18627/《賊星註敗》Tsha̍t-tshenn Tsù Pāi 鄭進一Tēnn Tsìn-it 許效舜Khóo Hāu-sùn ------------------------------------------ ↓↓(口白)---(口白)---(口白)↓↓ 許) 欸!歐吉桑 eh! oo-jí-sáng 鄭) 唅?叫我 hannh? kiò guá? 許) 我注意你誠久矣喔 guá tsù-ì lí tsiânn kú--ah-ooh 鄭) 按怎 án-nuá? 許) 你咧鬼鬼祟祟 lí leh kuí-kuí-suī-suī 你勍仔乎 lí khiang-á--honnh? 鄭) 欸欸欸~講話足歹聽 eh eh eh~ kóng-uē tsiok pháinn-thiann 啥物勍仔 sánn-mih khiang-á 我是賊仔 guá sī tsha̍t-á 許) 噓~較細聲咧啦 sih~ khah sè-siann--leh-lah 鄭) 按怎啦 án-tsuánn--lah? 許) 我嘛是啦 guá mā sī--lah 你看這車 lí khuànn tsit tshia 鄭) 哎喲!生理遮好喔 aih-ioh! sing-lí tsiah hó--ooh 許) 第三逝 tē-sann tsuā 巷仔底彼間透天厝 hāng-á-té hit king thàu-thinn-tshù 予我搬一个 hōo guá puann tsi̍t-ê 我看準備做乞食 guá khuànn tsún-pī tsò khit-tsia̍h 鄭) 哎喲! aih-ioh! 許) 歹勢 pháinn-sè 我咧趕場 guá leh kuánn-tiûnn 鄭) 恭喜恭喜喔 kiong-hí kiong-hí--ooh 巷仔底彼間透天厝 eh~ hāng-á-té hit king thàu-thinn-tshù 欸!嗯!彼都阮兜啊 eh! ngh! he to guán tau--ah! 賊仔喔~ tsha̍t-á--ooh 守望相助啊~ shǒuwàngxiāngzhù--ah ↑↑(口白)---(口白)---(口白)↑↑ 遮暗 tsiah àm 啊是按怎 ah sī-án-tsuánn 攏無人想欲睏 lóng bô-lâng siūnn-beh khùn ↓---(口白)---↓ 想欲做賊仔呢啊？ siūnn-beh tsò tsha̍t-á--nih-ah? ↑---(口白)---↑ 店面大樓徛家 tiàm-bīn tuā-lâu khiā-ke 電火點遐光 tiān-hué tiám hiah kng ↓---(口白)---↓ 電火是免錢呢啊 tiān-hué sī bián-tsînn--nih-ah ↑---(口白)---↑ 無體諒咱做賊仔 bô thé-liōng lán tsuè-tsha̍t-á 時間歹按算 sî-kan pháinn àn-sǹg ↓---(口白)---↓ 半點仔人性都無 puànn-tiám-á jîn-sìng to bô ↑---(口白)---↑ 明明是欲 bîng-bîng sī beh 絕咱這途技術飯 tsua̍t lán tsit tôo ki-su̍t pn̄g ↓---(口白)---↓ 這敢是一般人 tse kám-sī it-puann-lâng 聽好做的諾 thìng-hó tsò--ê, hiooh 愛有天份的呢 ài ū thian-hūn--ê neh ↑---(口白)---↑ 我手機仔那敲 guá tshiú-ki-á ná khà 看佗一箍衰仔 khuànn tó tsi̍t-khoo sue-á 若無佇厝裡 ā bô tī tshù--lí ↓---(口白)---↓ 到遐衰 ká sue 嘛有一半間仔 mā ū tsi̍t-puànn-king-á 無佇厝的 bô tī tshù--ê ↑---(口白)---↑ 啊我就發財仔開咧 ah guá tiō huat-tsâi-á khui--leh 嘿嘿嘿 heh heh heh 啊趕緊來去扛 ah kuánn-kín lâi-khì kng ↓---(口白)---↓ 物件小照咧 mi̍h-kiānn sió tsiàu--eh 假的誠濟喔 ké--ê tsiânn tsuē--ooh~ ↑---(口白)---↑ 怨嘆 uàn-thàn 現代人愈來愈無水準 hiān-tāi-lâng jú-lâi jú bô-tsuí-tsún ↓---(口白)---↓ 到今你才知 kah-tann lí tsiah tsai ↑---(口白)---↑ 接著電話 tsiap-tio̍h tiān-uē 我猶未出聲 guá iá-bē tshut-siann 伊就𧮙姦搦撟歹擤擤 i tō tshoh-kàn-la̍k-kiāu pháinn tshǹg-tshǹg ↓---(合唱)---↓ 雖然阮做賊 sui-jiân gún tsò-tsha̍t 咱嘛愛站節 lán mā ài tsām-tsat 毋管恁兜有錢無錢 m̄-kuán lín tau ū-tsînn bô-tsînn 通通一律𣁳𣁳𣁳 thong-thong it-lu̍t khat khat khat ↑---(合唱)---↑ 下暗 e-àm 是冬天冬節 sī tang-thinn tang-tseh 冬風冷繏繏 tang-hong líng sǹg-sǹg ↓---(口白)---↓ 乎!這天遮寒 honnh! tse thinn tsiah kuânn 干焦欲放尿 ka-na beh pàng-jiō 煞揣無啦 suah tshuē-bô--lah ↑---(口白)---↑ 我拄好到四樓 guá tú-hó peh kah sì-lâu 吊佇鐵窗 tiàu tī thih-thang 寒甲爍爍顫 kuânn kah sih-sih-tsùn ↓---(口白)---↓ 嗯~ 啊我六樓 ngh~ guá la̍k-lâu 毋煞慄慄掣 m̄-suah la̍k-la̍k-tshuah ↑---(口白)---↑ 忽然我看著 hut-jiân guá khuànn-tio̍h 一對翁仔某 tsi̍t-tuì ang-á-bóo 當咧炒米粉 tng-teh tshá-bí-hún ↓---(口白)---↓ 有濫灌腸 ū lām kuàn-tshiâng 著毋著 tio̍h m̄-tio̍h? ↑---(口白)---↑ 怹某是哀爸叫母 in bóo sī ai-pē-kiò-bú 袂輸去予一連兵仔輪 bē-su khì hōo tsi̍t-liân ping-á lûn ↓---(口白)---↓ 唉!可憐啊 haih! khó-liân--ah 看愛等偌久 khuànn ài tán guā kú 才輪會著啦 tsiah lûn ē-tio̍h--lah ↑---(口白)---↑ 我愈看 guá jú khuànn 身軀煞一直交懍恂 sin-khu suah it-ti̍t ka-lún-sún ↓---(口白)---↓ 啊 你欲轉大人矣啦 ah! lí berh tńg tuā-lâng--ah-lah ↑---(口白)---↑ 我吊佇窗外 guá tiàu tī thang-guā 連喙瀾 liân tshuì-nuā 煞毋知通好吞 suah m̄-tsai thang-hó thun ↓---(口白)---↓ 流了矣 lâu liáu--ah 閣有通吞 koh ū thang thun ↑---(口白)---↑ 欸~忽然我看著 eh~ hut-jiân guá khuànn-tio̍h 一陣賊頭 tsi̍t-tīn tsha̍t-thâu 對遮過來巡 tuì tsia kuè-lâi sûn ↓---(口白)---↓ 夭壽!戴帽仔的 iáu-siū! tì-bō-á--ê 啊慘啊慘啊 ah tshám-ah! tshám--ah! ↑---(口白)---↑ 害我驚一个 hāi guá kiann tsi̍t-ê 疶尿四界噴 tshuah-jiō sì-kè phùn ↓---(口白)---↓ 哎喲 你嘛較有衛生咧 aih-ioh! lí mā khah ū uē-sing--leh 癩人啊 thái-ko-lâng--ah ↑---(口白)---↑ ↓---(合唱)---↓ 雖然阮做賊 sui-jiân gún tsuè-tsha̍t 咱嘛愛站節 lán mā ài tsām-tsat 毋管恁兜有錢無錢 m̄-kuán lín tau ū-tsînn bô-tsînn 通通一律𣁳𣁳𣁳 thong-thong it-lu̍t khat, khat, khat 雖然阮做賊 sui-jiân gún tsuè-tsha̍t 咱嘛愛站節 lán mā ài tsām-tsat 毋管恁兜有錢無錢 m̄-kuán lín tau ū-tsînn bô-tsînn 通通一律𣁳𣁳𣁳 thong-thong it-lu̍t khat, khat, khat 雖然阮做賊 sui-jiân gún tsuè-tsha̍t 咱嘛愛站節 lán mā ài tsām-tsat 毋管恁兜有錢無錢 m̄-kuán lín tau ū-tsînn bô-tsînn 通通一律𣁳𣁳𣁳 thong-thong it-lu̍t khat, khat, khat ↑---(合唱)---↑ ↓↓(口白)---(口白)---(口白)↓↓ 鄭) 少年的 siàu-liân--ê 許) 你咧叫我嗎 lí teh kiò guá--mah 鄭) 我共你講 guá kā lí kóng 我注意你誠久矣 guá tsù-ì lí tsiânn kú--ah 你一个人踮遐鬼鬼祟祟 lí tsi̍t-ê-lâng tàm hia kuí-kuí-suī-suī 你... lí... 嗯~你面熟 ngh~ lí bīn-sik... 欸~你敢毋是 eh~ lí kám m̄-sī 昨昏彼个勍仔 tsa-hng hit ê khiang-á? 許) 啊你毋是 ah lí m̄-sī 昨昏彼个賊仔 tsa-hng hit ê tsha̍t-á? 鄭) 喔~掠著矣乎~ ooh~ lia̍h--tio̍h-ah, honnh~ 許) 莫受氣 mài siūnn-khì 莫受氣 mài siūnn-khì 逐家平平賊仔 ta̍k-ke pînn-pînn tsha̍t-á 勍來啊勍去 khiang lâi--ah khiang khì 鄭) 啊!有影都著 ah! ū-iánn to tio̍h 許) 下暗我報你一間好空的 ē-àm guá pò lí tsi̍t-king hó-khang--ê 補償一下 póo-siông--tsi̍t-ē 鄭) 嗯~看你的誠意啦 ngh~ khuànn lí ê sîng-ì--lah 佗位啦 tó-uī--lah? 許) 頭前彼條巷仔 thâu-tsîng hit tiâu hāng-á 巷仔底 hāng-á-té 正手爿上尾間 tsiànn-tshiú-pîng siōng-bé king 彼間透天的啦 hit king thàu-thinn--ê lah 鄭) 透天的 thàu-thinn--ê 啊毋煞誠好額 ah m̄ suah tsiânn hó-gia̍h 哈哈 ha-ha! 鄭) 我共你講 guá kā lí kóng 好佳哉你有這个誠意 hó-ka-tsài, lí ū tsit ê sîng-ì 抑無 ia̍h-bô... 我共你講 guá kā lí kóng 我上氣 guá siōng khì 就是氣彼賊仔 tō-sī khì he tsha̍t-á 許) 莫按呢啦 mài án-ne--lah 鄭) 誠無意思 tsiânn bô ì-sù 偷提物件 thau-the̍h mi̍h-kiānn 誠無意思 tsiânn bô-ì-sù 許) 咱家己同行的哩 lán ka-kī tông-hâng--ê lih 鄭) 嘿啦嘿啦 hennh-lah hennh-lah 許) 啊你慢慢仔用 ah lí bān-bān-á iōng 我來去趕場 guá lâi-hì kuánn-tiûnn 鄭) 感謝你 kám-siā lí 感謝你 kám-siā lí 許) 我先走 guá sing tsáu 鄭) 多謝多謝 to-siā to-siā 有閒才過來啦 ū-îng tsiah kuè--lâi lah 慢慢仔駛唅 bān-bān-á sái--hannh 擺擺 pái-paih 巷仔底彼个 ih~ hāng-á-té hit ê... 嗯!欸!啊彼都阮兜啊 ngh! eh! ah he to gun tau--ah 喂!喂! ueh! ueh! ？賊喔! ? tsha̍t--ooh! 守望相助啊 shǒuwàngxiāngzhù--ah ↑↑(口白)---(口白)---(口白)↑↑ ------------------------------------------ →
欸!歐吉桑 唅?叫我 我注意你誠久矣喔 按怎 你咧鬼鬼祟祟 你勍仔乎 欸欸欸~講話足歹聽 啥物勍仔 我是賊仔 噓~較細聲咧啦 按怎啦 我嘛是啦 你看這車 哎喲!生理遮好喔 第三逝 巷仔底彼間透天厝 予我搬一个 我看準備做乞食 哎喲! 歹勢 我咧趕場 恭喜恭喜喔 巷仔底彼間透天厝 欸!嗯!彼都阮兜啊 賊仔喔~ 守望相助啊~ 遮暗 啊是按怎 攏無人想欲睏 想欲做賊仔呢啊？ 店面大樓徛家 電火點遐光 電火是免錢呢啊 無體諒咱做賊仔 時間歹按算 半點仔人性都無 明明是欲 絕咱這途技術飯 這敢是一般人 聽好做的諾 愛有天份的呢 我手機仔那敲 看佗一箍衰仔 若無佇厝裡 到遐衰 嘛有一半間仔 無佇厝的 啊我就發財仔開咧 嘿嘿嘿 啊趕緊來去扛 物件小照咧 假的誠濟喔 怨嘆 現代人愈來愈無水準 到今你才知 接著電話 我猶未出聲 伊就𧮙姦搦撟歹擤擤 雖然阮做賊 咱嘛愛站節 毋管恁兜有錢無錢 通通一律𣁳𣁳𣁳 下暗 是冬天冬節 冬風冷繏繏 乎!這天遮寒 干焦欲放尿 煞揣無啦 我拄好到四樓 吊佇鐵窗 寒甲爍爍顫 嗯~ 啊我六樓 毋煞慄慄掣 忽然我看著 一對翁仔某 當咧炒米粉 有濫灌腸 著毋著 怹某是哀爸叫母 袂輸去予一連兵仔輪 唉!可憐啊 看愛等偌久 才輪會著啦 我愈看 身軀煞一直交懍恂 啊 你欲轉大人矣啦 我吊佇窗外 連喙瀾 煞毋知通好吞 流了矣 閣有通吞 欸~忽然我看著 一陣賊頭 對遮過來巡 夭壽!戴帽仔的 啊慘啊慘啊 害我驚一个 疶尿四界噴 哎喲 你嘛較有衛生咧 癩人啊 雖然阮做賊 咱嘛愛站節 毋管恁兜有錢無錢 通通一律𣁳𣁳𣁳 雖然阮做賊 咱嘛愛站節 毋管恁兜有錢無錢 通通一律𣁳𣁳𣁳 雖然阮做賊 咱嘛愛站節 毋管恁兜有錢無錢 通通一律𣁳𣁳𣁳 少年的 你咧叫我嗎 我共你講 我注意你誠久矣 你一个人踮遐鬼鬼祟祟 嗯~你面熟 欸~你敢毋是 昨昏彼个勍仔 啊你毋是 昨昏彼个賊仔 喔~掠著矣乎~ 莫受氣 莫受氣 逐家平平賊仔 勍來啊勍去 啊!有影都著 下暗我報你一間好空的 補償一下 嗯~看你的誠意啦 佗位啦 頭前彼條巷仔 巷仔底 正手爿上尾間 彼間透天的啦 透天的 啊毋煞誠好額 哈哈 我共你講 好佳哉你有這个誠意 抑無 我共你講 我上氣 就是氣彼賊仔 莫按呢啦 誠無意思 偷提物件 誠無意思 咱家己同行的哩 嘿啦嘿啦 啊你慢慢仔用 我來去趕場 感謝你 感謝你 我先走 多謝多謝 有閒才過來啦 慢慢仔駛唅 擺擺 巷仔底彼个 嗯!欸!啊彼都阮兜啊 喂!喂! ？賊喔! 守望相助啊
eh! oo-jí-sáng hannh? kiò guá? guá tsù-ì lí tsiânn kú--ah-ooh án-nuá? lí leh kuí-kuí-suī-suī lí khiang-á--honnh? eh eh eh~ kóng-uē tsiok pháinn-thiann sánn-mih khiang-á guá sī tsha̍t-á sih~ khah sè-siann--leh-lah án-tsuánn--lah? guá mā sī--lah lí khuànn tsit tshia aih-ioh! sing-lí tsiah hó--ooh tē-sann tsuā hāng-á-té hit king thàu-thinn-tshù hōo guá puann tsi̍t-ê guá khuànn tsún-pī tsò khit-tsia̍h aih-ioh! pháinn-sè guá leh kuánn-tiûnn kiong-hí kiong-hí--ooh eh~ hāng-á-té hit king thàu-thinn-tshù eh! ngh! he to guán tau--ah! tsha̍t-á--ooh shǒuwàngxiāngzhù--ah tsiah àm ah sī-án-tsuánn lóng bô-lâng siūnn-beh khùn siūnn-beh tsò tsha̍t-á--nih-ah? tiàm-bīn tuā-lâu khiā-ke tiān-hué tiám hiah kng tiān-hué sī bián-tsînn--nih-ah bô thé-liōng lán tsuè-tsha̍t-á sî-kan pháinn àn-sǹg puànn-tiám-á jîn-sìng to bô bîng-bîng sī beh tsua̍t lán tsit tôo ki-su̍t pn̄g tse kám-sī it-puann-lâng thìng-hó tsò--ê, hiooh ài ū thian-hūn--ê neh guá tshiú-ki-á ná khà khuànn tó tsi̍t-khoo sue-á ā bô tī tshù--lí ká sue mā ū tsi̍t-puànn-king-á bô tī tshù--ê ah guá tiō huat-tsâi-á khui--leh heh heh heh ah kuánn-kín lâi-khì kng mi̍h-kiānn sió tsiàu--eh ké--ê tsiânn tsuē--ooh~ uàn-thàn hiān-tāi-lâng jú-lâi jú bô-tsuí-tsún kah-tann lí tsiah tsai tsiap-tio̍h tiān-uē guá iá-bē tshut-siann i tō tshoh-kàn-la̍k-kiāu pháinn tshǹg-tshǹg sui-jiân gún tsò-tsha̍t lán mā ài tsām-tsat m̄-kuán lín tau ū-tsînn bô-tsînn thong-thong it-lu̍t khat khat khat e-àm sī tang-thinn tang-tseh tang-hong líng sǹg-sǹg honnh! tse thinn tsiah kuânn ka-na beh pàng-jiō suah tshuē-bô--lah guá tú-hó peh kah sì-lâu tiàu tī thih-thang kuânn kah sih-sih-tsùn ngh~ guá la̍k-lâu m̄-suah la̍k-la̍k-tshuah hut-jiân guá khuànn-tio̍h tsi̍t-tuì ang-á-bóo tng-teh tshá-bí-hún ū lām kuàn-tshiâng tio̍h m̄-tio̍h? in bóo sī ai-pē-kiò-bú bē-su khì hōo tsi̍t-liân ping-á lûn haih! khó-liân--ah khuànn ài tán guā kú tsiah lûn ē-tio̍h--lah guá jú khuànn sin-khu suah it-ti̍t ka-lún-sún ah! lí berh tńg tuā-lâng--ah-lah guá tiàu tī thang-guā liân tshuì-nuā suah m̄-tsai thang-hó thun lâu liáu--ah koh ū thang thun eh~ hut-jiân guá khuànn-tio̍h tsi̍t-tīn tsha̍t-thâu tuì tsia kuè-lâi sûn iáu-siū! tì-bō-á--ê ah tshám-ah! tshám--ah! hāi guá kiann tsi̍t-ê tshuah-jiō sì-kè phùn aih-ioh! lí mā khah ū uē-sing--leh thái-ko-lâng--ah sui-jiân gún tsuè-tsha̍t lán mā ài tsām-tsat m̄-kuán lín tau ū-tsînn bô-tsînn thong-thong it-lu̍t khat, khat, khat sui-jiân gún tsuè-tsha̍t lán mā ài tsām-tsat m̄-kuán lín tau ū-tsînn bô-tsînn thong-thong it-lu̍t khat, khat, khat sui-jiân gún tsuè-tsha̍t lán mā ài tsām-tsat m̄-kuán lín tau ū-tsînn bô-tsînn thong-thong it-lu̍t khat, khat, khat siàu-liân--ê lí teh kiò guá--mah guá kā lí kóng guá tsù-ì lí tsiânn kú--ah lí tsi̍t-ê-lâng tàm hia kuí-kuí-suī-suī ngh~ lí bīn-sik... eh~ lí kám m̄-sī tsa-hng hit ê khiang-á? ah lí m̄-sī tsa-hng hit ê tsha̍t-á? ooh~ lia̍h--tio̍h-ah, honnh~ mài siūnn-khì mài siūnn-khì ta̍k-ke pînn-pînn tsha̍t-á khiang lâi--ah khiang khì ah! ū-iánn to tio̍h ē-àm guá pò lí tsi̍t-king hó-khang--ê póo-siông--tsi̍t-ē ngh~ khuànn lí ê sîng-ì--lah tó-uī--lah? thâu-tsîng hit tiâu hāng-á hāng-á-té tsiànn-tshiú-pîng siōng-bé king hit king thàu-thinn--ê lah thàu-thinn--ê ah m̄ suah tsiânn hó-gia̍h ha-ha! guá kā lí kóng hó-ka-tsài, lí ū tsit ê sîng-ì ia̍h-bô... guá kā lí kóng guá siōng khì tō-sī khì he tsha̍t-á mài án-ne--lah tsiânn bô ì-sù thau-the̍h mi̍h-kiānn tsiânn bô-ì-sù lán ka-kī tông-hâng--ê lih hennh-lah hennh-lah ah lí bān-bān-á iōng guá lâi-hì kuánn-tiûnn kám-siā lí kám-siā lí guá sing tsáu to-siā to-siā ū-îng tsiah kuè--lâi lah bān-bān-á sái--hannh pái-paih ih~ hāng-á-té hit ê... ngh! eh! ah he to gun tau--ah ueh! ueh! ? tsha̍t--ooh! shǒuwàngxiāngzhù--ah