21880/《時也運也命也》Sî--iā Ūn--iā Miā--iā 楊哲Iûnn Tiat ------------------------------------------ 嚶嚶幼幼抱你行 inn-inn iù-iù phō lí kiânn 七坐八爬叫阿娘 tshit-tsē peh-pê kiò a-niâ 鑽入親恩保護傘 tsǹg-ji̍p tshin-un pó-hōo-suànn 落塗毋免驚 lo̍h-thôo m̄-bián kiann 時也 sî--iā 一仙錢銀啊 tsi̍t-sián tsînn-gûn--ah 萬滴汗 bān-tih kuānn 百足勞心 pah-tsiok lô-sim 換三頓飽 uānn sann-tǹg pá 你看你看 lí khuànn lí khuànn 世間紛紛擾擾 sè-kan hun-hun-jiáu-jiáu 貪婪的心 tham-lâm ê sim 攏是為著啥 lóng-sī uī-tio̍h siánn 得會著 tit ē-tio̍h 得袂著 tit buē-tio̍h 運也 ūn--iā 啥人敢算百歲外 siánn-lâng kánn sǹg pah huè guā 囝孫滿堂的笑聲 kiánn-sun buán-tông ê tshiò-siann 啥人敢講 siánn-lâng kánn kóng 一生為著別人活 it-sing uī-tio̍h pa̍t-lâng ua̍h 毋是毋是 m̄-sī m̄-sī 是因為咱 sī in-uī lán 攏毋願向天頕頭啦 lóng m̄-guān hiòng thinn tàm-thâu lah 偏偏贏袂過 phian-phian iânn buē-kuè 這三字：年老矣 tsit sann-jī nî-lāu--ah 放下放下 hòng-hā hòng-hā 一切全是命 it-tshè tsuân sī miā 命也 miā--iā ------------------------------------------ →
嚶嚶幼幼抱你行 七坐八爬叫阿娘 鑽入親恩保護傘 落塗毋免驚 時也 一仙錢銀啊 萬滴汗 百足勞心 換三頓飽 你看你看 世間紛紛擾擾 貪婪的心 攏是為著啥 得會著 得袂著 運也 啥人敢算百歲外 囝孫滿堂的笑聲 啥人敢講 一生為著別人活 毋是毋是 是因為咱 攏毋願向天頕頭啦 偏偏贏袂過 這三字：年老矣 放下放下 一切全是命 命也
inn-inn iù-iù phō lí kiânn tshit-tsē peh-pê kiò a-niâ tsǹg-ji̍p tshin-un pó-hōo-suànn lo̍h-thôo m̄-bián kiann sî--iā tsi̍t-sián tsînn-gûn--ah bān-tih kuānn pah-tsiok lô-sim uānn sann-tǹg pá lí khuànn lí khuànn sè-kan hun-hun-jiáu-jiáu tham-lâm ê sim lóng-sī uī-tio̍h siánn tit ē-tio̍h tit buē-tio̍h ūn--iā siánn-lâng kánn sǹg pah huè guā kiánn-sun buán-tông ê tshiò-siann siánn-lâng kánn kóng it-sing uī-tio̍h pa̍t-lâng ua̍h m̄-sī m̄-sī sī in-uī lán lóng m̄-guān hiòng thinn tàm-thâu lah phian-phian iânn buē-kuè tsit sann-jī nî-lāu--ah hòng-hā hòng-hā it-tshè tsuân sī miā miā--iā