19727/《一隻狗仔》Tsi̍t-tsiah Káu-á李英宏Lí Ing-hông------------------------------------------一隻狗仔tsi̍t-tsiah káu-á袂記得路buē-kì-tit lōo毋知影m̄ tsai-iánn厝內的方向tshù-lāi ê hong-hiòng真濟的怪物tsin tsuē ê kuài-bu̍t四界亂衝sì-kè luān tshiong目睭欲看無ba̍k-tsiu beh khuànn-bô啊吁~ah-uh~我的主人guá ê tsú-lâng𤆬我出來𨑨迌tshuā guá tshut-lâi tshit-thô放我佇遮pàng guá tī tsia伊毋知走去佗i m̄-tsai tsáu-khì toh緊張甲kín-tiunn kah咧欲疶屎閣滲尿tih-beh tshuah-sái koh siàm-jiō頭的thâu--ê你佇佗lí tī toh啊吁~ah-uh~↓↓(口白)---(口白)↓↓我心愛的主人guá sim-ài ê tsú-lâng你是走去佗位啊lí sī tsáu-khì tó-uī--ah怎樣我一越頭tsuánn-iūnn guá tsi̍t ua̍t-thâu就無看著你的人影tiō bô khuànn-tio̍h lí ê lâng-iánn是毋是sī-m̄-sī我無夠乖guá bô-kàu kuai最近放屎tsuè-kīn pàng-sái佇咧你的眠床頂tī-eh lí ê bîn-tshn̂g-tíng閣共你的一千箍koh kā lí ê tsi̍t-tshing khoo咬甲破破去kā kah phuà-phuà--khì你才欲按呢lí tsiah beh án-ne將我來放捒tsiong guá lâi pàng-sat但是tān-sī你毋知影lí m̄ tsai-iánn因為我實在in-uī guá si̍t-tsāi是太愛你矣sī thài ài lí--ah你最近lí tsuè-kīn攏無想欲插我lóng bô siūnn-beh tshap guá我毋才想欲guá m̄-tsiah siūnn-beh按呢來抗議án-ne lâi khòng-gī我知影我毋著矣guá tsai-iánn guá m̄-tio̍h--ah你敢會使緊𤆬我轉去lí kám ē-sái kín tshuā guá tńg--khì你敢會使緊𤆬我轉去啊lí kám ē-sái kín tshuā guá tńg--khì lah↑↑(口白)---(口白)↑↑di doo di di doo didi想欲轉去厝siūnn-beh tńg-khì tshùdi doo di di doo大馬路口tuā-bé-lōo kháu我佇遮躊躇guá tī tsia tiû-tûdi doo di di doo主人哪攏無愛來共我救tsú-lâng ná lóng bô-ài lâi kā guá kiùdi doo di di doo didi世界無像我的厝喔sè-kài bô tshiūnn guá ê tshù--ooh------------------------------------------→
一隻狗仔袂記得路毋知影厝內的方向真濟的怪物四界亂衝目睭欲看無
tsi̍t-tsiah káu-ábuē-kì-tit lōom̄ tsai-iánntshù-lāi ê hong-hiòngtsin tsuē ê kuài-bu̍tsì-kè luān tshiongba̍k-tsiu beh khuànn-bô