21244/《四季歌詩》Sù-kuì Kua-si余國光Î Kok-kong------------------------------------------春天已經漸漸醒tshun-thinn í-king tsiām-tsiām tshínn滿山野花芳透天muá-suann iá-hue phang thàu-thinn蝴蝶規大陣ôo-tia̍p kui-tuā-tīn飛向四爿邊hui hiòng sì-pîng pinn賞花欉siúnn hue-tsâng試花甜tshì hue-tinn一生青春趁這時it-sing tshing-tshun thàn tsit-sî夏天日頭拍拚催hā-thinn ji̍t-thâu phah-piànn tshui南風雄雄趕到位lâm-hong hiông-hiông kuánn kàu-uī蓮花放心開liân-hue hòng-sim khui一開百外蕊tsi̍t khui pah-guā luí白蓮嬌pe̍h-liân kiau紅蓮媠âng-liân suí親像彩霞跋落水tshin-tshiūnn tshái-hâ pua̍h lo̍h-tsuí秋天月娘上蓋光tshiu-thinn ge̍h-niû siōng-kài kng月光一步千里遠ge̍h-kng tsi̍t-pōo tshian-lí hn̄g何時通倒轉hô-sî thang tò-tńg顧守阮田園kòo-siú gún tshân-hn̂g他鄉月thann-hiong ge̍h照眠床tsiò bîn-tshn̂g一暝相思三暝長tsi̍t-mî siunn-si sann-mî tn̂g冬天霜風吹袂停tang-thinn sng-hong tshue buē-thîng風搖樹影真無閒hong iô tshiū-iánn tsin bô-îng一張無字批tsi̍t-tiunn bô-jī phue仙寫寫袂成sian siá siá buē-sîng望春風bāng tshun-hong小同情sió tông-tsîng明年趕緊做頭前mê-nî kuánn-kín tsuè thâu-tsîng------------------------------------------→
春天已經漸漸醒滿山野花芳透天蝴蝶規大陣飛向四爿邊賞花欉試花甜一生青春趁這時夏天日頭拍拚催南風雄雄趕到位蓮花放心開一開百外蕊白蓮嬌紅蓮媠親像彩霞跋落水秋天月娘上蓋光月光一步千里遠何時通倒轉顧守阮田園他鄉月照眠床一暝相思三暝長冬天霜風吹袂停風搖樹影真無閒一張無字批仙寫寫袂成望春風小同情明年趕緊做頭前
tshun-thinn í-king tsiām-tsiām tshínnmuá-suann iá-hue phang thàu-thinnôo-tia̍p kui-tuā-tīnhui hiòng sì-pîng pinnsiúnn hue-tsângtshì hue-tinnit-sing tshing-tshun thàn tsit-sîhā-thinn ji̍t-thâu phah-piànn tshuilâm-hong hiông-hiông kuánn kàu-uīliân-hue hòng-sim khuitsi̍t khui pah-guā luípe̍h-liân kiauâng-liân suítshin-tshiūnn tshái-hâ pua̍h lo̍h-tsuítshiu-thinn ge̍h-niû siōng-kài kngge̍h-kng tsi̍t-pōo tshian-lí hn̄ghô-sî thang tò-tńgkòo-siú gún tshân-hn̂gthann-hiong ge̍htsiò bîn-tshn̂gtsi̍t-mî siunn-si sann-mî tn̂gtang-thinn sng-hong tshue buē-thînghong iô tshiū-iánn tsin bô-îngtsi̍t-tiunn bô-jī phuesian siá siá buē-sîngbāng tshun-hongsió tông-tsîngmê-nî kuánn-kín tsuè thâu-tsîng