《流浪理髮師》Liû-lōng Lí-huat-sai郭大誠 Kueh Tāi-sîng------------------------------------------我是流浪天涯 / guá sī liû-lōng thian-gâi一个理髮師 / tsi̍t-ê lí-huat-sai刀光劍影風火燈 / to-kong kiàm-iánn hong-hué-ting工夫算袂䆀 / kang-hu sǹg buē-bái無論三教九流 / bô-lūn sam-kàu-kiú-liû五湖四海 / ngóo-ôo sù-hái人人拄著我 / lâng-lâng tú-tio̍h guá就是笑咍咍 / tiō-sī tshiò-hai-hai剃頭鬃 / thì-thâu-tsang修目眉 / siu ba̍k-bâi洗頭吹風 / sé-thâu tshue-hong逐項來 / ta̍k-hāng lâi你若予我理髮了後 / lí nā hōo guá lí-huat liáu-āu包恁看著真可愛 / pau lín khuànn tio̍h tsin khó-ài↓↓(口白)---(口白)---(口白)↓↓來來來 / lâi, lâi, lâi我是轟動武林 / guá sī hong-tōng bú-lîm驚動萬教 / kiann-tōng bān-kàu流浪天涯的理髮師 / liû-lōng thian-gâi ê lí-huat-sai我的手藝袂䆀 / guá ê tshiú-gē buē-bái毋信請恁來試看覓m̄-sìn, tshiánn lín lâi tshì-khuànn-māi無論是講剃頭 / bô-lūn sī kóng thì-thâu吹風修面逐項來 / tshue-hong, siu-bīn, ta̍k-hāng--lâi頂一日仔 / tíng tsi̍t-ji̍t-á拄著一个翕鱉(hippie)的少年 / tú-tio̍h tsi̍t-ê hip-pih ê siàu-liân真狡怪 / tsin káu-kuài頭鬃留甲到下頦 / thâu-tsang lâu kah kàu ē-hâi喙鬚留甲到肚臍 / tshuì-tshiu lâu kah kàu tōo-tsâi去予警察伯仔 / khì hōo kíng-tshat-peh--á共捎對我遮來 / kā sa tuì guá tsia lâi我頭鬃捎落來 / guá thâu-tsang sa--lo̍h-lâi就共伊對半裁 / tiō kā-i tuì-puànn tshâi這个少年的 / tsit-ê siàu-liân--ê按呢咬牙切齒真憤慨án-ne kā-gê tshiat-khí tsin hùn-khài氣我氣甲入骨內 / khì guá khì kah ji̍p kut-lāi閣激甲彼號雷公喙 / koh kik kah hit-lō luî-kong-tshuì佮奸臣仔眉 / kah kan-sîn-á bâi我就按呢 / guá tsū-án-ne共伊的雷公喙 / kā-i ê luî-kong-tshuì勻勻仔撨 / ûn-ûn-á tshiâu撨甲變做菱角喙 / tshiâu kah piàn-tsò lîng-kak-tshuì啊奸臣仔眉 / ah kan-sîn-á bâi勻勻仔共伊修 / ûn-ûn-á kā-i siu修甲變做小生仔眉 / siu kah piàn-tsò sió-sing-á bâi紲落 / suà--lo̍h頭鬃一枝一枝 / thâu-tsang tsi̍t-ki tsi̍t-ki勻勻仔共排啊 / ûn-ûn-á kā pâi--ah排甲整整齊齊 / pâi kah tsíng-tsíng-tsê-tsê抾甲真可愛 / khioh kah tsin khó-ài看起來閣一表人才 / khuànn--khí-lâi koh it-piáu jîn-tsâi伊按呢歡喜一下 / i án-ne huann-hí tsi̍t-ē煞招我欲結拜 / suah tsio guá beh kiat-pài閣叫我著予伊做妹婿喔 / koh kiò guá to̍h hōo i tsò muē-sài--ooh可見我的工夫真厲害 / khó-kiàn guá ê kang-hu tsin lī-hāi朋友啊 / pîng-iú--ah若有彼號歹看面的 / nā ū hit-lō pháinn-khuànn-bīn--ê做你共伊報來 / tsò lí kā-i pò--lâi我會剪甲 / guá ē tsián kah予伊真爽快啦 / hōo i tsin sóng-khuài--lah↑↑(口白)---(口白)---(口白)↑↑我是流浪天涯 / guá sī liû-lōng thian-gâi一个理髮師 / tsi̍t-ê lí-huat-sai今日走東 / kim-ji̍t tsáu tang明日西 / bîng-ji̍t sai趣味啥人知 / tshù-bī siánn-lâng tsai無論東西南北 / bô-lūn tang-sai-lâm-pak海角天涯 / hái-kak thian-gâi到處攏是我 / tò-tshù lóng-sī guá流浪的所在 / liû-lōng ê sóo-tsāi剃頭鬃 / thì-thâu-tsang修目眉 / siu ba̍k-bâi洗頭吹風 / sé-thâu tshue-hong逐項來 / ta̍k-hāng lâi你的頭毛若閣再長 / lí ê thâu-moo nā koh-tsài tn̂g我會閣再對遮來 / guá ē koh-tsài tuì tsia lâi------------------------------------------→
毋信請恁來試看覓按呢咬牙切齒真憤慨
m̄-sìn tshiánn lín lâi tshì-khuànn-māián-ne kā-gê tshiat-khí tsin hùn-khài