19620/《林秀媚》Lîm Siù-bī &《拜請》Pài-tshiánn裝咖人樂團Tsng-kha-lâng Ga̍k-thuân------------------------------------------↓↓(口白)---(口白)---(口白)↓↓阿欽仔A-khim-á我知影guá tsai-iánn你是袂閣轉來矣lí sī bē koh tńg--lâi ah我有聽著guá ū thiann-tio̍h你佇厝外哭規暝的聲lí tī tshù-guā khàu kui-mî ê siann彼工你轉來hit-kang lí tńg--lâi規身軀全全血kui-sin-khu tsuân-tsuân hueh胸坎的血空hing-khám ê hueh-khang足驚人的tsiok kiann-lâng--ê你覆佇桌仔頂咧哭lí phak tī toh-á-tíng teh khàu彼陣我就知影hit-tsūn guá tō tsai-iánn你袂閣轉來矣lí bē koh tńg--lâi ah咱的屘囝lán ê ban-kiánn有一暗共我講ū tsi̍t-àm kā guá kóng看著阿爸khuànn-tio̍h a-pah徛佇蠓罩外口khiā tī báng-tà guā-kháu彼陣我閣較知影hit-tsūn guá koh-khah tsai-iánn你是永遠永遠lí sī íng-uán íng-uán袂閣轉來矣bē koh tńg--lâi--ah↑↑(口白)---(口白)---(口白)↑↑天thinn已經清光光í-king tshing kng-kng你lí前跤踏出門tsîng-kha ta̍h tshut-mn̂g講今日當好時kóng kim-ji̍t tng hó-sî招阮出門散散心tsio gún tshut-mn̂g suànn-suànn-sim我想無guá siūnn-bô哪會毋綴你來去ná ē m̄ tuè lí lâi-khì你敢有lí kám ū閣來的清光的日子koh-lâi ê tshing-kng ê ji̍t-tsí寒天水冷清清kuânn-thinn tsuí líng tshing-tshing厝內只有阮精神tshù-lāi tsí-ū gún tsing-sîn三千箍sann-tshing khoo我已經還guá í-king hîng米嘛有夠用bí mā ū-kàu īng你轉來彼一工lí tńg--lâi hit-tsi̍t-kang阮䖙佇眠床頂gún the tī bîn-tshn̂g-tíng神明廳紅赤赤sîn-bîng-thiann âng tshiah-tshiah厝後一陣一陣tshù-āu tsi̍t-tsūn-tsi̍t-tsūn天是清光啊thinn sī tshing-kng--ah日是好日ji̍t sī hó-ji̍t是哭阮sī khàu gún是哭阮sī khàu gún你跍佇遐啊lí khû tī hia--ah毋願起身啊m̄-guān khí-sin--ah一陣一陣tsi̍t-tsūn-tsi̍t-tsūn一陣一陣tsi̍t-tsūn-tsi̍t-tsūn觀音菩薩Kuan-im Phôo-sat救苦救難kiù-khóo kiù-lān踅啊踅se̍h--ah se̍h轉啊轉tńg--ah tńg你轉來彼一工lí tńg--lâi hit-tsi̍t-kang倒佇四人扛的床tó tī sì-lâng kng ê tshn̂g神明廳烏嘛嘛sîn-bîng thiann oo-mà-mà厝內一陣一陣tshù-lāi tsi̍t-tsūn-tsi̍t-tsūn天是清光啊thinn sī tshing-kng--ah日是好日ji̍t sī hó-ji̍t是哭阮sī khàu gún是哭阮sī khàu gún阮跍佇遐啊gún khû tī hia--ah毋願起身啊m̄-guān khí-sin--ah一陣一陣tsi̍t-tsūn-tsi̍t-tsūn一陣一陣tsi̍t-tsūn-tsi̍t-tsūn觀音菩薩Kuan-im Phôo-sat救苦救難kiù-khóo kiù-lān踅啊踅se̍h--ah se̍h轉啊轉tńg--ah tńg轉來厝內tńg-lâi tshù-lāi揣囝兒序細tshuē kiánn-jî sī-sè看𪜶睏佇眠床khuànn in khùn tī bîn-tshn̂g拜請拜請pài-tshiánn pài-tshiánn拜請觀音菩薩pài-tshiánn Kuan-im Phôo-sat拜請拜請pài-tshiánn pài-tshiánn拜請文殊菩薩pài-tshiánn Bûn-su Phôo-sat拜請拜請pài-tshiánn pài-tshiánn拜請地藏菩薩pài-tshiánn Tē-tsông Phôo-sat拜請拜請拜請pài-tshiánn pài-tshiánn pài-tshiánn拜請嘉義盧鈵欽pài-tshiánn Ka-gī Lôo Píng-khim安心放下保萬民an-sim pàng-hā pó bān-bîn厝內序細攏平靜tshù-lāi sī-sè lóng pîng-tsīng目屎袂落林秀媚ba̍k-sái buē lo̍h Lîm Siù-bī有時你會哭規暝ū-sî lí ē khàu kui-mî有時你會坐桌頂ū-sî lí ē tsē toh-tíng等𪜶彼工攏落去tán in hit-kang lóng lo̍h-khì菩薩面前phôo-sat bīn-tsîng佮伊講予明kah i kóng hōo bîng↓↓(口白)---(口白)↓↓我真感謝guá tsin kám-siā政府共你明殺tsìng-hú kā lí bîng-sat若是暗殺nā-sī àm-sat我就揣你無guá tiō tshuē lí bô你無做毋著任何的代誌lí bô tsò m̄-tio̍h jīm-hô ê tāi-tsì我共你沐著血的衫guá kā lí bak-tio̍h hueh ê sann翕相矣hip-siòng--ah公義若毋來kong-gī nā m̄-lâi我就共相片guá tiō kā siòng-phìnn提出來予全世界知the̍h tshut-lâi hōo tsuân sè-kài tsai↑↑(口白)---(口白)↑↑拜請拜請pài-tshiánn pài-tshiánn拜請陳澄波pài-tshiánn Tân Tîng-pho拜請拜請pài-tshiánn pài-tshiánn拜請蔡鐵城pài-tshiánn Tshuà Thih-sîng拜請拜請pài-tshiánn pài-tshiánn拜請盧鈵欽pài-tshiánn Lôo Píng-khim拜請拜請拜請pài-tshiánn pài-tshiánn pài-tshiánn退駕thè-kà↓↓(口白)---(口白)---(口白)↓↓拜請盧鈵欽pài-tshiánn Lôo Píng-khim我毋是古早彼款guá m̄-sī kóo-tsá hit khuán苦情的查某人khóo-tsîng ê tsa-bóo-lâng你胸坎前的批lí hing-khám tsîng ê phe我有看矣guá ū khuànn--ah喪葬費用三千箍song-tsòng huì-iōng sann-tshing khoo我已經還矣guá í-king hâinn--ah你著萬事放下lí tio̍h bān-sū pàng-hā厝內的大大細細tshù-lāi ê tuā-tuā-sè-sè現此時攏平安平靜hiān-tshú-sî lóng pîng-an pîng-tsīng我想無呢guá siūnn-bô--neh咱愛當時lán ài tang-sî才毋免驚tsiah m̄-bián kiann死佇機關銃口sí tī ki-kuan-tshìng kháu阿欽仔A-khim-á三牲四果sam-sing sù-kó著來鑒納tio̍h lâi kàm-la̍p一路平安tsi̍t-lōo pîng-an↑↑(口白)---(口白)---(口白)↑↑＝＝＝＝＝＝先生娘佇咧大廳門口拜拜sian-sinn-niû tī-leh tuā-thiann mn̂g-kháu pài-pài伊已經老矣i í-king lāu--ah頭鬃親像雞卵花thâu-tsang tshin-tshiūnn ke-nn̄g-hue毋過看起來m̄-koh khuànn--khí-lâi猶原真媠iu-guân tsin suí我一入來guá tsi̍t ji̍p-lâi先生娘就認出我sian-sinn-niû tō jīn-tshut guá講我已經遐大漢kóng guá í-king hiah tuā-hàn伊攏無機會去揣我看我i lóng bô ki-huē khì tshuē guá khuànn guá毋知按怎m̄-tsai án-tsuánn我目屎攏流出來guá ba̍k-sái lóng lâu--tshut-lâi我明明已經是guá bîng-bîng í-king sī五十幾歲gōo-tsa̍p-kuí huè強欲六十的婦女kiōng-beh la̍k-tsa̍p ê hū-lú佇秀媚先生娘看起來tī Siù-bī sian-sinn-niû khuànn--khí-lâi若親像少女ná-tshin-tshiūnn siàu-lú秀媚先生娘講Siù-bī sian-sinn-niû kóng盧醫師離開幾若冬了後Lôo-i-su lī-khui kuí-nā tang liáu-āu阿妹仔就綴𪜶阿爸去矣A-muē--á tō tuè in a-pah khì--ah阿妹仔佮𪜶阿爸上好A-muē--á kah in a-pah siōng-hó阿欽上疼伊A-khim siōng thiànn i𪜶一定佇另外一个世界in it-tīng tī līng-guā tsi̍t-ê sè-kài快樂生活khuài-lo̍k sing-ua̍h伊閣講：i koh kóng前幾個月tsîng kuí kò-gue̍h我有看著阿欽轉來guá ū khuànn-tio̍h A-khim tńg--lâi伊牽著阿妹仔i khan-tio̍h A-muē--á我想欲牽伊的手guá siūnn-beh khan i ê tshiú隨綴𪜶行suî-tuè in kiânn但是毋知是按怎tān-sī m̄-tsai sī-án-tsuánn我感覺我一定愛轉來guá kám-kak guá it-tīng ài tńg--lâi轉來這間厝看覓tńg-lâi tsit king tshù khuànn-māi也毋知欲看啥iā m̄-tsai beh khuànn siánn想袂到siūnn bē-kàu等著你tán-tio̍h lí你敢有看阿欽都咧門口lí kám ū khuànn A-khim to teh mn̂g-kháu清清氣氣tshing-tshing-khì-khì身軀勇健sin-khu ióng-kiānn面肉少年bīn-bah siàu-liân哎喲!真正緣投aih-iō! tsin-tsiànn iân-tâu閣目一𥍉koh ba̍k tsi̍t-nih秀媚先生娘Siù-bī sian-sinn-niû已經行去盧醫師身邊í-king kiânn khì Lôo-i-su sin-pinn伊變做少女時的模樣i piàn-tsò siàu-lú sî ê bôo-iūnn皮膚滑溜phuê-hu ku̍t-liu頭鬃反烏thâu-tsang huán-oo插一蕊雞卵花tshap tsi̍t-luí ke-nn̄g-hue牽手和盧醫師khan-tshiú hām Lôo-i-su行出醫生館kiânn-tshut i-sing-kuán------------------------------------------→
阿欽仔我知影你是袂閣轉來矣我有聽著你佇厝外哭規暝的聲彼工你轉來規身軀全全血胸坎的血空足驚人的你覆佇桌仔頂咧哭彼陣我就知影你袂閣轉來矣咱的屘囝有一暗共我講看著阿爸徛佇蠓罩外口彼陣我閣較知影你是永遠永遠袂閣轉來矣已經清光光前跤踏出門講今日當好時招阮出門散散心我想無哪會毋綴你來去你敢有閣來的清光的日子寒天水冷清清厝內只有阮精神三千箍我已經還米嘛有夠用你轉來彼一工阮䖙佇眠床頂神明廳紅赤赤厝後一陣一陣天是清光啊日是好日是哭阮是哭阮你跍佇遐啊毋願起身啊一陣一陣一陣一陣觀音菩薩救苦救難踅啊踅轉啊轉你轉來彼一工倒佇四人扛的床神明廳烏嘛嘛厝內一陣一陣天是清光啊日是好日是哭阮是哭阮阮跍佇遐啊毋願起身啊一陣一陣一陣一陣觀音菩薩救苦救難踅啊踅轉啊轉轉來厝內揣囝兒序細看𪜶睏佇眠床拜請拜請拜請觀音菩薩拜請拜請拜請文殊菩薩拜請拜請拜請地藏菩薩拜請拜請拜請拜請嘉義盧鈵欽安心放下保萬民厝內序細攏平靜目屎袂落林秀媚有時你會哭規暝有時你會坐桌頂等𪜶彼工攏落去菩薩面前佮伊講予明我真感謝政府共你明殺若是暗殺我就揣你無你無做毋著任何的代誌我共你沐著血的衫翕相矣公義若毋來我就共相片提出來予全世界知拜請拜請拜請陳澄波拜請拜請拜請蔡鐵城拜請拜請拜請盧鈵欽拜請拜請拜請退駕拜請盧鈵欽我毋是古早彼款苦情的查某人你胸坎前的批我有看矣喪葬費用三千箍我已經還矣你著萬事放下厝內的大大細細現此時攏平安平靜我想無呢咱愛當時才毋免驚死佇機關銃口阿欽仔三牲四果著來鑒納一路平安先生娘佇咧大廳門口拜拜伊已經老矣頭鬃親像雞卵花毋過看起來猶原真媠我一入來先生娘就認出我講我已經遐大漢伊攏無機會去揣我看我毋知按怎我目屎攏流出來我明明已經是五十幾歲強欲六十的婦女佇秀媚先生娘看起來若親像少女秀媚先生娘講盧醫師離開幾若冬了後阿妹仔就綴𪜶阿爸去矣阿妹仔佮𪜶阿爸上好阿欽上疼伊𪜶一定佇另外一个世界快樂生活伊閣講：前幾個月我有看著阿欽轉來伊牽著阿妹仔我想欲牽伊的手隨綴𪜶行但是毋知是按怎我感覺我一定愛轉來轉來這間厝看覓也毋知欲看啥想袂到等著你你敢有看阿欽都咧門口清清氣氣身軀勇健面肉少年哎喲!真正緣投閣目一𥍉秀媚先生娘已經行去盧醫師身邊伊變做少女時的模樣皮膚滑溜頭鬃反烏插一蕊雞卵花牽手和盧醫師行出醫生館
A-khim-águá tsai-iánnlí sī bē koh tńg--lâi ahguá ū thiann-tio̍hlí tī tshù-guā khàu kui-mî ê siannhit-kang lí tńg--lâikui-sin-khu tsuân-tsuân huehhing-khám ê hueh-khangtsiok kiann-lâng--êlí phak tī toh-á-tíng teh khàuhit-tsūn guá tō tsai-iánnlí bē koh tńg--lâi ahlán ê ban-kiánnū tsi̍t-àm kā guá kóngkhuànn-tio̍h a-pahkhiā tī báng-tà guā-kháuhit-tsūn guá koh-khah tsai-iánnlí sī íng-uán íng-uánbē koh tńg--lâi--ahí-king tshing kng-kngtsîng-kha ta̍h tshut-mn̂gkóng kim-ji̍t tng hó-sîtsio gún tshut-mn̂g suànn-suànn-simguá siūnn-bôná ē m̄ tuè lí lâi-khìlí kám ūkoh-lâi ê tshing-kng ê ji̍t-tsíkuânn-thinn tsuí líng tshing-tshingtshù-lāi tsí-ū gún tsing-sînsann-tshing khooguá í-king hîngbí mā ū-kàu īnglí tńg--lâi hit-tsi̍t-kanggún the tī bîn-tshn̂g-tíngsîn-bîng-thiann âng tshiah-tshiahtshù-āu tsi̍t-tsūn-tsi̍t-tsūnthinn sī tshing-kng--ahji̍t sī hó-ji̍tsī khàu gúnsī khàu gúnlí khû tī hia--ahm̄-guān khí-sin--ahtsi̍t-tsūn-tsi̍t-tsūntsi̍t-tsūn-tsi̍t-tsūnKuan-im Phôo-satkiù-khóo kiù-lānse̍h--ah se̍htńg--ah tńglí tńg--lâi hit-tsi̍t-kangtó tī sì-lâng kng ê tshn̂gsîn-bîng thiann oo-mà-màtshù-lāi tsi̍t-tsūn-tsi̍t-tsūnthinn sī tshing-kng--ahji̍t sī hó-ji̍tsī khàu gúnsī khàu gúngún khû tī hia--ahm̄-guān khí-sin--ahtsi̍t-tsūn-tsi̍t-tsūntsi̍t-tsūn-tsi̍t-tsūnKuan-im Phôo-satkiù-khóo kiù-lānse̍h--ah se̍htńg--ah tńgtńg-lâi tshù-lāitshuē kiánn-jî sī-sèkhuànn in khùn tī bîn-tshn̂gpài-tshiánn pài-tshiánnpài-tshiánn Kuan-im Phôo-satpài-tshiánn pài-tshiánnpài-tshiánn Bûn-su Phôo-satpài-tshiánn pài-tshiánnpài-tshiánn Tē-tsông Phôo-satpài-tshiánn pài-tshiánn pài-tshiánnpài-tshiánn Ka-gī Lôo Píng-khiman-sim pàng-hā pó bān-bîntshù-lāi sī-sè lóng pîng-tsīngba̍k-sái buē lo̍h Lîm Siù-bīū-sî lí ē khàu kui-mîū-sî lí ē tsē toh-tíngtán in hit-kang lóng lo̍h-khìphôo-sat bīn-tsîngkah i kóng hōo bîngguá tsin kám-siātsìng-hú kā lí bîng-satnā-sī àm-satguá tiō tshuē lí bôlí bô tsò m̄-tio̍h jīm-hô ê tāi-tsìguá kā lí bak-tio̍h hueh ê sannhip-siòng--ahkong-gī nā m̄-lâiguá tiō kā siòng-phìnnthe̍h tshut-lâi hōo tsuân sè-kài tsaipài-tshiánn pài-tshiánnpài-tshiánn Tân Tîng-phopài-tshiánn pài-tshiánnpài-tshiánn Tshuà Thih-sîngpài-tshiánn pài-tshiánnpài-tshiánn Lôo Píng-khimpài-tshiánn pài-tshiánn pài-tshiánnthè-kàpài-tshiánn Lôo Píng-khimguá m̄-sī kóo-tsá hit khuánkhóo-tsîng ê tsa-bóo-lânglí hing-khám tsîng ê pheguá ū khuànn--ahsong-tsòng huì-iōng sann-tshing khooguá í-king hâinn--ahlí tio̍h bān-sū pàng-hātshù-lāi ê tuā-tuā-sè-sèhiān-tshú-sî lóng pîng-an pîng-tsīngguá siūnn-bô--nehlán ài tang-sîtsiah m̄-bián kiannsí tī ki-kuan-tshìng kháuA-khim-ásam-sing sù-kótio̍h lâi kàm-la̍ptsi̍t-lōo pîng-ansian-sinn-niû tī-leh tuā-thiann mn̂g-kháu pài-pàii í-king lāu--ahthâu-tsang tshin-tshiūnn ke-nn̄g-huem̄-koh khuànn--khí-lâiiu-guân tsin suíguá tsi̍t ji̍p-lâisian-sinn-niû tō jīn-tshut guákóng guá í-king hiah tuā-hàni lóng bô ki-huē khì tshuē guá khuànn guám̄-tsai án-tsuánnguá ba̍k-sái lóng lâu--tshut-lâiguá bîng-bîng í-king sīgōo-tsa̍p-kuí huèkiōng-beh la̍k-tsa̍p ê hū-lútī Siù-bī sian-sinn-niû khuànn--khí-lâiná-tshin-tshiūnn siàu-lúSiù-bī sian-sinn-niû kóngLôo-i-su lī-khui kuí-nā tang liáu-āuA-muē--á tō tuè in a-pah khì--ahA-muē--á kah in a-pah siōng-hóA-khim siōng thiànn iin it-tīng tī līng-guā tsi̍t-ê sè-kàikhuài-lo̍k sing-ua̍hi koh kóngtsîng kuí kò-gue̍hguá ū khuànn-tio̍h A-khim tńg--lâii khan-tio̍h A-muē--águá siūnn-beh khan i ê tshiúsuî-tuè in kiânntān-sī m̄-tsai sī-án-tsuánnguá kám-kak guá it-tīng ài tńg--lâitńg-lâi tsit king tshù khuànn-māiiā m̄-tsai beh khuànn siánnsiūnn bē-kàután-tio̍h lílí kám ū khuànn A-khim to teh mn̂g-kháutshing-tshing-khì-khìsin-khu ióng-kiānnbīn-bah siàu-liânaih-iō tsin-tsiànn iân-tâukoh ba̍k tsi̍t-nihSiù-bī sian-sinn-niûí-king kiânn khì Lôo-i-su sin-pinni piàn-tsò siàu-lú sî ê bôo-iūnnphuê-hu ku̍t-liuthâu-tsang huán-ootshap tsi̍t-luí ke-nn̄g-huekhan-tshiú hām Lôo-i-sukiânn-tshut i-sing-kuán