18588/《看天頂》Khuànn Thinn-tíng葉程允Ia̍p Thîng-ún------------------------------------------看天頂khuànn thinn-tíng有閃爍的天星ū siám-sih ê thinn-tshinn連成一張面liân sîng tsi̍t-tiunn bīn笑微微tshiò bi-bi喙開開tshuì khui-khui有一排金金的喙齒ū tsi̍t-pâi kim-kim ê tshuì-khí想欲食siūnn-beh tsia̍h一粒一粒的白米tsi̍t-lia̍p-tsi̍t-lia̍p ê pe̍h-bí看天頂khuànn thinn-tíng有綿綿的白雲ū mî-mî ê pe̍h-hûn黏成一隻貓仔liâm sîng tsi̍t-tsiah niau-á圓滾滾înn kún-kún頭犁犁thâu lê-lê畫一道長長的爪痕uē tsi̍t-tō tn̂g-tn̂g ê jiáu-hûn想欲耍siūnn-beh sńg對早時耍到黃昏tuì tsá-sî sńg kàu hông-hun啊~天頂親像一塊布ah~ thinn-tíng tshin-tshiūnn tsi̍t-tè pòo有人逐工無暝無日ū-lâng ta̍k-kang bô-mî-bô-ji̍t佇面頂畫圖tī bīn-tíng uē-tôo啊~天頂藏著偌濟寶ah~ thinn-tíng tshàng tio̍h guā-tsuē pó我想欲飛去頂懸guá siūnn-beh pue khì tíng-kuân看予清楚khuànn hōo tshing-tshó看天頂khuànn thinn-tíng有大大的日頭ū tuā-tuā ê ji̍t-thâu照著這片土地tsiò tio̍h tsit phiàn thóo-tē汗那流kuānn ná lâu赤焱焱tshiah iānn-iānn燒著我鈍鈍的頭腦sio-tio̍h guá tùn-tùn ê thâu-náu袂使哭bē-sái khàu因為我生做傷緣投in-uī guá sinn-tsò siunn iân-tâu看天頂khuànn thinn-tíng有媠媠的月娘ū suí-suí ê gue̍h-niû看顧逐个暗暝khuànn-kòo ta̍k-ê àm-mî毋知偌久m̄-tsai guā kú金爍爍kim sih-sih安慰著心內的憂愁an-uì tio̍h sim-lāi ê iu-tshiû敢若是kán-ná sī熟似一世人的朋友si̍k-sāi tsi̍t-sì-lâng ê pîng-iú------------------------------------------→
看天頂有閃爍的天星連成一張面笑微微喙開開有一排金金的喙齒想欲食一粒一粒的白米看天頂有綿綿的白雲黏成一隻貓仔圓滾滾頭犁犁畫一道長長的爪痕想欲耍對早時耍到黃昏啊~天頂親像一塊布有人逐工無暝無日佇面頂畫圖啊~天頂藏著偌濟寶我想欲飛去頂懸看予清楚看天頂有大大的日頭照著這片土地汗那流赤焱焱燒著我鈍鈍的頭腦袂使哭因為我生做傷緣投看天頂有媠媠的月娘看顧逐个暗暝毋知偌久金爍爍安慰著心內的憂愁敢若是熟似一世人的朋友
khuànn thinn-tíngū siám-sih ê thinn-tshinnliân sîng tsi̍t-tiunn bīntshiò bi-bitshuì khui-khuiū tsi̍t-pâi kim-kim ê tshuì-khísiūnn-beh tsia̍htsi̍t-lia̍p-tsi̍t-lia̍p ê pe̍h-bíkhuànn thinn-tíngū mî-mî ê pe̍h-hûnliâm sîng tsi̍t-tsiah niau-áînn kún-kúnthâu lê-lêuē tsi̍t-tō tn̂g-tn̂g ê jiáu-hûnsiūnn-beh sńgtuì tsá-sî sńg kàu hông-hunah thinn-tíng tshin-tshiūnn tsi̍t-tè pòoū-lâng ta̍k-kang bô-mî-bô-ji̍ttī bīn-tíng uē-tôoah thinn-tíng tshàng tio̍h guā-tsuē póguá siūnn-beh pue khì tíng-kuânkhuànn hōo tshing-tshókhuànn thinn-tíngū tuā-tuā ê ji̍t-thâutsiò tio̍h tsit phiàn thóo-tēkuānn ná lâutshiah iānn-iānnsio-tio̍h guá tùn-tùn ê thâu-náubē-sái khàuin-uī guá sinn-tsò siunn iân-tâukhuànn thinn-tíngū suí-suí ê gue̍h-niûkhuànn-kòo ta̍k-ê àm-mîm̄-tsai guā kúkim sih-sihan-uì tio̍h sim-lāi ê iu-tshiûkán-ná sīsi̍k-sāi tsi̍t-sì-lâng ê pîng-iú