19165/《寂寞的花蕊》Tsi̍k-bo̍k ê Hue-luí 劉素娥Lâu Sòo-ngôo(尤華Iû-huâ，育如Io̍k-jû) 歐雲龍Au Hûn-liông口白紹介 ------------------------------------------ ↓↓(口白)---(口白)↓↓ 十三歲開始灌唱片 tsa̍p-sann hèr khai-sí kuàn tshiùnn-phìnn 唱再會的帆船 tshiùnn Tsài-huē ê Phâng-tsûn 即刻就出名的劉素娥 tsik-khik tiō tshut-miâ ê Lâu Sòo-ngôo 受南洋的聘請 siū Lâm-iûnn ê phìng-tshiánn 出國去演唱 tshut-kok khì ián-tshiùnn 當時過南洋 tong-sî kèr Lâm-iûnn 是一个天真的小妹 sī tsi̍t-ê thian-tsin ê xiǎomèi 現在已經長大 hiān-tsāi í-king tióng-tāi 變成活潑的少女囉 piàn-sîng ua̍t-phuat ê siàu-lír--looh 目前在臺北 bo̍k-tsiân tsāi Tâi-pak 除了電影電視歌唱以外 tîr-liáu tiān-iánn tiān-sī kua-tshiùnn í-guā 在電臺咧主持節目 tsāi tiān-tâi leh tsú-tshî tsiat-bo̍k 人講青春少女有良伴 lâng kóng tshing-tshun siàu-lír ū liông-phuānn 真是寂寞的花蕊 tsin sī tsi̍k-bo̍k ê hue-luí ↑↑(口白)---(口白)↑↑ 青紅燈 tshinn-âng-ting 青紅燈 tshinn-âng-ting 閃爍的暗暝 siám-sih ê àm-mî 手扞著一跤花籃 tshiú huānn tio̍h tsi̍t-kha hue-nâ 行來又行去 kiânn-lâi iū kiânn-khì 這一个小姑娘 tsit tsi̍t-ê sió-koo-niû 對阮笑微微 tuì gún tshiò bî-bî 無一定知阮 bô-it-tīng tsai gún 今夜心內真空虛 kim-iā sim-lāi tsin khang-hi 為著啥代 uī-tio̍h siánn tāi 心愛的人 sim-ài ê lâng 予阮等無伊 hōo gún tán-bô i 想欲送伊一蕊薔薇 siūnn-beh sàng i tsi̍t-luí tshiûnn-bî 已經失芳味 í-king sit phang-bī 音樂聲 im-ga̍k-siann 音樂聲 im-ga̍k-siann 迷人的暗暝 bê-lâng ê àm-mî 踮街路輕聲細說 tiàm kue-lōo khin-siann-sè-sueh 勾頭又接耳 kau-thâu iū tsiap-hīnn 彼一對好情侶 hit tsi̍t-tuì hó tsîng-lī 動阮心酸悲 tōng gún sim sng-pi 彼一暝 hit tsi̍t-mî 明明對阮 bîng-bîng tuì gún 情義糖蜜甜 tsîng-gī thn̂g-bi̍t-tinn 再三叫阮 tsài-sann kiò gún 踮遮等伊 tiàm tsia tán i 敢欲來袂記 kám beh lâi buē-kì 想欲送伊一蕊薔薇 siūnn-beh sàng i tsi̍t-luí tshiûnn-bî 已經失芳味 í-king sit phang-bī ------------------------------------------ →
十三歲開始灌唱片 唱再會的帆船 即刻就出名的劉素娥 受南洋的聘請
tsa̍p-sann hèr khai-sí kuàn tshiùnn-phìnn tshiùnn Tsài-huē ê Phâng-tsûn tsik-khik tiō tshut-miâ ê Lâu Sòo-ngôo siū Lâm-iûnn ê phìng-tshiánn