18615/《庄跤人》Tsng-kha-lâng張燕清Tiunn Iàn-tshing------------------------------------------罔腰仔你是佇佗位Bóng-io--á lí sī tī tó-uī罔市仔講Bóng-tshī--á kóng佇臺北看著你tī Tâi-pak khuànn-tio̍h lí庄跤的人tsng-kha ê lâng敢已經放袂記kám í-king pàng-buē-kì天頂的彼粒星thinn-tíng ê hit lia̍p tshinn咒誓的圳溝邊tsiù-tsuā ê tsùn-kau pinn禮拜的夜市lé-pài ê iā-tshī甘蔗園的暗暝kam-tsià-hn̂g ê àm-mî一幕一幕的往事tsi̍t-bōo-tsi̍t-bōo ê óng-sū是我唯一的記持sī guá uî-it ê kì-tî無代無誌bô-tāi-bô-tsì雄雄攏拍毋見hiông-hiông lóng phàng-kìnn我知影guá tsai-iánn你愛流行lí ài liû-hîng胸坎阮嘛去刺字hing-khám gún mā khì tshiah-jī我知影guá tsai-iánn你愛聽歌lí ài thiann kua專工走去tsuan-kang tsáu-khì買遮濟CDbé tsiah tsē CD我了解guá liáu-kái你驚閒仔話lí kiann îng-á-uē毋才會感情藏一年m̄ tsiah ē kám-tsîng tshàng tsi̍t-nî無疑你bô-gî lí插翼來離開tshah-si̍t lâi lī-khui罔腰仔Bóng-io--á都市若遐媠too-tshī nā hiah suí哪會電視報紙看ná ē tiān-sī pò-tsuá khuànn人人罵來罵去lâng-lâng mē-lâi-mē-khì刣來刣去thâi-lâi-thâi-khì這款時機tsit khuán sî-ki上好是開RVsiōng-hó sī khui RV來庄跤度假lâi tsng-kha tōo-ká保證予恁pó-tsìng hōo lín加活幾若年ke ua̍h kuí-lō nî------------------------------------------→
罔腰仔你是佇佗位罔市仔講佇臺北看著你庄跤的人敢已經放袂記天頂的彼粒星咒誓的圳溝邊禮拜的夜市甘蔗園的暗暝一幕一幕的往事是我唯一的記持無代無誌雄雄攏拍毋見我知影你愛流行胸坎阮嘛去刺字我知影你愛聽歌專工走去買遮濟CD我了解你驚閒仔話毋才會感情藏一年無疑你插翼來離開罔腰仔都市若遐媠哪會電視報紙看人人罵來罵去刣來刣去這款時機上好是開RV來庄跤度假保證予恁加活幾若年
Bóng-io--á lí sī tī tó-uīBóng-tshī--á kóngtī Tâi-pak khuànn-tio̍h lítsng-kha ê lângkám í-king pàng-buē-kìthinn-tíng ê hit lia̍p tshinntsiù-tsuā ê tsùn-kau pinnlé-pài ê iā-tshīkam-tsià-hn̂g ê àm-mîtsi̍t-bōo-tsi̍t-bōo ê óng-sūsī guá uî-it ê kì-tîbô-tāi-bô-tsìhiông-hiông lóng phàng-kìnnguá tsai-iánnlí ài liû-hînghing-khám gún mā khì tshiah-jīguá tsai-iánnlí ài thiann kuatsuan-kang tsáu-khìbé tsiah tsē CDguá liáu-káilí kiann îng-á-uēm̄ tsiah ē kám-tsîng tshàng tsi̍t-nîbô-gî lítshah-si̍t lâi lī-khuiBóng-io--átoo-tshī nā hiah suíná ē tiān-sī pò-tsuá khuànnlâng-lâng mē-lâi-mē-khìthâi-lâi-thâi-khìtsit khuán sî-kisiōng-hó sī khui RVlâi tsng-kha tōo-kápó-tsìng hōo línke ua̍h kuí-lō nî