21940/《新編問卜歌》Sin-pian Mn̄g-pok Kua古意唸歌團Kóo-ì Liām-kua Thuân------------------------------------------手攑籤筒有咧三支喔tshiú gia̍h tshiam-tâng ū--leh sann-ki--ooh欲卜新娘入門喜beh pok sin-niô ji̍p-mn̂g-hí現在有身啊三月日啊hiān-tsāi ū-sin--ah sann gue̍h-gi̍t--ah哎喲喂ai-iō-uê包領會生啊pau-niá ē senn--ah莫延遲啊bo̍k iân-tî--ah莫延遲bo̍k iân-tî籤欸tshiam--eh籤聖卦定tshiam sìng kuà tiānn卜卦是欲來算命pok-kuà sī beh lâi sǹg-miā啊要命冊ah iàu miā-tsheh來斷命格lâi tuān miā-keh好歹事我是知pheh-phehhó-pháinn sū guá sī tsai pheh-pheh後生來卜老爸啊hāu-senn lâi pok lāu-pē--ah小嬸仔卜大伯sió-tsím-á pok tuā-peh啊𪜶新婦欲卜ah in sin-pū beh pok是𪜶大家sī in ta-ke外甥仔卜母舅啊guē-sing-á pok bó-kū--ah舅仔來卜姊夫啊kū-á lâi pok tsí-hu--ah𪜶大官欲卜in ta-kuann beh pok是𪜶新婦sī in sin-pū猶閣再卜iá koh-tsài pok逐項有ta̍k-hāng ū老大人lāu-tuā-lâng卜予你食百二pok hōo lí tsia̍h-pah-jī少年的siàu-liân--ê卜予你大趁錢pok hōo lí tuā thàn-tsînn若囡仔人nā gín-á-lâng卜予你好育飼啊pok hōo lí hó-io-tshī--ah欸~恁有翁的查某人eh~ lín ū ang ê tsa-bóo-lâng嫁翁若袂合和kè-ang nā bē ha̍p-hô彼卜予你會合和he pok hōo lí ē ha̍p-hô恁翁暗時仔lín ang àm-sî-á𤆬你去玲瑯邏喔tshuā lí khì lin-long lô--ooh四界好𨑨迌sì-kè hó tshit-thô啊若有彼翁愛開的喔ah nā ū he ang ài-khai--ê ooh來卜lâi pok我就知guá tō tsai哎喲!這个先生是遐厲害啊ai-iō! tsit ê sian-sinn sī hiah lī-hāi--ah講翁若愛開kóng ang nā ài-khai伊卜就知啊欸i pok tiō tsai--ah-eh若無nā-bô我來共伊卜看覓guá lâi kā-i pok khuànn-māi來看先生lâi khuànn sian-sinn伊知毋知哩咿~i tsai m̄-tsai--lih ih~謼!恁看這hooh! lín khuànn tse這个查某tsit ê tsa-bóo孝呆的啦hàu-tai--ê lah伊講按呢謼!i kóng án-ne, hooh!我免卜嘛知guá bián pok mā tsai呔會毋知咧thài-ē m̄-tsai--leh啊先生啊ah sian-sinn--ah嘿嘿嘿, 按怎?hennh hennh hennh, án-ná?欲啥代?查某官beh siánn tāi? tsa-bóo-kuann哎喲!我共你講啦ai-iō! guá kā lí kóng--lah阮翁乎暗時gún ang--honnh àm-sî攏無踮咧厝啦lóng bô tiàm teh tshù--lah放阮一个人pàng gún tsi̍t-ê-lâng守空岫tsiú khang-siū哎喲!可憐ai-iō! khó-liân我身邊來無丈夫guá sin-pinn lâi bô tiōng-hu你這款的lí tsit-khuán--ê我知guá tsai我看你的面就知guá khuànn lí ê bīn tō tsai恁翁定著誠愛開喔lín ang tiānn-tio̍h tsiânn ài-khai--ooh謼!無啦!hooh! bô--lah!遐有彼个閒工去開啦hiah ū hit ê îng-kang khì khai--lah伊乎...i--honnh...伊是乎i sī--honnh啊啊啊, 是按怎?你毋著講ah-ah-ah, sī-án-ná? lí m̄-to̍h kóng伊乎, 伊蹛博物館啦i--honnh, i tuà phok-bu̍t-kuán--lah謼!蹛博物館?!hooh! tuà phok-bu̍t-kuán?!啊蹛這博物館囉ah tuà tse phok-bu̍t-kuán--loh是真可憐啊哩sī tsin khó-liân--ah-lih逐工身軀啊ta̍k-kang sin-khu--ah是軟連連啊欸sī nńg liân-liân--ah-eh身軀痠疼是人厭𤺪sin-khu sng-thiànn sī lâng ià-siān不時加班啊put-sî ka-pan--ah加甲頭衝煙啊欸ka kah thâu tshìng-ian--ah-eh這途有影是可憐代喔tsit tôo ū-iánn sī khó-liân-tāi--ooh聽伊咧講啊我才知啊欸thiann i leh kóng--ah guá tsiah tsai--ah-eh人講入館是深似海lâng kóng ji̍p kuán sī tshim sū hái難得脫身走出來咿~lân-tit thuat-sin tsáu--tshut-lâi ih~哎喲!先生你講了著啦ai-iō! sian-sinn lí kóng liáu tio̍h--lah入這館乎ji̍p tsit kuán--honnh袂輸魚著鉤鳥入網bē-su hî tio̍h-kau tsiáu ji̍p-bāng較慘雞仔蹛雞櫳喔khah-tshám ke-á tuà ke-lang--ooh哎喲!先生啊ai-iō! sian-sinn--ah你著可憐我這个lí tio̍h khó-liân guá tsit ê守活寡的婦人人tsiú ua̍h-kuá ê hū-jîn-lâng小姐小姐你免煩惱sió-tsiá sió-tsiá lí bián huân-ló將時就是欲來tsiòng-sî tō-sī beh lâi卜你的干支啊pok lí ê kan-tsi--ah來!你佇佗位咧徛起lâi! lí tī tó-uī teh khiā-khí姓啥物名啥物sènn siánn-mih miâ siánn-mih你著共我來講起lí to̍h kā guá lâi kóng-khí我通好來guá thang-hó lâi共你斷卦米kā lí tuān kuà-bí啊恁翁蹛佇咧佗一塊ah lín ang tuà tī-eh tó tsi̍t-tè你今年是有幾歲啊lí kin-nî sī ū kuí-huè ah哎喲!先生啊ai-iō! sian-sinn--ah阮是徛家咧五塊寮gún sī khiā-ke teh Gōo-tè-liâu阮翁相馬來我相猴gún ang siùnn-bé lâi guá siùnn-kâu伊是三十一i sī sann-tsa̍p-it人我二十九lâng guá jī-tsa̍p-káu嫁伊做某kè i tsò bóo我是誠癮頭guá sī tsiânn giàn-thâu哎喲!先生啊喂ai-iō! sian-sinn--ah-uê人講嫁雞lâng kóng kè ke著愛啄米to̍h-ài tok bí啊若嫁狗ah nā kè káu著生狗螕喔to̍h senn káu-pi--ooh可憐我khó-liân guá嫁這箍若空氣kè tsit khoo ná khong-khì蹛這个博物館tuà tsit ê phok-bu̍t-kuán是不了時sī put-liáu-sî我敢是欠這齒的guá kám-sī khiàm tsit-khí--ê死人債sí-lâng-tsè無想講伊是夫bô siūnn-kóng i sī hu啊我是妻ah guá sī tshe煞不時予我suah put-sî hōo guá咧睏孤个leh khùn koo-ê有時我尻脊骿ū-sî guá kha-tsiah-phiann叫無人通好扒kiò-bô lâng thang-hó pê阮囝的手捗gún kiánn ê tshiú-pôo閣是細仔个koh sī sè-á-ê扒了閣袂煞癢pê liáu koh buē suah tsiūnn我扒閣癢guá pê koh tsiūnn哎喲!癢閣扒ai-iō! tsiūnn koh pê扒閣癢閣癢閣扒pê koh tsiūnn koh tsiūnn koh pê可憐我嫁翁khó-liân guá kè-ang欲傍翁勢beh pn̄g ang sè無疑煞來夯翁枷bô-gî suah lâi giâ ang kê早知影我嘛莫嫁人tsá tsai-iánn guá mā mài kè--lâng踮厝是較好勢喔tiàm tshù sī khah hó-sè--ooh唉!較贏咧做這毋成翁某haih! khah iânn leh tsò tse m̄-tsiânn ang-bóo來全問題lâi tsuân būn-tê謼!啊你欲問按呢喔?hooh! ah lí beh mn̄g án-ne--ooh?嘿啦hennh lah好! 來啊!hó! lâi--ah!籤筒一搖動tshiam-tâng tsi̍t iô-tāng六十甲子排五冬la̍k-tsa̍p kah-tsí pâi gōo-tang伏羲神農孔子周公Ho̍k-hi Sîn-lông Khóng-tsú Tsiu-kong五大聖賢ngóo tāi sìng-hiân求先天外卦kiû sian-thian guā-kuà來主人的造化lâi tsú-lâng ê tsō-huà來!抽一支啊lâi! thiu ti̍t-ki--ah喔!好!ooh! hó!啊!帶壽帶福ah! tài siū tài hok有福來論卦ū hok lâi lūn-kuà閣再抽一支啊koh-tsài thiu tsi̍t-ki--ah喔!閣一支ooh! koh tsi̍t-ki謼!來hooh! lâi今,查某官tann, tsa-bóo-kuann嘿!hennh!我照卦來共你斷乎guá tsiàu kuà lâi kā lí tuān--honnh嘿嘿嘿hennh hennh hennh!欸,這通講毋通講, 唅?eh, tse thang kóng m̄-thang kóng, hannh?哎啊!先生啊aih-ah! sian-sinn--ah做你講啊tsò lí kóng--ah欸,啊卜好你免歡喜eh, ah pok hó lí bián huann-hí卜歹莫受氣喔pok pháinn mài siūnn-khì--ooh哎喲!好啦好啦好啦ai-iō! hó--lah hó--lah hó--lah先生你緊講啦sian-sinn lí kín kóng--lah好!來啊hó! lâi--ah你抽著這支囉lí thiu tio̍h tsit ki--loh就是山風蠱tō-sī san-hong-kóo欲問翁某啊beh mn̄g ang-bóo--ah做你免煩惱啊欸tsò lí bián huân-ló--ah-eh這是官鬼持世的啊運途tse sī kuann-kuí tshî-sè ê--ah ūn-tôo兩人定著啊nn̄g-lâng tiānn-tio̍h--ah會合和啊欸ē ha̍p-hô--ah-eh人講歷史文化lâng kóng li̍k-sú bûn-huà就是好寶tō-sī hó-pó伊是咧拍拚的i sī teh phah-piànn--ê毋是愛風騷啊欸m̄-sī ài hong-so--ah-eh古早的根基kóo-tsá ê kin-ki著留予好to̍h lâu hōo hó咱的囝孫lán ê kiánn-sun才通是有倚靠tsiah thang sī ū uá-khò你聽我的喙囉lí thiann guá ê tshuì--loh袂有錯bē ū tshò啊若有錯咧ah nā ū tshò--leh有錯嘛ū tshò--mah你就拖我這个卜卦先lí tō thua guá tsit ê pok-kuà-sian來摃𨑨迌lâi kòng tshit-thô咿~ ih~新編問卜歌sin-pian mn̄g-pok kua多謝逐家to-siā ta̍k-ke------------------------------------------→
手攑籤筒有咧三支喔欲卜新娘入門喜現在有身啊三月日啊哎喲喂包領會生啊莫延遲啊莫延遲籤欸籤聖卦定卜卦是欲來算命啊要命冊來斷命格好歹事我是知pheh-pheh後生來卜老爸啊小嬸仔卜大伯啊𪜶新婦欲卜是𪜶大家外甥仔卜母舅啊舅仔來卜姊夫啊𪜶大官欲卜是𪜶新婦猶閣再卜逐項有老大人卜予你食百二少年的卜予你大趁錢若囡仔人卜予你好育飼啊欸~恁有翁的查某人嫁翁若袂合和彼卜予你會合和恁翁暗時仔𤆬你去玲瑯邏喔四界好𨑨迌啊若有彼翁愛開的喔來卜我就知哎喲!這个先生是遐厲害啊講翁若愛開伊卜就知啊欸若無我來共伊卜看覓來看先生伊知毋知哩咿~謼!恁看這這个查某孝呆的啦伊講按呢謼!我免卜嘛知呔會毋知咧啊先生啊嘿嘿嘿, 按怎?欲啥代?查某官哎喲!我共你講啦阮翁乎暗時攏無踮咧厝啦放阮一个人守空岫哎喲!可憐我身邊來無丈夫你這款的我知我看你的面就知恁翁定著誠愛開喔謼!無啦!遐有彼个閒工去開啦伊乎...伊是乎啊啊啊, 是按怎?你毋著講伊乎, 伊蹛博物館啦謼!蹛博物館?!啊蹛這博物館囉是真可憐啊哩逐工身軀啊是軟連連啊欸身軀痠疼是人厭𤺪不時加班啊加甲頭衝煙啊欸這途有影是可憐代喔聽伊咧講啊我才知啊欸人講入館是深似海難得脫身走出來咿~哎喲!先生你講了著啦入這館乎袂輸魚著鉤鳥入網較慘雞仔蹛雞櫳喔哎喲!先生啊你著可憐我這个守活寡的婦人人小姐小姐你免煩惱將時就是欲來卜你的干支啊來!你佇佗位咧徛起姓啥物名啥物你著共我來講起我通好來共你斷卦米啊恁翁蹛佇咧佗一塊你今年是有幾歲啊哎喲!先生啊阮是徛家咧五塊寮阮翁相馬來我相猴伊是三十一人我二十九嫁伊做某我是誠癮頭哎喲!先生啊喂人講嫁雞著愛啄米啊若嫁狗著生狗螕喔可憐我嫁這箍若空氣蹛這个博物館是不了時我敢是欠這齒的死人債無想講伊是夫啊我是妻煞不時予我咧睏孤个有時我尻脊骿叫無人通好扒阮囝的手捗閣是細仔个扒了閣袂煞癢我扒閣癢哎喲!癢閣扒扒閣癢閣癢閣扒可憐我嫁翁欲傍翁勢無疑煞來夯翁枷早知影我嘛莫嫁人踮厝是較好勢喔唉!較贏咧做這毋成翁某來全問題謼!啊你欲問按呢喔?嘿啦好! 來啊!籤筒一搖動六十甲子排五冬伏羲神農孔子周公五大聖賢求先天外卦來主人的造化來!抽一支啊喔!好!啊!帶壽帶福有福來論卦閣再抽一支啊喔!閣一支謼!來今,查某官我照卦來共你斷乎嘿嘿嘿欸,這通講毋通講, 唅?哎啊!先生啊做你講啊欸,啊卜好你免歡喜卜歹莫受氣喔哎喲!好啦好啦好啦先生你緊講啦好!來啊你抽著這支囉就是山風蠱欲問翁某啊做你免煩惱啊欸這是官鬼持世的啊運途兩人定著啊會合和啊欸人講歷史文化就是好寶伊是咧拍拚的毋是愛風騷啊欸古早的根基著留予好咱的囝孫才通是有倚靠你聽我的喙囉袂有錯啊若有錯咧有錯嘛你就拖我這个卜卦先來摃𨑨迌新編問卜歌多謝逐家
tshiú gia̍h tshiam-tâng ū--leh sann-ki--oohbeh pok sin-niô ji̍p-mn̂g-híhiān-tsāi ū-sin--ah sann gue̍h-gi̍t--ahai-iō-uêpau-niá ē senn--ahbo̍k iân-tî--ahbo̍k iân-tîtshiam--ehtshiam sìng kuà tiānnpok-kuà sī beh lâi sǹg-miāah iàu miā-tshehlâi tuān miā-kehhó-pháinn sū guá sī tsai pheh-phehhāu-senn lâi pok lāu-pē--ahsió-tsím-á pok tuā-pehah in sin-pū beh poksī in ta-keguē-sing-á pok bó-kū--ahkū-á lâi pok tsí-hu--ahin ta-kuann beh poksī in sin-pūiá koh-tsài pokta̍k-hāng ūlāu-tuā-lângpok hōo lí tsia̍h-pah-jīsiàu-liân--êpok hōo lí tuā thàn-tsînnnā gín-á-lângpok hōo lí hó-io-tshī--aheh lín ū ang ê tsa-bóo-lângkè-ang nā bē ha̍p-hôhe pok hōo lí ē ha̍p-hôlín ang àm-sî-átshuā lí khì lin-long lô--oohsì-kè hó tshit-thôah nā ū he ang ài-khai--ê oohlâi pokguá tō tsaiai-iō tsit ê sian-sinn sī hiah lī-hāi--ahkóng ang nā ài-khaii pok tiō tsai--ah-ehnā-bôguá lâi kā-i pok khuànn-māilâi khuànn sian-sinni tsai m̄-tsai--lih ihhooh lín khuànn tsetsit ê tsa-bóohàu-tai--ê lahi kóng án-ne hoohguá bián pok mā tsaithài-ē m̄-tsai--lehah sian-sinn--ahhennh hennh hennh án-nábeh siánn tāi tsa-bóo-kuannai-iō guá kā lí kóng--lahgún ang--honnh àm-sîlóng bô tiàm teh tshù--lahpàng gún tsi̍t-ê-lângtsiú khang-siūai-iō khó-liânguá sin-pinn lâi bô tiōng-hulí tsit-khuán--êguá tsaiguá khuànn lí ê bīn tō tsailín ang tiānn-tio̍h tsiânn ài-khai--oohhooh bô--lahhiah ū hit ê îng-kang khì khai--lahi--honnhi sī--honnhah-ah-ah sī-án-ná lí m̄-to̍h kóngi--honnh i tuà phok-bu̍t-kuán--lahhooh tuà phok-bu̍t-kuánah tuà tse phok-bu̍t-kuán--lohsī tsin khó-liân--ah-lihta̍k-kang sin-khu--ahsī nńg liân-liân--ah-ehsin-khu sng-thiànn sī lâng ià-siānput-sî ka-pan--ahka kah thâu tshìng-ian--ah-ehtsit tôo ū-iánn sī khó-liân-tāi--oohthiann i leh kóng--ah guá tsiah tsai--ah-ehlâng kóng ji̍p kuán sī tshim sū háilân-tit thuat-sin tsáu--tshut-lâi ihai-iō sian-sinn lí kóng liáu tio̍h--lahji̍p tsit kuán--honnhbē-su hî tio̍h-kau tsiáu ji̍p-bāngkhah-tshám ke-á tuà ke-lang--oohai-iō sian-sinn--ahlí tio̍h khó-liân guá tsit êtsiú ua̍h-kuá ê hū-jîn-lângsió-tsiá sió-tsiá lí bián huân-lótsiòng-sî tō-sī beh lâipok lí ê kan-tsi--ahlâi lí tī tó-uī teh khiā-khísènn siánn-mih miâ siánn-mihlí to̍h kā guá lâi kóng-khíguá thang-hó lâikā lí tuān kuà-bíah lín ang tuà tī-eh tó tsi̍t-tèlí kin-nî sī ū kuí-huè ahai-iō sian-sinn--ahgún sī khiā-ke teh Gōo-tè-liâugún ang siùnn-bé lâi guá siùnn-kâui sī sann-tsa̍p-itlâng guá jī-tsa̍p-káukè i tsò bóoguá sī tsiânn giàn-thâuai-iō sian-sinn--ah-uêlâng kóng kè keto̍h-ài tok bíah nā kè káuto̍h senn káu-pi--oohkhó-liân guákè tsit khoo ná khong-khìtuà tsit ê phok-bu̍t-kuánsī put-liáu-sîguá kám-sī khiàm tsit-khí--êsí-lâng-tsèbô siūnn-kóng i sī huah guá sī tshesuah put-sî hōo guáleh khùn koo-êū-sî guá kha-tsiah-phiannkiò-bô lâng thang-hó pêgún kiánn ê tshiú-pôokoh sī sè-á-êpê liáu koh buē suah tsiūnnguá pê koh tsiūnnai-iō tsiūnn koh pêpê koh tsiūnn koh tsiūnn koh pêkhó-liân guá kè-angbeh pn̄g ang sèbô-gî suah lâi giâ ang kêtsá tsai-iánn guá mā mài kè--lângtiàm tshù sī khah hó-sè--oohhaih khah iânn leh tsò tse m̄-tsiânn ang-bóolâi tsuân būn-têhooh ah lí beh mn̄g án-ne--oohhennh lahhó lâi--ahtshiam-tâng tsi̍t iô-tāngla̍k-tsa̍p kah-tsí pâi gōo-tangHo̍k-hi Sîn-lông Khóng-tsú Tsiu-kongngóo tāi sìng-hiânkiû sian-thian guā-kuàlâi tsú-lâng ê tsō-huàlâi thiu ti̍t-ki--ahooh hóah tài siū tài hokū hok lâi lūn-kuàkoh-tsài thiu tsi̍t-ki--ahooh koh tsi̍t-kihooh lâitann tsa-bóo-kuannguá tsiàu kuà lâi kā lí tuān--honnhhennh hennh hennheh tse thang kóng m̄-thang kóng hannhaih-ah sian-sinn--ahtsò lí kóng--aheh ah pok hó lí bián huann-hípok pháinn mài siūnn-khì--oohai-iō hó--lah hó--lah hó--lahsian-sinn lí kín kóng--lahhó lâi--ahlí thiu tio̍h tsit ki--lohtō-sī san-hong-kóobeh mn̄g ang-bóo--ahtsò lí bián huân-ló--ah-ehtse sī kuann-kuí tshî-sè ê--ah ūn-tôonn̄g-lâng tiānn-tio̍h--ahē ha̍p-hô--ah-ehlâng kóng li̍k-sú bûn-huàtō-sī hó-pói sī teh phah-piànn--êm̄-sī ài hong-so--ah-ehkóo-tsá ê kin-kito̍h lâu hōo hólán ê kiánn-suntsiah thang sī ū uá-khòlí thiann guá ê tshuì--lohbē ū tshòah nā ū tshò--lehū tshò--mahlí tō thua guá tsit ê pok-kuà-sianlâi kòng tshit-thôsin-pian mn̄g-pok kuato-siā ta̍k-ke