22159/《阿媽的膨紗衫》A-má ê Phòng-se-sann黃春美N̂g Tshun-bí(程婧美Thiânn Tsīng-bí)------------------------------------------我有一領膨紗衫guá ū tsi̍t-niá phòng-se-sann是阿媽親手為我刺sī a-má tshin-tshiú uī guá tshiah每一針muí tsi̍t-tsiam每一線muí tsi̍t-suànn攏有阿媽的手蹄仔汗lóng ū a-má ê tshiú-tê-á kuānn色水是sik-tsuí sī淺淺的海水藍tshián-tshián ê hái-tsuí-nâ簡單素素kán-tan sòo-sòo真好看tsin hó-khuànn每擺若穿佇我的身軀muí-pái nā tshīng tī guá ê sin-khu有一種幸福的感覺ū tsi̍t-tsióng hīng-hok ê kám-kak日子經過遐濟年ji̍t-tsí king-kuè hiah tsuē nî阿媽已經離開我a-má í-king lī-khui guá每一年的冬天muí tsi̍t-nî ê tang-thinn攏穿著伊lóng tshīng tio̍h i較冷我嘛毋驚寒khah líng guá mā m̄-kiann kuânn雖然頷仔領sui-jiân ām-á-niá有小可破ū sió-khuá phuà淡薄仔勼水tām-po̍h-á kiu-tsuí無啥合bô siánn ha̍h這是你留予我的物件tse lí lâu hōo guá ê mi̍h-kiānn毋管是穿是幔m̄-kuán sī tshīng sī mua我就袂孤單guá tiō buē koo-tuann阿媽的膨紗衫a-má ê phòng-se-sann一首好聽的歌tsi̍t-siú hó-thiann ê kua每一句muí tsi̍t-kù攏是我的心聲lóng-sī guá ê sim-siann是我用感情為你寫sī guá iōng kám-tsîng uī lí siá阿媽的膨紗衫a-má ê phòng-se-sann一首溫暖的歌tsi̍t-siú un-luán ê kua親像你佇身邊tshin-tshiūnn lí tī sin-pinn佮我做伴kah guá tsuè-phuānn燒燒仔sio-sio--á燙著阮的心肝thǹg tio̍h gún ê sim-kuann---勻勻仔ûn-ûn-á貼佇阮的心肝tah tī gún ê sim-kuann------------------------------------------→
我有一領膨紗衫是阿媽親手為我刺每一針每一線攏有阿媽的手蹄仔汗色水是淺淺的海水藍簡單素素真好看每擺若穿佇我的身軀有一種幸福的感覺日子經過遐濟年阿媽已經離開我每一年的冬天攏穿著伊較冷我嘛毋驚寒雖然頷仔領有小可破淡薄仔勼水無啥合這是你留予我的物件毋管是穿是幔我就袂孤單阿媽的膨紗衫一首好聽的歌每一句攏是我的心聲是我用感情為你寫阿媽的膨紗衫一首溫暖的歌親像你佇身邊佮我做伴燒燒仔燙著阮的心肝勻勻仔貼佇阮的心肝
guá ū tsi̍t-niá phòng-se-sannsī a-má tshin-tshiú uī guá tshiahmuí tsi̍t-tsiammuí tsi̍t-suànnlóng ū a-má ê tshiú-tê-á kuānnsik-tsuí sītshián-tshián ê hái-tsuí-nâkán-tan sòo-sòotsin hó-khuànnmuí-pái nā tshīng tī guá ê sin-khuū tsi̍t-tsióng hīng-hok ê kám-kakji̍t-tsí king-kuè hiah tsuē nîa-má í-king lī-khui guámuí tsi̍t-nî ê tang-thinnlóng tshīng tio̍h ikhah líng guá mā m̄-kiann kuânnsui-jiân ām-á-niáū sió-khuá phuàtām-po̍h-á kiu-tsuíbô siánn ha̍htse lí lâu hōo guá ê mi̍h-kiānnm̄-kuán sī tshīng sī muaguá tiō buē koo-tuanna-má ê phòng-se-sanntsi̍t-siú hó-thiann ê kuamuí tsi̍t-kùlóng-sī guá ê sim-siannsī guá iōng kám-tsîng uī lí siáa-má ê phòng-se-sanntsi̍t-siú un-luán ê kuatshin-tshiūnn lí tī sin-pinnkah guá tsuè-phuānnsio-sio--áthǹg tio̍h gún ê sim-kuannûn-ûn-átah tī gún ê sim-kuann