18600/《母囝情》Bú-kiánn Tsîng (母囝鳥III of III) 林一Lîm It(土包仔Thóo-pau-á，雷田Luî-tiân) 尤君Iû Kun(口白) ------------------------------------------ 鳥母飛去 tsiáu-bú pe--khì 轉來歇柳枝 tńg-lâi hioh liú-ki 為著鳥囝 uī-tio̍h tsiáu-kiánn 苦楚三十年 khóo-tshóo sann-tsa̍p nî 為欲一日 uī beh tsi̍t-ji̍t 佮囝來相見 kah kiánn lâi sann-kìnn 才來應徵 tsiah lâi ìng-ting 做囝的下女 tsuè kiánn ê hā-lí ↓↓(口白)---(口白)↓↓ 母) 偷偷將囝的衫 thau-thau tsiong kiánn ê sann 抱在懷中 phō tsāi huâi-tiong 親像抱著囝 tshin-tshiūnn phō tio̍h kiánn 不覺目屎滴落來 put-kak ba̍k-sái tih--lo̍h-lâi 囝兒你敢知影 kiánn-jî lí kám tsai-iánn 共你做工課的阿婆仔 kā lí tsuè khang-khè ê a-pô--á 就是你的親生老母啦 tiō-sī lí ê tshin-sinn lāu-bú--lah ↑↑(口白)---(口白)↑↑ 青春花蕊 tshing-tshun hue-luí 為囝墜落地 uī kiánn tuī lo̍h-tuē 昔日風華 sik-ji̍t hong-huâ 囝兒在暗揣 kiánn-jî tsāi àm tshuē 滿腹心事 muá-pak sim-sū 暗囥心肝底 àm khǹg sim-kuann-tué 等待何時 tán-thāi hô-sî 母囝來相會 bú-kiánn lâi siong-huē ↓↓(口白)---(口白)↓↓ 囝) 媽媽 má-mah 母) 欸!頭家你 eh! thâu-ke lí 你認毋著人啦 lí jīn m̄-tio̍h lâng--lah 囝) 媽媽 má-mah 我揣你真久矣 guá tshuē lí tsin kú--ah 爸爸欲過身的時陣 pá-pah beh kuè-sin ê sî-tsūn 有將恁的代誌 ū tsiong lín ê tāi-tsì 老實共我 láu-si̍t kā guá 閣共養母講 koh kā iúnn-bú kóng 猶閣交予我一張相片 iáu-koh kau hōo guá tsi̍t-tiunn siòng-phìnn 這張相片 tsit tiunn siòng-phìnn 佮你身份証面頂 kah lí sin-hūn-tsìng bīn-tíng 彼張相片 hit tiunn siòng-phìnn 完全仝款 uân-tsuân kāng-khuán 媽媽 má-mah 你為我犧牲遮爾仔大 lí uī guá hi-sing tsiah-nī-á tuā 實在真偉大 si̍t-tsāi tsin uí-tāi 媽媽 má-mah 母) 囝兒 kiánn-jî 囝) 媽媽 má-mah ↑↑(口白)---(口白)↑↑ 烏雲四散 oo-hûn sì-sàn 天青見日頭 thinn tshing kìnn ji̍t-thâu 鳥母鳥囝 tsiáu-bú tsiáu-kiánn 已經來歸巢 í-king lâi kui tsâu 傷過歡喜 siunn-kè huann-hí 煞來目屎流 suah lâi ba̍k-sái lâu 歷盡千辛 li̍k-tsīn tshian-sin 可憐母囝鳥 khó-liân bú-kiánn tsiáu ------------------------------------------ →
鳥母飛去 轉來歇柳枝 為著鳥囝 苦楚三十年 為欲一日 佮囝來相見 才來應徵 做囝的下女 偷偷將囝的衫 抱在懷中 親像抱著囝 不覺目屎滴落來 囝兒你敢知影 共你做工課的阿婆仔 就是你的親生老母啦 青春花蕊 為囝墜落地 昔日風華 囝兒在暗揣 滿腹心事 暗囥心肝底 等待何時 母囝來相會 媽媽 欸!頭家你 你認毋著人啦 媽媽 我揣你真久矣 爸爸欲過身的時陣 有將恁的代誌 老實共我 閣共養母講 猶閣交予我一張相片 這張相片 佮你身份証面頂 彼張相片 完全仝款 媽媽 你為我犧牲遮爾仔大 實在真偉大 媽媽 囝兒 媽媽 烏雲四散 天青見日頭 鳥母鳥囝 已經來歸巢 傷過歡喜 煞來目屎流 歷盡千辛 可憐母囝鳥
tsiáu-bú pe--khì tńg-lâi hioh liú-ki uī-tio̍h tsiáu-kiánn khóo-tshóo sann-tsa̍p nî uī beh tsi̍t-ji̍t kah kiánn lâi sann-kìnn tsiah lâi ìng-ting tsuè kiánn ê hā-lí thau-thau tsiong kiánn ê sann phō tsāi huâi-tiong tshin-tshiūnn phō tio̍h kiánn put-kak ba̍k-sái tih--lo̍h-lâi kiánn-jî lí kám tsai-iánn kā lí tsuè khang-khè ê a-pô--á tiō-sī lí ê tshin-sinn lāu-bú--lah tshing-tshun hue-luí uī kiánn tuī lo̍h-tuē sik-ji̍t hong-huâ kiánn-jî tsāi àm tshuē muá-pak sim-sū àm khǹg sim-kuann-tué tán-thāi hô-sî bú-kiánn lâi siong-huē má-mah eh! thâu-ke lí lí jīn m̄-tio̍h lâng--lah má-mah guá tshuē lí tsin kú--ah pá-pah beh kuè-sin ê sî-tsūn ū tsiong lín ê tāi-tsì láu-si̍t kā guá koh kā iúnn-bú kóng iáu-koh kau hōo guá tsi̍t-tiunn siòng-phìnn tsit tiunn siòng-phìnn kah lí sin-hūn-tsìng bīn-tíng hit tiunn siòng-phìnn uân-tsuân kāng-khuán má-mah lí uī guá hi-sing tsiah-nī-á tuā si̍t-tsāi tsin uí-tāi má-mah kiánn-jî má-mah oo-hûn sì-sàn thinn tshing kìnn ji̍t-thâu tsiáu-bú tsiáu-kiánn í-king lâi kui tsâu siunn-kè huann-hí suah lâi ba̍k-sái lâu li̍k-tsīn tshian-sin khó-liân bú-kiánn tsiáu