20970/《阮伯仔一隻船》Gún Peh--á Tsi̍t-tsiah Tsûn海銘Hái-bîng------------------------------------------阮伯仔一隻船gún peh--á tsi̍t-tsiah tsûn船名叫新海春tsûn-miâ kiò Sin-hái-tshun冬天咧掠塗魠tang-thinn teh lia̍h thôo-thoh熱天咧炤小卷jua̍h-thinn teh tshiō sió-kńg有時咧拖網ū-sî teh thua-bāng有時咧放緄ū-sî teh pàng-kún一年四季tsi̍t-nî sù-kuì無啥咧歇睏bô sánn teh hioh-khùn阮伯仔彼隻船gún peh--á hit-tsiah tsûn是伊的性命根sī i ê sìnn-miā kun除了做風颱tî-liáu tsuè-hong-thai規工攏佇船內kui kang lóng tī tsûn-lāi遐做遐摸hia tsò hia moo遐摃遐補hia kòng hia póo刻苦又耐勞khik-khóo iū nāi-lô阮伯仔的脾氣gún peh--á ê phî-khì嘛真奇怪唷mā tsin kî-kuài--iooh岸頂講話是笑咍咍huānn-tíng kóng-uē sī tshiò-hai-hai佇船內是青盲歹tī tsûn-lāi sī tshinn-mî pháinn工課若做袂來khang-khuè nā tsuè buē-lâi頭殼皮就𢼌過來thâu-khak-phê tiō pa--kuè-lâi我佮伊三年學討海guá kah i sann-nî o̍h thó-hái目屎吞腹內ba̍k-sái thun pak-lāi艱苦無人知kan-khóo bô-lâng tsai漁港討海hî-káng thó-hái一代傳一代tsi̍t-tāi thuân tsi̍t-tāi阮嘛無怨言gún mā bô uàn-giân阮嘛袂感慨gún mā buē kám-khài當做是青少年tòng-tsuè sī tshing-siàu-liân一段成長的悲哀tsi̍t-tuānn sîng-tióng ê pi-ai永遠永遠íng-uán íng-uán記佇咧心肝內kì tī-eh sim-kuann-lāi------------------------------------------→
阮伯仔一隻船船名叫新海春冬天咧掠塗魠熱天咧炤小卷有時咧拖網有時咧放緄一年四季無啥咧歇睏阮伯仔彼隻船是伊的性命根除了做風颱規工攏佇船內遐做遐摸遐摃遐補刻苦又耐勞阮伯仔的脾氣嘛真奇怪唷岸頂講話是笑咍咍佇船內是青盲歹工課若做袂來頭殼皮就𢼌過來我佮伊三年學討海目屎吞腹內艱苦無人知漁港討海一代傳一代阮嘛無怨言阮嘛袂感慨當做是青少年一段成長的悲哀永遠永遠記佇咧心肝內
gún peh--á tsi̍t-tsiah tsûntsûn-miâ kiò Sin-hái-tshuntang-thinn teh lia̍h thôo-thohjua̍h-thinn teh tshiō sió-kńgū-sî teh thua-bāngū-sî teh pàng-kúntsi̍t-nî sù-kuìbô sánn teh hioh-khùngún peh--á hit-tsiah tsûnsī i ê sìnn-miā kuntî-liáu tsuè-hong-thaikui kang lóng tī tsûn-lāihia tsò hia moohia kòng hia póokhik-khóo iū nāi-lôgún peh--á ê phî-khìmā tsin kî-kuài--ioohhuānn-tíng kóng-uē sī tshiò-hai-haitī tsûn-lāi sī tshinn-mî pháinnkhang-khuè nā tsuè buē-lâithâu-khak-phê tiō pa--kuè-lâiguá kah i sann-nî o̍h thó-háiba̍k-sái thun pak-lāikan-khóo bô-lâng tsaihî-káng thó-háitsi̍t-tāi thuân tsi̍t-tāigún mā bô uàn-giângún mā buē kám-khàitòng-tsuè sī tshing-siàu-liântsi̍t-tuānn sîng-tióng ê pi-aiíng-uán íng-uánkì tī-eh sim-kuann-lāi