20213/《穩觸觸》Ún-tak-tak張美玲Tiunn Bí-lîng (馬來西亞)------------------------------------------趁錢的頭路thàn-tsînn ê thâu-lōo是百百款sī pah-pah-khuán頭殼不時thâu-khak put-sî著罔振動tio̍h bóng tín-tāng目睭愛眨予金ba̍k-tsiu ài tsap hōo kim是頭一層sī thâu tsi̍t-tsân身體若勇健sin-thé nā ióng-kiānn才有希望tsiah ū hi-bāng朋友弟兄鬥相共pîng-iú tī-hiann tàu-sann-kāng總嘛是有限tsóng--mā sī iú-hān別人流汗你嬈仙pa̍t-lâng lâu-kuānn lí hiâu-sian這款的tsit khuán--ê莫向望mài ǹg-bāng桌頂欲拈柑toh-tíng beh ni kam嘛著先去挽mā tio̍h sing khì bán世間無遐好空sè-kan bô hiah hó-khang白食的午餐喔báichī de wǔcān ooh萬項的代誌bān-hāng ê tāi-tsì著愛計畫tio̍h-ài kè-uē飛天鑽地pue-thinn tsǹg-tē是靠實力sī khò si̍t-li̍k伸勼進退tshun-kiu tsìn-thè是用智識sī iōng tì-sik眼光看予準gán-kong khuànn hōo tsún跤步踏予穩kha-pōo ta̍h hōo ún做事莫拖沙tsuè-sū mài thua-sua行動愛鑠拍hîng-tōng ài siak-phah彼陣的蠓仔hit-tsūn ê báng-á就嗡嗡嗡嗡tiō ong ong ong ong入牛角ji̍p gû-kak你就穩的穩的lí tiō ún--ê ún--ê穩觸觸ún-tak-tak------------------------------------------→
趁錢的頭路是百百款頭殼不時著罔振動目睭愛眨予金是頭一層身體若勇健才有希望朋友弟兄鬥相共總嘛是有限別人流汗你嬈仙這款的莫向望桌頂欲拈柑嘛著先去挽世間無遐好空白食的午餐喔萬項的代誌著愛計畫飛天鑽地是靠實力伸勼進退是用智識眼光看予準跤步踏予穩做事莫拖沙行動愛鑠拍彼陣的蠓仔就嗡嗡嗡嗡入牛角你就穩的穩的穩觸觸
thàn-tsînn ê thâu-lōosī pah-pah-khuánthâu-khak put-sîtio̍h bóng tín-tāngba̍k-tsiu ài tsap hōo kimsī thâu tsi̍t-tsânsin-thé nā ióng-kiānntsiah ū hi-bāngpîng-iú tī-hiann tàu-sann-kāngtsóng--mā sī iú-hānpa̍t-lâng lâu-kuānn lí hiâu-siantsit khuán--êmài ǹg-bāngtoh-tíng beh ni kammā tio̍h sing khì bánsè-kan bô hiah hó-khangbáichī de wǔcān oohbān-hāng ê tāi-tsìtio̍h-ài kè-uēpue-thinn tsǹg-tēsī khò si̍t-li̍ktshun-kiu tsìn-thèsī iōng tì-sikgán-kong khuànn hōo tsúnkha-pōo ta̍h hōo úntsuè-sū mài thua-suahîng-tōng ài siak-phahhit-tsūn ê báng-átiō ong ong ong ongji̍p gû-kaklí tiō ún--ê ún--êún-tak-tak