《鳳凰花飛啊飛》Hōng-hông-hue Pue--ah Pue謝銘祐Tsiā Bîng-iū-----------------------------------------直直的身軀翼仔葉ti̍t-ti̍t ê sin-khu si̍t-á hio̍h紅紅的花蕊火咧燒âng-âng ê hue-luí hué leh sio陪阮大漢唱驪歌puê gún tuā-hàn tshiùnn lê-ko看你細漢賴賴趖khuànn lí sè-hàn luā-luā sô.日頭若愈大伊愈愛ji̍t-thâu nā jú tuā i jú ài咱坐佇樹跤等風來lán tsē tī tshiū-kha tán hong lâi你若有閒來台南lí nā ū-îng lâi Tâi-lâm伊徛佇路邊排規排i khiā tī lōo-pinn pâi kui-pâi.一个城市會當藏偌濟夢tsi̍t-ê siânn-tshī ē-tàng tshàng guā-tsē bāng一欉樹仔會當陪幾代人tsi̍t-tsâng tshiū-á ē-tàng puê kuí tāi lâng.鳳凰花飛啊飛hōng-hông-hue pue--ah pue你欲共阮𤆬去佗lí beh kā gún tshuā khì tuē紅若火âng ná hué一著起來熱袂退tsi̍t to̍h--khí-lâi jia̍t bē thè.鳳凰花飛啊飛hōng-hông-hue pue--ah pue你欲共阮𤆬去佗lí beh kā gún tshuā khì tuē紅的雪âng ê seh佇阮夢中硞硞綴tī gún bāng-tiong kho̍k-kho̍k tuè------------------------------------------→
直直的身軀翼仔葉紅紅的花蕊火咧燒陪阮大漢唱驪歌看你細漢賴賴趖日頭若愈大伊愈愛咱坐佇樹跤等風來你若有閒來台南伊徛佇路邊排規排一个城市會當藏偌濟夢一欉樹仔會當陪幾代人鳳凰花飛啊飛你欲共阮𤆬去佗紅若火一著起來熱袂退鳳凰花飛啊飛你欲共阮𤆬去佗紅的雪佇阮夢中硞硞綴
ti̍t-ti̍t ê sin-khu si̍t-á hio̍hâng-âng ê hue-luí hué leh siopuê gún tuā-hàn tshiùnn lê-kokhuànn lí sè-hàn luā-luā sôji̍t-thâu nā jú tuā i jú àilán tsē tī tshiū-kha tán hong lâilí nā ū-îng lâi Tâi-lâmi khiā tī lōo-pinn pâi kui-pâitsi̍t-ê siânn-tshī ē-tàng tshàng guā-tsē bāngtsi̍t-tsâng tshiū-á ē-tàng puê kuí tāi lânghōng-hông-hue pue--ah puelí beh kā gún tshuā khì tuēâng ná huétsi̍t to̍h--khí-lâi jia̍t bē thèhōng-hông-hue pue--ah puelí beh kā gún tshuā khì tuēâng ê sehtī gún bāng-tiong kho̍k-kho̍k tuè