16450/《計程車司機之戀》Kè-thîng-tshia Su-ki tsi Luân 羅時豐Lô Sî-hong ------------------------------------------ ↓↓(口白)---(口白)↓↓ 女) 喂~計程車 ueh~ khè-thîng-tshia 男) 小姐 sió-tsiá 請問你欲去佗位咧 tshiánn-mn̄g lí beh khì tó-uī--leh 女) 欲去佗位 beh khì tó-uī 等我坐入去車內 tán guá tsē ji̍p-khì tshia-lāi 自然會共你講嘛 tsū-jiân ē kā lí kóng--mah 哪會緊張甲按呢 ná ē kín-tiunn kah án-ne 你若是嫌傷過遠的所在 lí nā-sī hiâm siunn-kuè hn̄g ê sóo-tsāi 無愛去 bô-ài khì 你會當坦白講嘛 lí ē-tàng thán-pe̍h kóng--ham 男) 嗯!小姐 ngh! sió-tsiá 問你去佗位 mn̄g lí khì tó-uī 我曷無歹意啊 guá a̍h bô pháinn-ì--ah 你哪發遮爾大的脾氣咧 lí ná huat tsiah-nī tuā ê phî-khì--leh 啊!好啦好啦 ah! hó--lah hó--lah 請你入來坐 tshiánn lí ji̍p-lâi tsē 一切我攏照你的意思 it-tshè guá lóng tsiàu lí ê ì-sù 就是啦，乎 tiō-sī--lah, honnh ↑↑(口白)---(口白)↑↑ 男) 計程車內美麗小姐 kè-thîng-tshia lāi bí-lē sió-tsiá 講話實在無理氣 kóng-uē si̍t-tsāi bô-lí-khì 我咧問伊欲去佗位 guá teh mn̄g i beh khì tó-uī 伊煞對我發脾氣 i suah tuì guá huat phî-khì 女) 計程車司機 kè-thîng-tshia su-ki 真正趣味 tsin-tsiànn tshù-bī 我欲佗位就佗位 guá beh tó-uī tsiū tó-uī 我想欲去太空旅行 guá siūnn-beh khì thài-khong lú-hîng 你敢會當送我去 lí kám ē-tàng sàng guá khì 男) 計程車內美麗小姐 kè-thîng-tshia lāi bí-lē sió-tsiá 講話實在無道理 kóng-uē si̍t-tsāi bô-tō-lí 計程車 kè-thîng-tshia 毋是太空火箭 m̄-sī thài-khong hué-tsìnn 叫我怎樣送伊去 kiò guá tsuánn-iūnn sàng i khì 女) 計程車司機 kè-thîng-tshia su-ki 真𠢕彎話 tsin gâu uan-uē 閣講 koh kóng 也是無趣味 iā-sī bô tshù-bī 請你開車 tshiánn lí khui-tshia 著愛注意 tio̍h-ài tsù-ì 毋通佮阮膏膏纏 m̄-thang kah gún ko-ko-tînn ↓↓(口白)---(口白)↓↓ 女) 喂!司機先生啊 ueh! su-ki sian-sinn--ah 你開車毋開車 lí khui-tshia m̄ khui-tshia 頭殼按呢 thâu-khak án-ne 越過來越過去 ua̍t kuè-lâi ua̍t kuè-khì 你是佇咧看啥物 lí sī tī-leh khuànn siánn-mih 男) 嘿嘿嘿 heh heh heh 無啦無啦 bô--lah bô--lah 我是看你 guá sī khuànn lí 生做媠 sinn-tsuè suí 又閣古錐啦 iū-koh kóo-tsui--lah 女) 哼!無正經 hngh! bô tsìng-king 毋才會按呢生 m̄-tsiah ē án-nih-sinn ↑↑(口白)---(口白)↑↑ 男) 計程車內美麗小姐 kè-thîng-tshia lāi bí-lē sió-tsiá 青春十八的年紀 tshing-tshun tsa̍p-pueh ê nî-kí 迷人笑容 bê-lâng tshiò-iông 妖嬌古錐 iau-kiau kóo-tsui 毋輸古早的西施 m̄-su kóo-tsá ê Se-si 女) 計程車司機 kè-thîng-tshia su-ki 生做標致 sinn-tsuè piau-tì 又閣老實有情意 iū-koh láu-si̍t ū tsîng-ì 年輕有為 liân-khing iú-uî 勇壯體格 ióng-tsòng thé-keh 標準風度好男兒 piau-tsún hong-tōo hó lâm-jî 男) 計程車內美麗小姐 kè-thîng-tshia lāi bí-lē sió-tsiá 有緣千里來熟似 ū-iân tshian-lí lâi si̍k-sāi 阮若對你有較失禮 gún nā tuì lí ū khah sit-lé 請你毋通來見怪 tshiánn lí m̄-thang lâi kiàn-kuài 女) 計程車司機 kè-thîng-tshia su-ki 真好風度 tsin hó hong-tōo 予阮意愛在心內 hōo gún ì-ài tsāi sim-lāi 合) 一見鍾情 it-kiàn tsiong-tsîng 互相意愛 hōo-siong ì-ài 莫非這是天安排 bo̍k-hui tse sī thinn an-pâi ------------------------------------------ →
喂~計程車 小姐 請問你欲去佗位咧 欲去佗位 等我坐入去車內 自然會共你講嘛 哪會緊張甲按呢 你若是嫌傷過遠的所在 無愛去 你會當坦白講嘛 嗯!小姐 問你去佗位 我曷無歹意啊 你哪發遮爾大的脾氣咧 啊!好啦好啦 請你入來坐 一切我攏照你的意思 就是啦，乎 計程車內美麗小姐 講話實在無理氣 我咧問伊欲去佗位 伊煞對我發脾氣 計程車司機 真正趣味 我欲佗位就佗位 我想欲去太空旅行 你敢會當送我去 計程車內美麗小姐 講話實在無道理 計程車 毋是太空火箭 叫我怎樣送伊去 計程車司機 真𠢕彎話 閣講 也是無趣味 請你開車 著愛注意 毋通佮阮膏膏纏 喂!司機先生啊 你開車毋開車 頭殼按呢 越過來越過去 你是佇咧看啥物 嘿嘿嘿 無啦無啦 我是看你 生做媠 又閣古錐啦 哼!無正經 毋才會按呢生 計程車內美麗小姐 青春十八的年紀 迷人笑容 妖嬌古錐 毋輸古早的西施 計程車司機 生做標致 又閣老實有情意 年輕有為 勇壯體格 標準風度好男兒 計程車內美麗小姐 有緣千里來熟似 阮若對你有較失禮 請你毋通來見怪 計程車司機 真好風度 予阮意愛在心內 一見鍾情 互相意愛 莫非這是天安排
ueh~ khè-thîng-tshia sió-tsiá tshiánn-mn̄g lí beh khì tó-uī--leh beh khì tó-uī tán guá tsē ji̍p-khì tshia-lāi tsū-jiân ē kā lí kóng--mah ná ē kín-tiunn kah án-ne lí nā-sī hiâm siunn-kuè hn̄g ê sóo-tsāi bô-ài khì lí ē-tàng thán-pe̍h kóng--ham ngh! sió-tsiá mn̄g lí khì tó-uī guá a̍h bô pháinn-ì--ah lí ná huat tsiah-nī tuā ê phî-khì--leh ah! hó--lah hó--lah tshiánn lí ji̍p-lâi tsē it-tshè guá lóng tsiàu lí ê ì-sù tiō-sī--lah, honnh kè-thîng-tshia lāi bí-lē sió-tsiá kóng-uē si̍t-tsāi bô-lí-khì guá teh mn̄g i beh khì tó-uī i suah tuì guá huat phî-khì kè-thîng-tshia su-ki tsin-tsiànn tshù-bī guá beh tó-uī tsiū tó-uī guá siūnn-beh khì thài-khong lú-hîng lí kám ē-tàng sàng guá khì kè-thîng-tshia lāi bí-lē sió-tsiá kóng-uē si̍t-tsāi bô-tō-lí kè-thîng-tshia m̄-sī thài-khong hué-tsìnn kiò guá tsuánn-iūnn sàng i khì kè-thîng-tshia su-ki tsin gâu uan-uē koh kóng iā-sī bô tshù-bī tshiánn lí khui-tshia tio̍h-ài tsù-ì m̄-thang kah gún ko-ko-tînn ueh! su-ki sian-sinn--ah lí khui-tshia m̄ khui-tshia thâu-khak án-ne ua̍t kuè-lâi ua̍t kuè-khì lí sī tī-leh khuànn siánn-mih heh heh heh bô--lah bô--lah guá sī khuànn lí sinn-tsuè suí iū-koh kóo-tsui--lah hngh! bô tsìng-king m̄-tsiah ē án-nih-sinn kè-thîng-tshia lāi bí-lē sió-tsiá tshing-tshun tsa̍p-pueh ê nî-kí bê-lâng tshiò-iông iau-kiau kóo-tsui m̄-su kóo-tsá ê Se-si kè-thîng-tshia su-ki sinn-tsuè piau-tì iū-koh láu-si̍t ū tsîng-ì liân-khing iú-uî ióng-tsòng thé-keh piau-tsún hong-tōo hó lâm-jî kè-thîng-tshia lāi bí-lē sió-tsiá ū-iân tshian-lí lâi si̍k-sāi gún nā tuì lí ū khah sit-lé tshiánn lí m̄-thang lâi kiàn-kuài kè-thîng-tshia su-ki tsin hó hong-tōo hōo gún ì-ài tsāi sim-lāi it-kiàn tsiong-tsîng hōo-siong ì-ài bo̍k-hui tse sī thinn an-pâi