《少年老芋仔》Siàu-liân Lāu-ōo-á 施文彬Si Bûn-pin 武雄Bú-hiông ------------------------------------------ ↓↓(口白)---(口白)↓↓ 阮厝邊彼个歐巴桑 gún tshù-pinn hit ê oo-bá-sáng 有一工 ū-tsi̍t-kang 提一張批 the̍h tsi̍t-tiunn phue 來央我唸予伊聽 lâi iang guá liām hōo i thiann 批是怹囝 phue sī in kiánn 對軍中寄轉來的 uì kun-tiong kià--tńg-lâi ê 內底是按呢寫： lāi-té sī án-ne siá 阿母， a-bú, ↑↑(口白)---(口白)↑↑ 我也已經 guá iā í-king 平安來到這个部隊 pîng-an lâi-kàu tsit ê pōo-tuī 自從入伍開始 tsū-tsiông ji̍p-ngóo khai-sí 經過這段日子 king-kuè tsit tuānn ji̍t-tsí 萬項代誌 bān-hāng tāi-tsì 也攏慣勢 iā lóng kuàn-sì 請媽媽 tshiánn má-mah 千萬毋免傷悲 tshian-bān m̄-bián siong-pi ↓↓(口白)---(口白)↓↓ 怹彼口灶的代誌 in hit kháu-tsàu ê tāi-tsì 我捌聽 guá bat thiann 阮厝頭家講過 gún tshù-thâu-ke kóng--kuè 怹老爸 in lāu-pē 是一个老芋仔 sī tsi̍t-ê lāu-ōo-á 落尾家己出來拍天下 lo̍h-bué ka-kī tshut-lâi phah thian-hā 粒積淡薄仔錢 lia̍p-tsik tām-po̍h-á tsînn 娶怹老母 tshuā in lāu-bú 生兩个後生 senn nn̄g-ê hāu-sinn 怹兩个兄弟仔 in nn̄g-ê hiann-tī-á 十捅歲 tsa̍p-thóng huè 就出去佮人𨑨迌 tō tshut-khì kah lâng tshit-thô 有一擺 ū tsi̍t-pái 角頭的挩注 kak-thâu--ê thuah-tù 怹小弟 in sió-tī 煞去夆刣死 suah khì hông thâi--sí 無偌久怹老爸 bô-guā-kú in lāu-pē 也因為操勞過多 iā in-uī tshau-lô kuè-to 佇咧病院內過身 tī-eh pīnn-īnn lāi kuè-sin 聽咧講 thiann eh kóng 彼暗的雨 hit-àm ê hōo 落真大 lo̍h tsin tuā 伊佇怹老爸的眠床頭 i tī in lāu-pē ê bîn-tshn̂g-thâu 跪一暝 kuī tsi̍t-mê ↑↑(口白)---(口白)↑↑ 想起著我 siūnn-khí tio̍h guá 少年彼時 siàu-liân hit-sî 真正匪類 tsin-tsiànn huí-luī 攏無聽你教示 lóng bô thiann lí kà-sī 定定惹你受氣 tiānn-tiānn jiá lí siūnn-khì 如今我會安份守己 jû-kim guá ē an-hūn siú-kí 希望你 hi-bāng lí 心內會當安慰 sim-lāi ē-tàng an-uì ↓↓(口白)---(口白)↓↓ 關於將國語的批 kuan-î tsiong kok-gí ê phue 按怎用臺語 án-tsuánn iōng tâi-gí 來共翻出來 lâi kā huan--tshut-lâi 我有較頇顢 guá ū khah hân-bān 親像 tshin-tshiūnn 摸魚打混勾心鬥角 mōyúdǎhùn gōuxīndòujiǎo 這款詞 tsit khuán sû 我實在毋知 guá si̍t-tsāi m̄-tsai 欲按怎唸 beh án-nuá liām 較媠氣 khah suí-khuì 伊批寫了真長 i phue siá liáu tsin tn̂g 所以有一寡內容 sóo-í ū tsi̍t-kuá lāi-iông 我就無照字面唸出來 guá tiō bô tsiàu jī-bīn liām--tshut-lâi 只是用我家己想的 tsí-sī iōng guá ka-kī siūnn ê 浪子回頭的故事 lōng-tsú huê-thâu ê kòo-sū 落去解說 lo̍h-khì kái-sueh 歐巴桑那聽 oo-bá-sáng ná thiann 目睭那挼 ba̍k-tsiu ná juê 閣央我 koh iang guá 替伊回一張批 thè i huê tsi̍t-tiunn phue 伊講： i kóng: 阿囝仔喂， a-kiánn--á uê ↑↑(口白)---(口白)↑↑ 你寄的批已經收著 lí kià ê phue í-king siu--tio̍h 我真歡喜 guá tsin huann-hí 凡事著愛忍耐 huân-sū tio̍h-ài jím-nāi 也毋免煩惱厝內 iā m̄-bián huân-ló tshù-lāi 阿母會曉照顧家己 a-bú ē-hiáu tsiàu-kòo ka-kī 你的身體 lí ê sin-thé 嘛愛特別注意 mā ài ti̍k-pia̍t tsù-ì ↓↓(口白)---(口白)↓↓ 歐巴桑那講 oo-bá-sáng ná kóng 那踮遐拭目屎 ná tiàm-hia tshit ba̍k-sái 所以我有時間 sóo-í guá ū sî-kan 將伊的意思 tsiong i ê ì-sù 用較婉轉的字句 iōng khah uán-tsuán ê jī-kù 寫落來 siá--lo̍h-lâi 突然間感覺 thu̍t-jiân-kan kám-kak 實在家己的學問 si̍t-tsāi ka-kī ê ha̍k-būn 算來嘛是袂䆀 sǹg--lâi mā sī bē-bái 伊閣講： i koh kóng ↑↑(口白)---(口白)↑↑ 聽候明年 thìng-hāu mê-nî 你若退伍 lí nā thuè-ngóo 轉來厝內 tńg-lâi tshù-lāi 娶一个好家後 tshuā tsi̍t-ê hó ke-āu 做一个小生理 tsuè tsi̍t-ê sió-sing-lí 我的責任 guá ê tsik-jīm 就攏完成 tiō lóng uân-sîng 會使放心 ē-sái hòng-sim 綴恁老爸來去 tuè lín lāu-pē lâi-khì ↓↓(口白)---(口白)↓↓ 批寫完 phue siá uân 歐巴桑 oo-bá-sáng 一直共我說謝 it-ti̍t kā guá seh-siā 叫我免共送 kiò guá bián kā sàng 看著伊的眼神 khuànn-tio̍h i ê gán-sîn 充滿了希望 tshiong-buán liáu hi-bāng 我的心情 guá ê sim-tsîng 煞愈來愈沉重 suah jú lâi jú tîm-tāng 有一寡話 ū tsi̍t-kuá uē 毋知欲按怎 m̄-tsai beh án-tsuánn 共開喙 kā khui-tshuì 佇批內 tī phue-lāi 怹後生有講 in hāu-sinn ū kóng 伊已經閣簽落去矣 i í-king koh tshiam--lo̍h-khì ah 這个兵 tsit ê ping 愛做一世人 ài tsò tsi̍t-sì-lâng 徛咧亭仔跤 khiā leh tîng-á-kha 看歐巴桑的人影 khuànn oo-bá-sáng ê lâng-iánn 慢慢行入 bān-bān kiânn-ji̍p 彼條無尾巷 hit tiâu bô-bué-hāng 我的目箍 guá ê ba̍k-khoo 也漸漸已經紅 iā tsiām-tsiām í-king âng ↑↑(口白)---(口白)↑↑ ------------------------------------------ →
阮厝邊彼个歐巴桑 有一工 提一張批 來央我唸予伊聽 批是怹囝 對軍中寄轉來的 內底是按呢寫： 阿母， 我也已經 平安來到這个部隊 自從入伍開始 經過這段日子 萬項代誌 也攏慣勢 請媽媽 千萬毋免傷悲 怹彼口灶的代誌 我捌聽 阮厝頭家講過 怹老爸 是一个老芋仔 落尾家己出來拍天下 粒積淡薄仔錢 娶怹老母 生兩个後生 怹兩个兄弟仔 十捅歲 就出去佮人𨑨迌 有一擺 角頭的挩注 怹小弟 煞去夆刣死 無偌久怹老爸 也因為操勞過多 佇咧病院內過身 聽咧講 彼暗的雨 落真大 伊佇怹老爸的眠床頭 跪一暝 想起著我 少年彼時 真正匪類 攏無聽你教示 定定惹你受氣 如今我會安份守己 希望你 心內會當安慰 關於將國語的批 按怎用臺語 來共翻出來 我有較頇顢 親像 摸魚打混勾心鬥角 這款詞 我實在毋知 欲按怎唸 較媠氣 伊批寫了真長 所以有一寡內容 我就無照字面唸出來 只是用我家己想的 浪子回頭的故事 落去解說 歐巴桑那聽 目睭那挼 閣央我 替伊回一張批 伊講： 阿囝仔喂， 你寄的批已經收著 我真歡喜 凡事著愛忍耐 也毋免煩惱厝內 阿母會曉照顧家己 你的身體 嘛愛特別注意 歐巴桑那講 那踮遐拭目屎 所以我有時間 將伊的意思 用較婉轉的字句 寫落來 突然間感覺 實在家己的學問 算來嘛是袂䆀 伊閣講： 聽候明年 你若退伍 轉來厝內 娶一个好家後 做一个小生理 我的責任 就攏完成 會使放心 綴恁老爸來去 批寫完 歐巴桑 一直共我說謝 叫我免共送 看著伊的眼神 充滿了希望 我的心情 煞愈來愈沉重 有一寡話 毋知欲按怎 共開喙 佇批內 怹後生有講 伊已經閣簽落去矣 這个兵 愛做一世人 徛咧亭仔跤 看歐巴桑的人影 慢慢行入 彼條無尾巷 我的目箍 也漸漸已經紅
gún tshù-pinn hit ê oo-bá-sáng ū-tsi̍t-kang the̍h tsi̍t-tiunn phue lâi iang guá liām hōo i thiann phue sī in kiánn uì kun-tiong kià--tńg-lâi ê lāi-té sī án-ne siá a-bú, guá iā í-king pîng-an lâi-kàu tsit ê pōo-tuī tsū-tsiông ji̍p-ngóo khai-sí king-kuè tsit tuānn ji̍t-tsí bān-hāng tāi-tsì iā lóng kuàn-sì tshiánn má-mah tshian-bān m̄-bián siong-pi in hit kháu-tsàu ê tāi-tsì guá bat thiann gún tshù-thâu-ke kóng--kuè in lāu-pē sī tsi̍t-ê lāu-ōo-á lo̍h-bué ka-kī tshut-lâi phah thian-hā lia̍p-tsik tām-po̍h-á tsînn tshuā in lāu-bú senn nn̄g-ê hāu-sinn in nn̄g-ê hiann-tī-á tsa̍p-thóng huè tō tshut-khì kah lâng tshit-thô ū tsi̍t-pái kak-thâu--ê thuah-tù in sió-tī suah khì hông thâi--sí bô-guā-kú in lāu-pē iā in-uī tshau-lô kuè-to tī-eh pīnn-īnn lāi kuè-sin thiann eh kóng hit-àm ê hōo lo̍h tsin tuā i tī in lāu-pē ê bîn-tshn̂g-thâu kuī tsi̍t-mê siūnn-khí tio̍h guá siàu-liân hit-sî tsin-tsiànn huí-luī lóng bô thiann lí kà-sī tiānn-tiānn jiá lí siūnn-khì jû-kim guá ē an-hūn siú-kí hi-bāng lí sim-lāi ē-tàng an-uì kuan-î tsiong kok-gí ê phue án-tsuánn iōng tâi-gí lâi kā huan--tshut-lâi guá ū khah hân-bān tshin-tshiūnn mōyúdǎhùn gōuxīndòujiǎo tsit khuán sû guá si̍t-tsāi m̄-tsai beh án-nuá liām khah suí-khuì i phue siá liáu tsin tn̂g sóo-í ū tsi̍t-kuá lāi-iông guá tiō bô tsiàu jī-bīn liām--tshut-lâi tsí-sī iōng guá ka-kī siūnn ê lōng-tsú huê-thâu ê kòo-sū lo̍h-khì kái-sueh oo-bá-sáng ná thiann ba̍k-tsiu ná juê koh iang guá thè i huê tsi̍t-tiunn phue i kóng: a-kiánn--á uê lí kià ê phue í-king siu--tio̍h guá tsin huann-hí huân-sū tio̍h-ài jím-nāi iā m̄-bián huân-ló tshù-lāi a-bú ē-hiáu tsiàu-kòo ka-kī lí ê sin-thé mā ài ti̍k-pia̍t tsù-ì oo-bá-sáng ná kóng ná tiàm-hia tshit ba̍k-sái sóo-í guá ū sî-kan tsiong i ê ì-sù iōng khah uán-tsuán ê jī-kù siá--lo̍h-lâi thu̍t-jiân-kan kám-kak si̍t-tsāi ka-kī ê ha̍k-būn sǹg--lâi mā sī bē-bái i koh kóng thìng-hāu mê-nî lí nā thuè-ngóo tńg-lâi tshù-lāi tshuā tsi̍t-ê hó ke-āu tsuè tsi̍t-ê sió-sing-lí guá ê tsik-jīm tiō lóng uân-sîng ē-sái hòng-sim tuè lín lāu-pē lâi-khì phue siá uân oo-bá-sáng it-ti̍t kā guá seh-siā kiò guá bián kā sàng khuànn-tio̍h i ê gán-sîn tshiong-buán liáu hi-bāng guá ê sim-tsîng suah jú lâi jú tîm-tāng ū tsi̍t-kuá uē m̄-tsai beh án-tsuánn kā khui-tshuì tī phue-lāi in hāu-sinn ū kóng i í-king koh tshiam--lo̍h-khì ah tsit ê ping ài tsò tsi̍t-sì-lâng khiā leh tîng-á-kha khuànn oo-bá-sáng ê lâng-iánn bān-bān kiânn-ji̍p hit tiâu bô-bué-hāng guá ê ba̍k-khoo iā tsiām-tsiām í-king âng