15795/《故鄉伊的名》Kòo-hiong I ê Miâ 馬句Má-kù(施聰猛Si Tshong-bíng，泉州) ------------------------------------------ 我出外已經 guá tshut-guā í-king 也爛柯幾載 iā nuā-kho kuí tsài 何時轉到 hô-sî tńg kàu 歸心所在 kui sim sóo-tsāi 三間張下落 sann-kuinn-tiunn ē-lo̍h 是阮厝內 sī gún tshù-lāi 門口一欉莿桐 mn̂g-kháu tsi̍t-tsâng tshì-tông 等花開 tán hue khai 厝瓦有破空 tshù-hiā ū phuà-khang 風雨若來 hong-hōo nā lâi 所有面桶 sóo-ū bīn-tháng 著提出來祀 tio̍h the̍h tshut-lâi sāi 阿媽攑香 a-má gia̍h hiunn 對著菩薩拜 tuì tio̍h phôo-sat pài 心內話 sim-lāi uē 攏是囝孫的代 lóng-sī kiánn-sun ê tāi 梓里啊 tsú-lí--ah 荏冉啊 jím-jiám--ah 廟埕敢猶有鬧熱聲 biō-tiânn kám iáu-ū lāu-jia̍t siann 海墘小船岸 hái-kînn sió tsûn-huānn 變了是按怎 piàn liáu sī-án-tsuánn 序大教示 sī-tuā kà-sī 我有聽 guá ū thiann 梓里啊 tsú-lí--ah 荏冉啊 jím-jiám--ah 彼窟老井水 hit khut lāu tsínn-tsuí 敢繼續食 kám kè-sio̍k tsia̍h 囡仔𨑨迌伴 gín-á tshit-thô-phuānn 這馬變按怎 tsit-má piàn án-tsuánn 夢囈鄉語 bāng-gē hiong-gí 叫伊的名 kiò i ê miâ 等我轉來 tán guá tńg--lâi --- 是一領衫 sī tsi̍t-niá sann 兄弟仔輪流換 hiann-tī-á lûn-liû uānn 阿媽煮食 a-má tsú-tsia̍h 頭喙攏留予我 thâu tshuì lóng lâu hōo guá 故鄉的天 kòo-hiong ê thinn 若是風較大 nā-sī hong khah tuā 加穿領衫 ke tshīng niá sann 毋通受風寒 m̄-thang siū hong-kuânn 阿爸的私奇 a-pah ê sai-khia 藏佇眠床跤 tshàng tī bîn-tshn̂g-kha 阮孽潲 gún gia̍t-siâu 講予阮老母知影 kóng hōo gún lāu-bú tsai-iánn 厝內飼兩隻雞 tshù-lāi tshī nn̄g-tsiah kue 毋甘刣來食 m̄-kam thâi lâi tsia̍h 欲留予 beh lâu hōo 先出外的阿兄 sing tshut-guā ê a-hiann ------------------------------------------ →
我出外已經 也爛柯幾載 何時轉到 歸心所在 三間張下落 是阮厝內 門口一欉莿桐 等花開 厝瓦有破空 風雨若來 所有面桶 著提出來祀 阿媽攑香 對著菩薩拜 心內話 攏是囝孫的代 梓里啊 荏冉啊 廟埕敢猶有鬧熱聲 海墘小船岸 變了是按怎 序大教示 我有聽 梓里啊 荏冉啊 彼窟老井水 敢繼續食 囡仔𨑨迌伴 這馬變按怎 夢囈鄉語 叫伊的名 等我轉來 是一領衫 兄弟仔輪流換 阿媽煮食 頭喙攏留予我 故鄉的天 若是風較大 加穿領衫 毋通受風寒 阿爸的私奇 藏佇眠床跤 阮孽潲 講予阮老母知影 厝內飼兩隻雞 毋甘刣來食 欲留予 先出外的阿兄
guá tshut-guā í-king iā nuā-kho kuí tsài hô-sî tńg kàu kui sim sóo-tsāi sann-kuinn-tiunn ē-lo̍h sī gún tshù-lāi mn̂g-kháu tsi̍t-tsâng tshì-tông tán hue khai tshù-hiā ū phuà-khang hong-hōo nā lâi sóo-ū bīn-tháng tio̍h the̍h tshut-lâi sāi a-má gia̍h hiunn tuì tio̍h phôo-sat pài sim-lāi uē lóng-sī kiánn-sun ê tāi tsú-lí--ah jím-jiám--ah biō-tiânn kám iáu-ū lāu-jia̍t siann hái-kînn sió tsûn-huānn piàn liáu sī-án-tsuánn sī-tuā kà-sī guá ū thiann tsú-lí--ah jím-jiám--ah hit khut lāu tsínn-tsuí kám kè-sio̍k tsia̍h gín-á tshit-thô-phuānn tsit-má piàn án-tsuánn bāng-gē hiong-gí kiò i ê miâ tán guá tńg--lâi sī tsi̍t-niá sann hiann-tī-á lûn-liû uānn a-má tsú-tsia̍h thâu tshuì lóng lâu hōo guá kòo-hiong ê thinn nā-sī hong khah tuā ke tshīng niá sann m̄-thang siū hong-kuânn a-pah ê sai-khia tshàng tī bîn-tshn̂g-kha gún gia̍t-siâu kóng hōo gún lāu-bú tsai-iánn tshù-lāi tshī nn̄g-tsiah kue m̄-kam thâi lâi tsia̍h beh lâu hōo sing tshut-guā ê a-hiann