20795/《仝款》Kāng-khuán洪佩瑜Âng Puē-jû------------------------------------------跤步遠遠kha-pōo hn̄g-hn̄g我就知guá tiō tsai是誰過街對遮來sī siáng kuè-ke tuì tsia lâi毋免招呼m̄-bián tsio-hoo家己坐ka-tī tsē「仝款喔？」kāng-khuán--ooh「仝款就好！」kāng-khuán tiō hó是咱上捷講的一句話sī lán siōng tsia̍p kóng ê tsi̍t-kù uē你目睭瞌瞌笑文文lí ba̍k-tsiu kheh-kheh tshiò bûn-bûn三千煩惱過我的手sam-tshian huân-ló kuè guá ê tshiú就像清風去無痕tsiū tshiūnn tshing-hong khì bô hûn日落月出嘛無聲ji̍t-lo̍h gue̍h-tshut mā bô-siann歲月恬恬行到遮suè-gua̍t tiām-tiām kiânn kàu tsia頭鬃喙鬚攏變白thâu-tsang tshuì-tshiu lóng piàn pe̍h「我來去」guá lâi-khì「你勻勻仔行」lí ûn-ûn-á kiânn咱慣勢用按呢講再會lán kuàn-sì īng án-ne kóng tsài-huē你越頭看我lí ua̍t-thâu khuànn guá笑微微tshiò bî-bî有話欲講ū uē beh kóng閣嫌費氣koh hiâm huì-khì留咧日後相會時lâu leh ji̍t-āu siong-huē sî人講人生lâng kóng jîn-sing講短嘛是長kóng té mā sī tn̂g誰來誰去siáng lâi siáng khì攏是靠緣份lóng-sī khò iân-hūn若是互相信任佮理解nā-sī hōo-siong sìn-jīm kah lí-kái閣較生份koh-khah tshenn-hūn嘛會變熟似mā ē piàn si̍k-sāi心頭一旦有人留佇遐sim-thâu it-tàn ū-lâng lâu tī hia路途較暗較遠lōo-tôo khah àm khah hn̄g嘛袂孤單mā buē koo-tuann------------------------------------------→
跤步遠遠我就知是誰過街對遮來毋免招呼家己坐「仝款喔？」「仝款就好！」是咱上捷講的一句話你目睭瞌瞌笑文文三千煩惱過我的手就像清風去無痕日落月出嘛無聲歲月恬恬行到遮頭鬃喙鬚攏變白「我來去」「你勻勻仔行」咱慣勢用按呢講再會你越頭看我笑微微有話欲講閣嫌費氣留咧日後相會時人講人生講短嘛是長誰來誰去攏是靠緣份若是互相信任佮理解閣較生份嘛會變熟似心頭一旦有人留佇遐路途較暗較遠嘛袂孤單
kha-pōo hn̄g-hn̄gguá tiō tsaisī siáng kuè-ke tuì tsia lâim̄-bián tsio-hooka-tī tsēkāng-khuán--oohkāng-khuán tiō hósī lán siōng tsia̍p kóng ê tsi̍t-kù uēlí ba̍k-tsiu kheh-kheh tshiò bûn-bûnsam-tshian huân-ló kuè guá ê tshiútsiū tshiūnn tshing-hong khì bô hûnji̍t-lo̍h gue̍h-tshut mā bô-siannsuè-gua̍t tiām-tiām kiânn kàu tsiathâu-tsang tshuì-tshiu lóng piàn pe̍hguá lâi-khìlí ûn-ûn-á kiânnlán kuàn-sì īng án-ne kóng tsài-huēlí ua̍t-thâu khuànn guátshiò bî-bîū uē beh kóngkoh hiâm huì-khìlâu leh ji̍t-āu siong-huē sîlâng kóng jîn-singkóng té mā sī tn̂gsiáng lâi siáng khìlóng-sī khò iân-hūnnā-sī hōo-siong sìn-jīm kah lí-káikoh-khah tshenn-hūnmā ē piàn si̍k-sāisim-thâu it-tàn ū-lâng lâu tī hialōo-tôo khah àm khah hn̄gmā buē koo-tuann