19494/《碧潭純情記》Phik-thâm Sûn-tsîng Kì 黃西田N̂g Se-tiân 千慧Tshian-huī ------------------------------------------ 碧潭月影帶愁意 Phik-thâm ge̍h-iánn tài tshiû-ì 夜鶯哀叫亂亂啼 iā-ing ai-kiò luān-luān thî 看妹目箍紅記記 khuànn muē ba̍k-khoo âng-kì-kì 心內痛苦無地比 sim-lāi thòng-khóo bô-tuè pí 啊~心愛的 ah~ sim-ài--ê 一切咱著愛覺醒 it-tshè lán tio̍h-ài kak-tshínn 既然對著世間無趣味 kì-jiân tuì tio̍h sè-kan bô tshù-bī 萬項代誌 bān-hāng tāi-tsì 總著放予開 tsóng tio̍h pàng hōo khui ↓↓(口白)---(口白)---(口白)↓↓ -美枝 Bí-ki 你是佇咧哭啥物咧 lí sī tī-leh khàu siánn-mih--leh 敢會是你對這个 kám ē sī lí tuì tsit ê 現實無情的世間 hiān-si̍t bô-tsîng ê sè-kan 猶閣真正 iáu-koh tsin-tsiànn 佇咧留戀是毋 tī-leh liû-luân, sī--m̄ 或者是你佇咧後悔 hi̍k-tsiá-sī lí tī-leh hiō-hué 後悔咱兩人 hiō-hué lán nn̄g-lâng 若莫遮爾仔相愛 nā mài tsiah-nī-á siong-ài 今仔日也袂來 kin-á-ji̍t iā bē lâi 行著這款悲慘的地步 kiânn tio̍h tsit khuán pi-tshám ê tē-pōo 敢毋是咧 kám m̄-sī--leh 啊! ah! --哥哥 kó-koh 你哪通對我 lí ná thang tuì guá 講著這款話呢 kóng-tio̍h tsit khuán uē--neh 你 lí 你根本 lí kun-pún 都無了解著我的心肝 to bô liáu-kái tio̍h guá ê sim-kuann 唉!我一點仔都無咧後悔 haih! guá tsi̍t-tiám-á to bô teh hiō-hué 我也毋是為著驚死 guá iā m̄-sī uī-tio̍h kiann sí 才佇咧哭的啦 tsiah tī-leh khàu--ê lah 阮是太毋甘願 gún sī thài m̄ kam-guān 這个河水聲啦 tsit ê hô-tsuí siann--lah 為啥物 uī-siánn-mih 到底是為啥物咧 tàu-tué sī uī-siánn-mih--leh 咱兩人遮爾相愛 lán nn̄g-lâng tsiah-nī siong-ài 無法度通結局 bô-huat-tōo thang kiat-kio̍k 偏偏我無佮意的人 phian-phian guá bô kah-ì ê lâng 才會做著我的終身伴侶 tsiah ē tsuè tio̍h guá ê tsiong-sin phuānn-lū 我 guá 我愈想愈毋甘願 guá jú siūnn jú m̄ kam-guān 我死嘛目毋願瞌啦 guá sí mā ba̍k m̄-guān khueh--lah -好好 hó hó 毋通閣傷心矣 m̄-thang koh siong-sim--ah 一來二去 it-lâi jī-khì 總是怪我 tsóng--sī kuài guá 太無路用咧 thài bô-lōo-īng--leh 我若毋是一个散赤囝 guá nā m̄-sī tsi̍t-ê sàn-tshiah kiánn 你的爸母就袂來 lí ê pē-bú tiō bē lâi 看我遮爾仔無起 khuànn guá tsiah-nī-á bô-khí 就袂來 tiō bē lâi 一直反對咱的婚事 it-ti̍t huán-tuì lán ê hun-sū 也袂來逼你嫁予彼个 iā bē lâi pik lí kè hōo hit ê 有錢的王少爺 ū-tsînn ê Ông siàu-iâ 一切的一切 it-tshè ê it-tshè 咱無需要閣再想 lán bô su-iàu koh-tsài siūnn 閣再想 koh-tsài siūnn 也是無路用啦 iā-sī bô-lōo-īng--lah --是 sī 既然活佇這个世間 kì-jiân ua̍h tī tsit ê sè-kan 袂當得著幸福 buē-tàng tit-tio̍h hīng-hok 每日攏過著這款 muí-ji̍t lóng kè tio̍h tsit khuán 悲傷痛苦的日子 pi-siong thòng-khóo ê ji̍t-tsí 咱不如相𤆬來去 lán put-jû sio-tshuā lâi-khì 來去真遠真遠 lâi-khì tsin hn̄g tsin hn̄g 另外彼个世界啦 līng-guā hit ê sè-kài--lah -美枝 Bí-ki --哥哥 kó-koh ↑↑(口白)---(口白)---(口白)↑↑ 吊橋隨風輕搖動 tiàu-kiô suî hong khin iô-tāng 夜霧罩面？？寒 Iā-bū tà bīn? ? hân 想著過去的春夢 siūnn-tio̍h kuè-khì ê tshun-bāng 不覺傷心目箍紅 put-kak siong-sim ba̍k-khoo âng 啊~心愛的 ah~ sim-ài--ê 為著命運來戲弄 uī-tio̍h miā-ūn lâi hì-lāng 真心心愛袂得照希望 tsin-sim sim-ài buē-tit tsiàu hi-bāng 世間哪有啥物通留戀 sè-kan ná ū siánn-mih thang liû-luân ------------------------------------------ →
碧潭月影帶愁意 夜鶯哀叫亂亂啼 看妹目箍紅記記 心內痛苦無地比 啊~心愛的 一切咱著愛覺醒 既然對著世間無趣味 萬項代誌 總著放予開 -美枝 你是佇咧哭啥物咧 敢會是你對這个 現實無情的世間 猶閣真正 佇咧留戀是毋 或者是你佇咧後悔 後悔咱兩人 若莫遮爾仔相愛 今仔日也袂來 行著這款悲慘的地步 敢毋是咧 --哥哥 你哪通對我 講著這款話呢 你根本 都無了解著我的心肝 唉!我一點仔都無咧後悔 我也毋是為著驚死 才佇咧哭的啦 阮是太毋甘願 這个河水聲啦 為啥物 到底是為啥物咧 咱兩人遮爾相愛 無法度通結局 偏偏我無佮意的人 才會做著我的終身伴侶 我愈想愈毋甘願 我死嘛目毋願瞌啦 -好好 毋通閣傷心矣 一來二去 總是怪我 太無路用咧 我若毋是一个散赤囝 你的爸母就袂來 看我遮爾仔無起 就袂來 一直反對咱的婚事 也袂來逼你嫁予彼个 有錢的王少爺 一切的一切 咱無需要閣再想 閣再想 也是無路用啦 既然活佇這个世間 袂當得著幸福 每日攏過著這款 悲傷痛苦的日子 咱不如相𤆬來去 來去真遠真遠 另外彼个世界啦 -美枝 --哥哥 吊橋隨風輕搖動 夜霧罩面？？寒 想著過去的春夢 不覺傷心目箍紅 啊~心愛的 為著命運來戲弄 真心心愛袂得照希望 世間哪有啥物通留戀
Phik-thâm ge̍h-iánn tài tshiû-ì iā-ing ai-kiò luān-luān thî khuànn muē ba̍k-khoo âng-kì-kì sim-lāi thòng-khóo bô-tuè pí ah~ sim-ài--ê it-tshè lán tio̍h-ài kak-tshínn kì-jiân tuì tio̍h sè-kan bô tshù-bī bān-hāng tāi-tsì tsóng tio̍h pàng hōo khui Bí-ki lí sī tī-leh khàu siánn-mih--leh kám ē sī lí tuì tsit ê hiān-si̍t bô-tsîng ê sè-kan iáu-koh tsin-tsiànn tī-leh liû-luân, sī--m̄ hi̍k-tsiá-sī lí tī-leh hiō-hué hiō-hué lán nn̄g-lâng nā mài tsiah-nī-á siong-ài kin-á-ji̍t iā bē lâi kiânn tio̍h tsit khuán pi-tshám ê tē-pōo kám m̄-sī--leh kó-koh lí ná thang tuì guá kóng-tio̍h tsit khuán uē--neh lí kun-pún to bô liáu-kái tio̍h guá ê sim-kuann haih! guá tsi̍t-tiám-á to bô teh hiō-hué guá iā m̄-sī uī-tio̍h kiann sí tsiah tī-leh khàu--ê lah gún sī thài m̄ kam-guān tsit ê hô-tsuí siann--lah uī-siánn-mih tàu-tué sī uī-siánn-mih--leh lán nn̄g-lâng tsiah-nī siong-ài bô-huat-tōo thang kiat-kio̍k phian-phian guá bô kah-ì ê lâng tsiah ē tsuè tio̍h guá ê tsiong-sin phuānn-lū guá jú siūnn jú m̄ kam-guān guá sí mā ba̍k m̄-guān khueh--lah hó hó m̄-thang koh siong-sim--ah it-lâi jī-khì tsóng--sī kuài guá thài bô-lōo-īng--leh guá nā m̄-sī tsi̍t-ê sàn-tshiah kiánn lí ê pē-bú tiō bē lâi khuànn guá tsiah-nī-á bô-khí tiō bē lâi it-ti̍t huán-tuì lán ê hun-sū iā bē lâi pik lí kè hōo hit ê ū-tsînn ê Ông siàu-iâ it-tshè ê it-tshè lán bô su-iàu koh-tsài siūnn koh-tsài siūnn iā-sī bô-lōo-īng--lah kì-jiân ua̍h tī tsit ê sè-kan buē-tàng tit-tio̍h hīng-hok muí-ji̍t lóng kè tio̍h tsit khuán pi-siong thòng-khóo ê ji̍t-tsí lán put-jû sio-tshuā lâi-khì lâi-khì tsin hn̄g tsin hn̄g līng-guā hit ê sè-kài--lah Bí-ki kó-koh tiàu-kiô suî hong khin iô-tāng Iā-bū tà bīn? ? hân siūnn-tio̍h kuè-khì ê tshun-bāng put-kak siong-sim ba̍k-khoo âng ah~ sim-ài--ê uī-tio̍h miā-ūn lâi hì-lāng tsin-sim sim-ài buē-tit tsiàu hi-bāng sè-kan ná ū siánn-mih thang liû-luân