20583/《日落媽宮城》Ji̍t Lo̍h Má-king-siânn陳宏銘Tân Hông-bîng------------------------------------------南風吹過來lâm-hong tshue--kuè-lâi遮溫柔tsiah un-jiû日頭落佇媽宮城ji̍t-thâu lo̍h tī Má-king-siânn桶盤佮虎井Tháng-puânn kah Hóo-tsínn徛相倚khiā sio-uá遠遠船火漸漸爍hn̄g-hn̄g tsûn-hué tsiām-tsiām sih媽祖宮保庇全澎湖山Má-tsóo-king pó-pì tsuân Phînn-ôo-suann蛇頭山看顧媽宮港Tsuâ-thâu-suann khuànn-kòo Má-king-káng囡仔的時陣gín-á ê sî-tsūn金龜頭來泅水Kim-ku-thâu lâi siû-tsuí嵵裡牽罟曝魚乾Sî--ní khan-koo pha̍k hû-kuann澎湖的心Phînn-ôo ê sim媽宮的情Má-king ê tsîng遮自在tsiah tsū-tsāi牽手來散步khan-tshiú lâi sàn-pōo觀音亭的煙火Kuan-im-tîng ê ian-hué遮爾媠tsiah-nī suí元宵來乞龜Guân-siau lâi khit-ku武轎沖沖滾bú-kiō tshiâng-tshiâng-kún城隍廟過年踅夜市Sîng-hông-biō kuè-nî se̍h iā-tshī澎湖的月Phînn-ôo ê gue̍h天頂笑文文thinn-tíng tshiò bûn-bûn媽宮的夜Má-king ê iā海風來做伴hái-hong lâi tsuè-phuānn心內這首歌sim-lāi tsit siú kua唱予你聽tshiùnn hōo lí thiann心所愛的媽宮城sim sóo ài ê Má-king-siânn------------------------------------------→
南風吹過來遮溫柔日頭落佇媽宮城桶盤佮虎井徛相倚遠遠船火漸漸爍媽祖宮保庇全澎湖山蛇頭山看顧媽宮港囡仔的時陣金龜頭來泅水嵵裡牽罟曝魚乾澎湖的心媽宮的情遮自在牽手來散步觀音亭的煙火遮爾媠元宵來乞龜武轎沖沖滾城隍廟過年踅夜市澎湖的月天頂笑文文媽宮的夜海風來做伴心內這首歌唱予你聽心所愛的媽宮城
lâm-hong tshue--kuè-lâitsiah un-jiûji̍t-thâu lo̍h tī Má-king-siânnTháng-puânn kah Hóo-tsínnkhiā sio-uáhn̄g-hn̄g tsûn-hué tsiām-tsiām sihMá-tsóo-king pó-pì tsuân Phînn-ôo-suannTsuâ-thâu-suann khuànn-kòo Má-king-kánggín-á ê sî-tsūnKim-ku-thâu lâi siû-tsuíSî--ní khan-koo pha̍k hû-kuannPhînn-ôo ê simMá-king ê tsîngtsiah tsū-tsāikhan-tshiú lâi sàn-pōoKuan-im-tîng ê ian-huétsiah-nī suíGuân-siau lâi khit-kubú-kiō tshiâng-tshiâng-kúnSîng-hông-biō kuè-nî se̍h iā-tshīPhînn-ôo ê gue̍hthinn-tíng tshiò bûn-bûnMá-king ê iāhái-hong lâi tsuè-phuānnsim-lāi tsit siú kuatshiùnn hōo lí thiannsim sóo ài ê Má-king-siânn