19257/《陣頭囡仔》Tīn-thâu Gín-á江志豐Kang Tsì-hong------------------------------------------畫上彩色的面譜uē siōng tshái-sik ê bīn-phóo是代表神聖sī tāi-piáu sîn-sìng手持各種的武器tshiú tshî kok-tsióng ê bú-khì是代表正義sī tāi-piáu tsìng-gī踏著一定的跤步ta̍h-tio̍h it-tīng ê kha-pōo是代表威儀sī tāi-piáu ui-gî阮是代表巡視的神明gún sī tāi-piáu sûn-sī ê sîn-bîng阮是象徵神聖的使者gún sī siōng-ting sîn-sìng ê sù-tsiá掃平路上邪靈sàu-pîng lōo-siōng siâ-lîng淨化五濁惡氣tsīng-huà gōo-to̍k ok-khì莫閣掛上有色的目鏡mài koh kuà siōng ū-sik ê ba̍k-kiànn看陣頭囡仔khuànn tīn-thâu gín-á彼是恁無了解he sī lín bô liáu-kái陣頭的傳統佮文化tīn-thâu ê thuân-thóng kah bûn-huà逐工練習ta̍k-kang liān-si̍p是阮對神明的一種虔誠sī gún tuì sîn-bîng ê tsi̍t-tsióng khiân-sîng恁是提香咧綴拜lín sī the̍h hiunn teh tuè pài阮舞動身軀的陣型gún bú-tōng sin-khu ê tīn-hîng攏是對神明的尊敬lóng-sī tuì sîn-bîng ê tsun-kìng無啥物差別bô-siánn-mih tsha-pia̍t無啥物無仝bô-siánn-mih bô-kāng請恁予阮tshiánn lín hōo gún加一寡鼓勵佮掌聲ke tsi̍t-kuá kóo-lē kah tsiáng-siann阮嘛是代表gún mā sī tāi-piáu臺灣的一種文化Tâi-uân ê tsi̍t-tsióng bûn-huà予阿啄仔看見hōo a-tok-á khuànn-kìnn咱的歷史佮傳統lán ê li̍k-sú kah thuân-thóng予世界知影hōo sè-kài tsai-iánn咱臺灣無仝款的面容lán Tâi-uân bô kāng-khuán ê bīn-iông請你予阮tshiánn lí hōo gún加一寡仝款的眼神ke tsi̍t-kuá kāng-khuán ê gán-sîn請你予阮tshiánn lí hōo gún加一寡仝款的期待ke tsi̍t-kuá kāng-khuán ê kî-thāi阮會好好做予祢看gún ē hó-hó tsuè hōo lín khuànn阮會好好做予祢看gún ē hó-hó tsuè hōo lín khuànn綴著祢的跤步tuè tio̍h lín ê kha-pōo行天地間的正氣hîng thinn-tē-kan ê tsìng-gī綴著祢的跤步tuè tio̍h lín ê kha-pōo行天地間的正義hîng thinn-tē-kan ê tsìng-gī------------------------------------------→
畫上彩色的面譜是代表神聖手持各種的武器是代表正義踏著一定的跤步是代表威儀阮是代表巡視的神明阮是象徵神聖的使者掃平路上邪靈淨化五濁惡氣莫閣掛上有色的目鏡看陣頭囡仔彼是恁無了解陣頭的傳統佮文化逐工練習是阮對神明的一種虔誠恁是提香咧綴拜阮舞動身軀的陣型攏是對神明的尊敬無啥物差別無啥物無仝請恁予阮加一寡鼓勵佮掌聲阮嘛是代表臺灣的一種文化予阿啄仔看見咱的歷史佮傳統予世界知影咱臺灣無仝款的面容請你予阮加一寡仝款的眼神請你予阮加一寡仝款的期待阮會好好做予祢看阮會好好做予祢看綴著祢的跤步行天地間的正氣綴著祢的跤步行天地間的正義
uē siōng tshái-sik ê bīn-phóosī tāi-piáu sîn-sìngtshiú tshî kok-tsióng ê bú-khìsī tāi-piáu tsìng-gīta̍h-tio̍h it-tīng ê kha-pōosī tāi-piáu ui-gîgún sī tāi-piáu sûn-sī ê sîn-bînggún sī siōng-ting sîn-sìng ê sù-tsiásàu-pîng lōo-siōng siâ-lîngtsīng-huà gōo-to̍k ok-khìmài koh kuà siōng ū-sik ê ba̍k-kiànnkhuànn tīn-thâu gín-áhe sī lín bô liáu-káitīn-thâu ê thuân-thóng kah bûn-huàta̍k-kang liān-si̍psī gún tuì sîn-bîng ê tsi̍t-tsióng khiân-sînglín sī the̍h hiunn teh tuè pàigún bú-tōng sin-khu ê tīn-hînglóng-sī tuì sîn-bîng ê tsun-kìngbô-siánn-mih tsha-pia̍tbô-siánn-mih bô-kāngtshiánn lín hōo gúnke tsi̍t-kuá kóo-lē kah tsiáng-sianngún mā sī tāi-piáuTâi-uân ê tsi̍t-tsióng bûn-huàhōo a-tok-á khuànn-kìnnlán ê li̍k-sú kah thuân-thónghōo sè-kài tsai-iánnlán Tâi-uân bô kāng-khuán ê bīn-iôngtshiánn lí hōo gúnke tsi̍t-kuá kāng-khuán ê gán-sîntshiánn lí hōo gúnke tsi̍t-kuá kāng-khuán ê kî-thāigún ē hó-hó tsuè hōo lín khuànngún ē hó-hó tsuè hōo lín khuànntuè tio̍h lín ê kha-pōohîng thinn-tē-kan ê tsìng-gītuè tio̍h lín ê kha-pōohîng thinn-tē-kan ê tsìng-gī