《風吹》Hong-tshue 林逸欣Lîm I̍t-him ------------------------- 細漢的時陣 sè-hàn ê sî-tsūn 你牽著我 lí khan-tio̍h guá 綴著你的跤步看風景 tuè tio̍h lí ê kha-pōo khuànn hong-kíng 看風吹佇天頂飛 khuànn hong-tshue tī thinn-tíng pue 魚仔佇水咧踅 hî-á tī tsuí leh se̍h 門口的葉仔風吹落地 mn̂g-kháu ê hio̍h-á hong--tshue lo̍h tē --- 細漢的時陣 sè-hàn ê sî-tsūn 我共你問 guá kā lí mn̄g 為啥物鳥仔飛佇天頂 uī-siánn-mih tsiáu-á pue tī thinn-tíng 你講因為伊咧追著伊的夢 lí kóng in-uī i teh tui tio̍h i ê bāng 嬰仔，有一工你嘛會飛 enn--á, ū tsi̍t-kang lí mā ē pue 鳥仔你欲飛去佗 tsiáu-á lí beh pue khì tuē 離開你的故鄉 lī-khui lí ê kòo-hiong 孤單佇天頂飛 koo-tuann tī thinn-tíng pue 我甘願做一隻風吹 guá kam-guān tsò tsi̍t-tsiah hong-tshue 風吹啊飛 hong-tshue--ah pue 風吹啊飛 hong-tshue--ah pue 牽著你的愛 khan-tio̍h lí ê ài 飛過阮的夢 pue kuè gún ê bāng 風吹啊飛 hong-tshue--ah pue 風吹啊飛 hong-tshue--ah pue 嬰仔無想欲離開 enn--á bô siūnn-beh lī-khui 請你永遠牽做伙 tshiánn lí íng-uán khan tsò-hué -------------------------------------------------- →
細漢的時陣 你牽著我 綴著你的跤步看風景 看風吹佇天頂飛 魚仔佇水咧踅 門口的葉仔風吹落地 細漢的時陣 我共你問 為啥物鳥仔飛佇天頂 你講因為伊咧追著伊的夢 嬰仔，有一工你嘛會飛 鳥仔你欲飛去佗 離開你的故鄉 孤單佇天頂飛 我甘願做一隻風吹 風吹啊飛 風吹啊飛 牽著你的愛 飛過阮的夢 風吹啊飛 風吹啊飛 嬰仔無想欲離開 請你永遠牽做伙
sè-hàn ê sî-tsūn lí khan-tio̍h guá tuè tio̍h lí ê kha-pōo khuànn hong-kíng khuànn hong-tshue tī thinn-tíng pue hî-á tī tsuí leh se̍h mn̂g-kháu ê hio̍h-á hong--tshue lo̍h tē sè-hàn ê sî-tsūn guá kā lí mn̄g uī-siánn-mih tsiáu-á pue tī thinn-tíng lí kóng in-uī i teh tui tio̍h i ê bāng enn--á, ū tsi̍t-kang lí mā ē pue tsiáu-á lí beh pue khì tuē lī-khui lí ê kòo-hiong koo-tuann tī thinn-tíng pue guá kam-guān tsò tsi̍t-tsiah hong-tshue hong-tshue--ah pue hong-tshue--ah pue khan-tio̍h lí ê ài pue kuè gún ê bāng hong-tshue--ah pue hong-tshue--ah pue enn--á bô siūnn-beh lī-khui tshiánn lí íng-uán khan tsò-hué