16646/《思念的苦味》Su-liām ê Khóo-bī 薛金顯Sih Kim-hián ------------------------------------------ 鬧熱的青紅燈 lāu-jia̍t ê tshinn-âng-ting 照著繁華都市 tsiò tio̍h huân-huâ too-tshī 照著阮 tsiò tio̍h gún 來到他鄉的稀微 lâi-kàu thann-hiong ê hi-bî 爸母對阮的期待 pē-bú tuì gún ê kî-thāi 一直毋敢放袂記 it-ti̍t m̄-kánn pàng-buē-kì 毋知恁 m̄-tsai lín 敢有保重著自己 kám ū pó-tiōng tio̍h tsū-kí 有時陣心憂悶 ū-sî-tsūn sim iu-būn 毋敢對人講出喙 m̄-kánn tuì lâng kóng tshut-tshuì 忍受著孤單 jím-siū tio̍h koo-tuann 思念的苦味 su-liām ê khóo-bī 當初堅持來離開 tong-tshoo kian-tshî lâi lī-khui 賭著一口氣 tóo tio̍h tsi̍t-kháu-khuì 總有一日 tsóng ū-tsi̍t-ji̍t 阮會成功倒轉去 gún ē sîng-kong tò-tńg--khì 懷念著 huâi-liām tio̍h 細漢的日子 sè-hàn ê ji̍t-tsí 故鄉溫暖的塗味 kòo-hiong un-luán ê thôo-bī 微風吹過田岸邊 bî-hong tshue kuè tshân-huānn pinn 阿爸陪阮唸歌詩 a-pah puê gún liām kua-si 懷念著 huâi-liām tio̍h 細漢的日子 sè-hàn ê ji̍t-tsí 阿母煮的好料理 a-bú tsú ê hó liāu-lí 毋是山珍佮海味 m̄-sī san-tin kah hái-bī 項項攏是 hāng-hāng lóng-sī 阮上愛的滋味 gún siōng ài ê tsu-bī ------------------------------------------ →
鬧熱的青紅燈 照著繁華都市 照著阮 來到他鄉的稀微 爸母對阮的期待 一直毋敢放袂記 毋知恁 敢有保重著自己 有時陣心憂悶 毋敢對人講出喙 忍受著孤單 思念的苦味 當初堅持來離開 賭著一口氣 總有一日 阮會成功倒轉去 懷念著 細漢的日子 故鄉溫暖的塗味 微風吹過田岸邊 阿爸陪阮唸歌詩 懷念著 細漢的日子 阿母煮的好料理 毋是山珍佮海味 項項攏是 阮上愛的滋味
lāu-jia̍t ê tshinn-âng-ting tsiò tio̍h huân-huâ too-tshī tsiò tio̍h gún lâi-kàu thann-hiong ê hi-bî pē-bú tuì gún ê kî-thāi it-ti̍t m̄-kánn pàng-buē-kì m̄-tsai lín kám ū pó-tiōng tio̍h tsū-kí ū-sî-tsūn sim iu-būn m̄-kánn tuì lâng kóng tshut-tshuì jím-siū tio̍h koo-tuann su-liām ê khóo-bī tong-tshoo kian-tshî lâi lī-khui tóo tio̍h tsi̍t-kháu-khuì tsóng ū-tsi̍t-ji̍t gún ē sîng-kong tò-tńg--khì huâi-liām tio̍h sè-hàn ê ji̍t-tsí kòo-hiong un-luán ê thôo-bī bî-hong tshue kuè tshân-huānn pinn a-pah puê gún liām kua-si huâi-liām tio̍h sè-hàn ê ji̍t-tsí a-bú tsú ê hó liāu-lí m̄-sī san-tin kah hái-bī hāng-hāng lóng-sī gún siōng ài ê tsu-bī