19210/《秤花－寫予秦得參》Tshìn-hue -- Siá Hōo Tsîn Tik-sam 鬥鬧熱走唱隊Tàu-lāu-jia̍t Tsáu-tshiàng-tuī ------------------------------------------ ↓---(口白)---↓ 參仔 Sam--á 賰的錢儉起來 tshun ê tsînn khiām--khí-lâi 共阿嫂彼枝金花贖轉來 kā a-só hit ki kim-hue sio̍k--tńg-lâi 毋是較要緊 m̄-sī khah iàu-kín ↑---(口白)---↑ 三頓傱無門 sann-tǹg tsông bô-mn̂g 按怎通有賰 án-tsuánn thang ū tshun 過勞閣帶病 kuè-lô koh tài-pīnn 景緻迷茫一四界 kíng-tì bê-bông tsi̍t-sì-kuè 浮輕的性命 phû-khin ê sìnn-miā 沉重的社會 tîm-tāng ê siā-huē 贌幾坵田 pa̍k kuí khu tshân 贌幾坵田 pa̍k kuí khu tshân 才會種出秤花 tsiah ē tsióng tshut tshìn-hue ↓---(口白)---↓ 參仔 Sam--á 官符過煞 kuann-hû kuè suah 明年定著真緊會出運 mî-nî tiānn-tio̍h tsin kín ē tshut-ūn 共心肝放較開咧 kā sim-kuann pàng khah khui--leh ↑---(口白)---↑ 日夜攏算計 ji̍t-iā lóng sǹg-kè 欲做人無欲做精牲 beh tsuè lâng bô beh tsuè tsing-senn 改途兼換路 kái tôo kiam uānn lōo 無貪只有向望公平 bô tham tsí-ū ǹg-bāng kong-pênn 熱紅的心血 jia̍t-âng ê sim-hueh 青草的補皮 tshinn-tsháu ê póo-phuê 坐幾日監 tsē kuí-ji̍t kann 坐幾日監 tsē kuí-ji̍t kann 才會開出秤花 tsiah ē khui tshut tshìn-hue ↓---(口白)---↓ 參仔 Sam--á 只賰銀紙備辦 tsí tshun gîn-tsuá pī-pān 拗做蓮花代替秤花 áu tsò liân-hue tāi-thè tshìn-hue 送你去極樂世界 sàng lí khì ki̍k-lo̍k sè-kài 你著寬寬仔行 lí to̍h khuann-khuann-á kiânn 寬寬仔行 khuann-khuann-á kiânn ↑---(口白)---↑ 新時代的制法 sin sî-tāi ê tsè-huat 佇人間聽好創啥 tī jîn-kan thìng-hó tshòng siánn 明瞭的度盤 bîng-liâu ê tōo-puânn 繼續運轉奴隸拖磨 kè-sio̍k ūn-tsuán lôo-lē thua-buâ 奴隸拖磨 lôo-lē thua-buâ 甜蜜的會社 tinn-bi̍t ê huē-siā 艱澀的人家 kan-siap ê jîn-ka 借問大人 tsioh-mn̄g tāi-jîn 借問大人 tsioh-mn̄g tāi-jîn 秤花幾圓才會通糴 tshìn-hue kuí înn tsiah ē thang tia̍h 借問大人 tsioh-mn̄g tāi-jîn 借問大人 tsioh-mn̄g tāi-jîn 秤花幾圓才會通糴 tshìn-hue kuí înn tsiah ē thang tia̍h ------------------------------------------ →
參仔 賰的錢儉起來 共阿嫂彼枝金花贖轉來 毋是較要緊 三頓傱無門 按怎通有賰 過勞閣帶病 景緻迷茫一四界 浮輕的性命 沉重的社會 贌幾坵田 贌幾坵田 才會種出秤花 參仔 官符過煞 明年定著真緊會出運 共心肝放較開咧 日夜攏算計 欲做人無欲做精牲 改途兼換路 無貪只有向望公平 熱紅的心血 青草的補皮 坐幾日監 坐幾日監 才會開出秤花 參仔 只賰銀紙備辦 拗做蓮花代替秤花 送你去極樂世界 你著寬寬仔行 寬寬仔行 新時代的制法 佇人間聽好創啥 明瞭的度盤 繼續運轉奴隸拖磨 奴隸拖磨 甜蜜的會社 艱澀的人家 借問大人 借問大人 秤花幾圓才會通糴 借問大人 借問大人 秤花幾圓才會通糴
Sam--á tshun ê tsînn khiām--khí-lâi kā a-só hit ki kim-hue sio̍k--tńg-lâi m̄-sī khah iàu-kín sann-tǹg tsông bô-mn̂g án-tsuánn thang ū tshun kuè-lô koh tài-pīnn kíng-tì bê-bông tsi̍t-sì-kuè phû-khin ê sìnn-miā tîm-tāng ê siā-huē pa̍k kuí khu tshân pa̍k kuí khu tshân tsiah ē tsióng tshut tshìn-hue Sam--á kuann-hû kuè suah mî-nî tiānn-tio̍h tsin kín ē tshut-ūn kā sim-kuann pàng khah khui--leh ji̍t-iā lóng sǹg-kè beh tsuè lâng bô beh tsuè tsing-senn kái tôo kiam uānn lōo bô tham tsí-ū ǹg-bāng kong-pênn jia̍t-âng ê sim-hueh tshinn-tsháu ê póo-phuê tsē kuí-ji̍t kann tsē kuí-ji̍t kann tsiah ē khui tshut tshìn-hue Sam--á tsí tshun gîn-tsuá pī-pān áu tsò liân-hue tāi-thè tshìn-hue sàng lí khì ki̍k-lo̍k sè-kài lí to̍h khuann-khuann-á kiânn khuann-khuann-á kiânn sin sî-tāi ê tsè-huat tī jîn-kan thìng-hó tshòng siánn bîng-liâu ê tōo-puânn kè-sio̍k ūn-tsuán lôo-lē thua-buâ lôo-lē thua-buâ tinn-bi̍t ê huē-siā kan-siap ê jîn-ka tsioh-mn̄g tāi-jîn tsioh-mn̄g tāi-jîn tshìn-hue kuí înn tsiah ē thang tia̍h tsioh-mn̄g tāi-jîn tsioh-mn̄g tāi-jîn tshìn-hue kuí înn tsiah ē thang tia̍h