18435/《阿媽的手》A-má ê Tshiú李子恆Lí Tsír-hîng------------------------------------------阿媽的手皺襞襞a-má ê tshiú jiâu-pué-pué重重疊疊tîng-tîng-tha̍h-tha̍h親像摺無好的棉襀被tshin-tshiūnn tsih bô hó ê mî-tsioh-phuē伊細漢兄弟濟i sè-hàn hiann-tī tsē食泔糜tsia̍h ám-muê無通配bô-thang phuè嫁翁生囝kè ang senn kiánn奉待公婆hōng-thāi kong-pô無閒來反悔bô-îng lâi huán-hué翁死守寡ang sí tsiú-kuá厝邊頭尾tshù-pinn-thâu-bué人閣有長短話lâng koh ū tn̂g-té uē等到孫仔來出世tán kah sun-á lâi tshut-sì刣豬公謝天兼謝地thâi ti-kong siā thinn kiam siā tē向望大細平安ǹg-bāng tuā-sè pîng-an食老免連回tsia̍h-lāu bián liân-huê哪知影新社會ná tsai-iánn sin siā-huē囝兒新婦袂合kiánn-jî sin-pū buē-ha̍h來分家伙lâi pun ke-hué留予伊的lâu hōo i ê只有古早的梳妝臺一个tsí-ū kóo-tsá ê se-tsng-tâi tsi̍t-ê佮暗淡的燈火kah àm-tām ê ting-hué暗淡的燈火àm-tām ê ting-hué---阿媽現此時a-má hiān-tshú-sî三頓飯菜有通配sann-tǹg pn̄g-tshài ū-thang phuè只是無人陪tsí-sī bô-lâng puê日子毋知猶閣有幾歲ji̍t-tsí m̄-tsai iáu-koh ū kuí-huè阿媽的手皺襞襞a-má ê tshiú jiâu-pué-pué重重疊疊tîng-tîng-tha̍h-tha̍h親像摺無好的棉襀被tshin-tshiūnn tsih bô hó ê mî-tsioh-phuē阿媽的手皺襞襞a-má ê tshiú jiâu-pué-pué重重疊疊tîng-tîng-tha̍h-tha̍h親像無地寄的一張批tshin-tshiūnn bô-tè kià ê tsi̍t-tiunn phue------------------------------------------→
阿媽的手皺襞襞重重疊疊親像摺無好的棉襀被伊細漢兄弟濟食泔糜無通配嫁翁生囝奉待公婆無閒來反悔翁死守寡厝邊頭尾人閣有長短話等到孫仔來出世刣豬公謝天兼謝地向望大細平安食老免連回哪知影新社會囝兒新婦袂合來分家伙留予伊的只有古早的梳妝臺一个佮暗淡的燈火暗淡的燈火阿媽現此時三頓飯菜有通配只是無人陪日子毋知猶閣有幾歲阿媽的手皺襞襞重重疊疊親像摺無好的棉襀被阿媽的手皺襞襞重重疊疊親像無地寄的一張批
a-má ê tshiú jiâu-pué-puétîng-tîng-tha̍h-tha̍htshin-tshiūnn tsih bô hó ê mî-tsioh-phuēi sè-hàn hiann-tī tsētsia̍h ám-muêbô-thang phuèkè ang senn kiánnhōng-thāi kong-pôbô-îng lâi huán-huéang sí tsiú-kuátshù-pinn-thâu-buélâng koh ū tn̂g-té uētán kah sun-á lâi tshut-sìthâi ti-kong siā thinn kiam siā tēǹg-bāng tuā-sè pîng-antsia̍h-lāu bián liân-huêná tsai-iánn sin siā-huēkiánn-jî sin-pū buē-ha̍hlâi pun ke-huélâu hōo i êtsí-ū kóo-tsá ê se-tsng-tâi tsi̍t-êkah àm-tām ê ting-huéàm-tām ê ting-huéa-má hiān-tshú-sîsann-tǹg pn̄g-tshài ū-thang phuètsí-sī bô-lâng puêji̍t-tsí m̄-tsai iáu-koh ū kuí-huèa-má ê tshiú jiâu-pué-puétîng-tîng-tha̍h-tha̍htshin-tshiūnn tsih bô hó ê mî-tsioh-phuēa-má ê tshiú jiâu-pué-puétîng-tîng-tha̍h-tha̍htshin-tshiūnn bô-tè kià ê tsi̍t-tiunn phue