15796/《閩南查某人》Bân-lâm Tsa-bóo-lâng 馬句Má-kù(施聰猛Si Tshong-bíng，泉州) ------------------------------------------ ↓↓(口白)---(口白)↓↓ 有一款查某人 ū tsi̍t-khuán tsa̋u-lâng 做好 tsò hó 無人共伊呵咾 bô-lâng kā-i o-ló 加講一句 ke kóng--tsi̍t-kù 就予人嫌囉嗦 tō hōo-lâng hiâm lo-so 伊的操煩不斷 i ê tshau-huân put-tuān 勞苦有賰 lô-khóo ū tshun 一生攏為別人活 it-sing lóng uī pa̍t-lâng ua̍h 工課 khang-khuè 責任 tsik-jīm 雙頭擔 siang-thâu tann 怹毋捌 in m̄-pat 怨嘆坎坷的命 uàn-thàn khám-khia̍t ê miā 只驚厝內 tsí kiann tshù-lāi 翁婿囝兒無通食 ang-sài kiánn-jî bô-thang tsia̍h 彼就是 he tiō-sī 咱閩南的查某人 lán Bân-lâm ê tsa̋u-lâng ↑↑(口白)---(口白)↑↑ 有一款查某人 ū tsi̍t-khuán tsa-bóo-lâng 攏有仝款的身份 lóng ū kāng-khuán ê sin-hūn 為厝內無怨無恨 uī tshù-lāi bô-uàn-bô-hūn 飯菜先予囝兒孫 pn̄g-tshài sing hōo kiánn-jî-sun 家己菜尾凊飯吞 ka-kī tshài-bué tshìn-pn̄g thun 嘛笑笑仔講 mā tshiò-tshiò-á kóng 才袂拍損 tsiah buē phah-sńg 有一款查某人 ū tsi̍t-khuán tsa-bóo-lâng 犧牲自己的青春 hi-sing tsū-kí ê tshing-tshun 一生為翁為囝孫 it-sing uī ang uī kiánn-sun 三枝清香向上天 sann-ki tshing-hiunn hiòng tsiūnn-thian 祈求一家平安順 kî-kiû tsi̍t-ke pîng-an sūn 彼就是伊上大的慰問 he tiō-sī i siōng tuā ê uì-būn 恁的一生 lín ê it-sing 攏為別人活 lóng uī pa̍t-lâng ua̍h 對家己 tuì ka-kī 也毋捌要求啥 iā m̄-pat iau-kiû siánn 用心共囝晟 iōng-sim kā kiánn tshiânn 用愛共孫疼 iōng ài kā sun thiànn 彼就是 he tiō-sī 咱閩南查某人 lán Bân-lâm tsa-bóo-lâng 一生的依倚 it-sing ê i-uá ------------------------------------------ →
有一款查某人 做好 無人共伊呵咾 加講一句 就予人嫌囉嗦 伊的操煩不斷 勞苦有賰 一生攏為別人活 工課 責任 雙頭擔 怹毋捌 怨嘆坎坷的命 只驚厝內 翁婿囝兒無通食 彼就是 咱閩南的查某人 有一款查某人 攏有仝款的身份 為厝內無怨無恨 飯菜先予囝兒孫 家己菜尾凊飯吞 嘛笑笑仔講 才袂拍損 有一款查某人 犧牲自己的青春 一生為翁為囝孫 三枝清香向上天 祈求一家平安順 彼就是伊上大的慰問 恁的一生 攏為別人活 對家己 也毋捌要求啥 用心共囝晟 用愛共孫疼 彼就是 咱閩南查某人 一生的依倚
ū tsi̍t-khuán tsa̋u-lâng tsò hó bô-lâng kā-i o-ló ke kóng--tsi̍t-kù tō hōo-lâng hiâm lo-so i ê tshau-huân put-tuān lô-khóo ū tshun it-sing lóng uī pa̍t-lâng ua̍h khang-khuè tsik-jīm siang-thâu tann in m̄-pat uàn-thàn khám-khia̍t ê miā tsí kiann tshù-lāi ang-sài kiánn-jî bô-thang tsia̍h he tiō-sī lán Bân-lâm ê tsa̋u-lâng ū tsi̍t-khuán tsa-bóo-lâng lóng ū kāng-khuán ê sin-hūn uī tshù-lāi bô-uàn-bô-hūn pn̄g-tshài sing hōo kiánn-jî-sun ka-kī tshài-bué tshìn-pn̄g thun mā tshiò-tshiò-á kóng tsiah buē phah-sńg ū tsi̍t-khuán tsa-bóo-lâng hi-sing tsū-kí ê tshing-tshun it-sing uī ang uī kiánn-sun sann-ki tshing-hiunn hiòng tsiūnn-thian kî-kiû tsi̍t-ke pîng-an sūn he tiō-sī i siōng tuā ê uì-būn lín ê it-sing lóng uī pa̍t-lâng ua̍h tuì ka-kī iā m̄-pat iau-kiû siánn iōng-sim kā kiánn tshiânn iōng ài kā sun thiànn he tiō-sī lán Bân-lâm tsa-bóo-lâng it-sing ê i-uá