn m̄-thang kiânntsuè-lâng m̄-bián siunn uàn-thànlán lâi thit-thô tsāi sè-kanm̄-thang bâi-uàn lán hân-bānsiā-huē muí lâng ū khùn-lânsè-tsîng jû kî khuànn-hiān-hiānmuí kî muí kio̍k ē piàn-tshiantsuè sū khǹg lín ài liông-siānbô-sū khuài-lo̍k sió sîn-siankhǹg lán tāi-ke tio̍h tsìng-kingjīn-tsin phah-piànn kiû kong-îngpí lâng ê miā sam-put-tíngmài siūnn tham-sim khah tshing-îngiam-ke m̄-thang thàn hōng puekàu-sî kánn ē tio̍h giâ-kêtsò-lâng hong-liû m̄ tsing-tsèpiàn kah ba̍k-sat thâu-khak pêkiàn-tì ka-tîng thuân hiō-tāisenn kiánn thuân sun sī ing-kaika-tîng bóo-kiánn tio̍h tam-tàiiúnn-tshī sī-sè uī tsiong-lâitsit tuānn kua-khik ná kóng-kóokhǹg lán m̄-thang tsuè hôo-tôotshuā nn̄g-ê bóo tsin kan-khóokut-thâu khah tīng tio ē póokhuànn-lâng tsē bóo hó miâ-siannguá tiō tuè lâng bué-āu kiânnke tshuā thâu-khak sī ke thiànní guá king-giām kóng lín thiannkhuànn-lâng tsē bóo to hok-khìguá tiō thàn lâng tshuā sè-îtsi̍t-lâng tsi̍t-miā pháinn sio-pítshuā--lâi tsiah tsai huán-hué tîlán ê bîn-tso̍k hó thuân-thóngtuann-ang tsiah-bóo tsiah tsiànn-tsongsiūnn tshuā sè-î ū khah gōngke tshuā m̄-sī teh ui-honglâng kóng tsi̍t-bóo bô-lâng tsaitshuā nn̄g-ê bóo sio-sià-tāilióng-ka ài-tsîng lân phah-phàitshù-lāi put-sî tá-luî-tâitsi̍t-ang nn̄g-bóo pun buē-pînnài-tsîng sî-siông khí sio-tsinntuā-bóo sè-î bīn nā pìnnkhì-tio̍h ang-sài bīn tsiâu tshinnsiūnn-bueh ke tshuā lâi tì-ìmtian-tò suah tsò tsio̍h-bō simkhuànn in siang-hong khí pìnn-bīnkik-sim tê-thng tiō buē limtsi̍t-sî tham-sim siūnn hong-sothàn lâng koh tshuā sió lāu-pôbāng-beh tshuā lâi ē hô-hóbô-gî ka-tîng khí hong-photong-jiân sè-î iā-sī bóom̄-koh tuā-bóo m̄ niū-pōohāi-tio̍h ang-sài ke kan-khóoka-lāi put-sî tsò tsiàn-poouī-tio̍h sū-gia̍p guā-bīn tsáum̄-tsai ka-tîng luān-tshau-tshaukhang-khuè tsò uân tńg-lâi kàusè-î tuā-bóo sio-tsenn tâutuā--ê kóng sè i tsiàm-kuânsè--ê kóng tuā ah-pà huannn̄g-ê jú mē jú m̄-guānsiang-lâng tshut-tshiú iū-koh uantsi̍t-ê tshut-tshiú siòng kha tsàmtsi̍t-ê khí-tshiú bā thâu-tsanghōo lán sian khiú tio bē pàngtsin-tsin ū-iánn buâ-sí angtsīn-li̍k beh tsiàm tsiàm bē-khuisi̍t-tsāi ū-iánn lân kái-uîkhì-tio̍h hueh to kiōng-beh phuìbueh-tsai mā mài tiàm tsuè-tuinn̄g-lâng sio-phah kha-tshiú kínlán khì kah beh oo-àm-hînphah kah tsi̍t-lìn kuè tsi̍t-lìnbeh kiò siánn-lâng tsuè kong-tshinphah kah khòo phuà sann iā làuni-tà khiú tn̄g thôo-kha-taukuan-tsiòng uî kah kui mn̂g-kháubuē-su tī-teh phah kûn-thâutsin-tsin ū-iánn sià-sì-tsìngphah kah khòo phuà kiam làu hingsi̍t-tsāi bîng-bîng pháinn tik-hīngtuā-bóo sè-î khí tsiàn-tsingmn̂g-kháu kuan-tsiòng uî kui-tuibô-lâng bueh thè in kái-uîtsím--á ḿ--á lâi kàu-uīka-tsài tsiong in kā lia̍h khuiuan suah iā tio̍h lán siu-buéhó-tshuì ûn-ûn kā in huêjīm ang-sài tsin pháinn tsuèiā tio̍h tènn-gōng thâu lê-luêlán tio̍h hó-tshuì siang-pîng khǹghó-uē kóng kah ē-huâi sngkoo-tsiânn siang-hong tio̍h lo̍h-nńghòng-sim tsiah kánn koh tshut-mn̂gsui sī tshut-guā tsāi guā-tuēsim-kuann iu-guân pun nn̄g-êtsi̍t-sim kuân iū tsi̍t-sim kēkhióng-kiann nn̄g-ê koh uan-keji̍t-thâu àm--lah siūnn-bueh tńgtshù-pinn keh-piah tio̍h sing mn̄gthàm-thiann in lóng ū tsia̍h-pn̄gtsiah kánn hòng-sim ta̍h ji̍p-mn̂gji̍p mn̂g thâu-sing khuànn ji̍t-tsìkia̋nn-ji̍t tshe-la̍k sī pài-jītong-sî iok-sok ū kui-kísiang-ji̍t ing-kai tio̍h sè-îtuann-sòo it sam ngóo kiú tshitsī lûn tuā-bóo ê tong-ti̍tjī sù lio̍k pat ê ji̍t-tsísiang-sòo ing-kai tio̍h sè-îji̍p kàu láu-jī pâng-king lāikóng-uē suah kiann tuā-bóo tsaipuànn-mê láu-tuā nā sái-phàitiau-tî phah kiánn khàu hai-hailûn kàu tuann-ji̍t khùn tuā-pângláu-jī i tiō khí-bô-khangsui sī m̄-kánn piàn siánn bángtsóng ē siak sai kah siak tangtú-tio̍h gue̍h tuā sann-tsa̍p-itsī guá hiau-hīng ê ji̍t-tsílióng-pîng pâng-king m̄-kánn tshutkiat-kó suah tio̍h khùn thiann pinnthiann pinn phòng-í tsò tshn̂g-phootsuánn-iūnn guá tio̍h kiânn tsit lōonn̄g-bóo tsiah tsai tsin kan-khóotsóng-kóng tiō-sī ài hàu-kootó tsāi thiann pinn ti̍t-ti̍t siūnnsiūnn-bô sik-tòng ê tsú-tiunntuā-bóo sè-î m̄ sio-niūkiò guá jû-hô thang siu-tiûnnsiūnn kàu thinn kng tsiah hó-sèsī ài tham-sim tshuā nn̄g-êtuā-bóo sè-î buē tsi̍t-thékuat-tīng tsi̍t-lâng pun tsi̍t-ke