20338/《阿芳欲嫁翁》A-phang Beh Kè-ang 小鳳鳳Sió-hōng-hōng(童欣Tông Him，馬來西亞) ------------------------------------------ 阿芳欲嫁𠢕揀翁 A-phang beh kè gâu kíng ang 揀來揀去揀無人 kíng-lâi-kíng-khì kíng-bô lâng 若欲嫁予臭頭仔翁 nā beh kè hōo tshàu-thâu-á ang 著愛捻棉花 tio̍h-ài liàm mî-hue 來窒鼻空 lâi that phīnn-khang 若欲嫁予青盲翁 nā beh kè hōo tshinn-mî ang 梳頭抹粉 se-thâu buah-hún 是無彩工 sī bô-tshái-kang 若欲嫁予彼號啞口翁 nā beh kè hōo hit-lō é-káu ang 指手畫跤 kí-tshiú uē-kha 是氣死人 sī khì-sí lâng 嫁予曲痀翁 kè hōo khiau-ku ang 棉被內閣會激空 mî-phuē lāi koh ē kik khang 嫁予討海翁 kè hōo thó-hái ang 三更半暝 sann-kinn-puànn-mî 是揣無人 sī tshuē-bô lâng 若欲嫁予有錢翁 nā beh kè hōo ū-tsînn ang 又閣驚伊 iū-koh kiann i 變成採花蜂 piàn-sîng tshái-hue-phang 若是去嫁著緣投仔翁 nā-sī khì kè tio̍h iân-tâu-á ang 哎喲三日無食 aih-iooh sann-ji̍t bô tsia̍h 嘛輕鬆 mā khin-sang 四日無食 sì-ji̍t bô tsia̍h 是喝救人 sī huah kiù-lâng 五日無食 gōo-ji̍t bô tsia̍h 一箍硬硬 tsi̍t-khoo ngē-ngē 袂振動啊喂 buē tín-tāng--ah-ueh ------------------------------------------ →
阿芳欲嫁𠢕揀翁 揀來揀去揀無人 若欲嫁予臭頭仔翁 著愛捻棉花 來窒鼻空 若欲嫁予青盲翁 梳頭抹粉 是無彩工 若欲嫁予彼號啞口翁 指手畫跤 是氣死人 嫁予曲痀翁 棉被內閣會激空 嫁予討海翁 三更半暝 是揣無人 若欲嫁予有錢翁 又閣驚伊 變成採花蜂 若是去嫁著緣投仔翁 哎喲三日無食 嘛輕鬆 四日無食 是喝救人 五日無食 一箍硬硬 袂振動啊喂
A-phang beh kè gâu kíng ang kíng-lâi-kíng-khì kíng-bô lâng nā beh kè hōo tshàu-thâu-á ang tio̍h-ài liàm mî-hue lâi that phīnn-khang nā beh kè hōo tshinn-mî ang se-thâu buah-hún sī bô-tshái-kang nā beh kè hōo hit-lō é-káu ang kí-tshiú uē-kha sī khì-sí lâng kè hōo khiau-ku ang mî-phuē lāi koh ē kik khang kè hōo thó-hái ang sann-kinn-puànn-mî sī tshuē-bô lâng nā beh kè hōo ū-tsînn ang iū-koh kiann i piàn-sîng tshái-hue-phang nā-sī khì kè tio̍h iân-tâu-á ang aih-iooh sann-ji̍t bô tsia̍h mā khin-sang sì-ji̍t bô tsia̍h sī huah kiù-lâng gōo-ji̍t bô tsia̍h tsi̍t-khoo ngē-ngē buē tín-tāng--ah-ueh