18303/《掠魚人》Lia̍h-hî-lâng 小鳳鳳Sió-hōng-hōng(童欣Tông Him，馬來西亞) ------------------------------------------ 阮是一个掠魚人 gún sī tsi̍t-ê lia̍h-hîr-lâng 故鄉踮佇五條港 kòo-hiong tiàm-tī Gōo-tiâu-káng 三更半暝來出帆 sann-kinn-puànn-mî lâi tshut-phâng 四邊烏烏又暗暗 sì-pinn oo-oo iū àm-àm 海風吹來真正寒 hái-hong tshue--lâi tsin-tsiànn kuânn 海水潑來 hái-tsuí phuah--lâi 凍冷阮的心肝 tàng líng gún ê sim-kuann 為著三頓來拍拚 uī-tio̍h sann-tǹg lâi phah-piànn 為著厝內的某囝 uī-tio̍h tshù-lāi ê bóo-kiánn 大風大湧是算啥 tuā-hong tuā-íng sī sǹg siánn 啊~雖然風險有較重 ah~ sui-jiân hong-hiám ū khah tāng 神明保庇阮平安 sîn-bîng pó-pì gún pîng-an 看著魚蝦一籠籠 khuànn-tio̍h hîr-hê tsi̍t-láng-láng 心情真輕鬆 sim-tsîng tsin khin-sang 阮是勇敢 gún sī ióng-kám 拍拚的掠魚人 phah-piànn ê lia̍h-hîr-lâng ------------------------------------------ →
阮是一个掠魚人 故鄉踮佇五條港 三更半暝來出帆 四邊烏烏又暗暗 海風吹來真正寒 海水潑來 凍冷阮的心肝 為著三頓來拍拚 為著厝內的某囝 大風大湧是算啥 啊~雖然風險有較重 神明保庇阮平安 看著魚蝦一籠籠 心情真輕鬆 阮是勇敢 拍拚的掠魚人
gún sī tsi̍t-ê lia̍h-hîr-lâng kòo-hiong tiàm-tī Gōo-tiâu-káng sann-kinn-puànn-mî lâi tshut-phâng sì-pinn oo-oo iū àm-àm hái-hong tshue--lâi tsin-tsiànn kuânn hái-tsuí phuah--lâi tàng líng gún ê sim-kuann uī-tio̍h sann-tǹg lâi phah-piànn uī-tio̍h tshù-lāi ê bóo-kiánn tuā-hong tuā-íng sī sǹg siánn ah~ sui-jiân hong-hiám ū khah tāng sîn-bîng pó-pì gún pîng-an khuànn-tio̍h hîr-hê tsi̍t-láng-láng sim-tsîng tsin khin-sang gún sī ióng-kám phah-piànn ê lia̍h-hîr-lâng