《豬母肉》Ti-bó-bah郭大誠 Kueh Tāi-sîng------------------------------------------鴨肉啦雞肉啦 / ah-bah--lah ke-bah--lah豬肉啦沙茶牛肉 / ti-bah--lah sa-te-gû-bah貓仔肉鳥仔肉 / niau-á-bah tsiáu-á-bah豬哥肉豬母肉 / ti-ko-bah ti-bú-bah我攏總買啦 / guá lóng-tsóng bé--lah只要是肉類的 / tsí-iàu sī bah-luī--ê我今仔日攏總買啦 / guá kia̋nn-ji̍t lóng-tsóng bé--lah買買買 / mái, mái, mái羊仔肉 / iûnn-á-bah買買買 / mái, mái, mái豬母肉 / ti-bú-bah市場內踅來又踅去 / tshī-tiûnn-lāi se̍h lâi iū se̍h khì只要是肉類的 / tsí-iàu sī bah-luī--ê我今仔日攏總買啦 / guá kia̋nn-ji̍t lóng-tsóng bé--lah↓↓(口白)---(口白)---(口白)↓↓看看看 / khuànn, khuànn, khuànn菜市仔內 / tshài-tshī-á-lāi通人攏掠我一直看 / thong-lâng lóng lia̍h guá it-ti̍t khuànn看我因何哪會流凊汗 / khuànn guá in-hô ná ē lâu-tshìn-kuānn菜市仔內踅十外逝 / tshài-tshī-á lāi se̍h tsa̍p-guā tsuā見相都咧相肉攤 / kiàn siòng to leh siòng bah-thuann啊都因為舊年 / ah to in-uī kū-nî阮某𪜶大官 / guán bóo in ta-kuann講我歲頭已經二十外 / kóng guá huè-thâu í-king jī-tsa̍p guā叫我著緊娶 / kiò guá tio̍h kín tshuā我毋才凊凊彩彩 / guá m̄-tsiah tshìn-tshìn-tshái-tshái娶一个目睭大大喙闊闊 / tshuā tsi̍t-ê ba̍k-tsiu tuā-tuā tshuì khuah-khuah愛食肉的查某倌來做伴 / ài tsia̍h bah ê tsa-bóo-kuann lâi tsò-phuānn娶入門 / tshuā ji̍p-mn̂g伊腹肚一日一日大 / i pak-tóo tsi̍t-ji̍t tsi̍t-ji̍t tuā到頂個月仔 / kàu tíng-kò-gue̍h-á才共我生一个彼號洋娃娃 / tsiah kā guá senn tsi̍t-ê hit-lō yángwáwa到今也已經晬月外 / kàu-tann iā í-king tsè--gue̍h guā洗衫煮飯買菜 / sé-sann tsú-pn̄g bé-tshài猶原放予我 / iu-guân pàng hōo guá早起六點半 / tsái-khí la̍k-tiám puànn又閣命令我 / iū-koh bīng-līng guá手捾菜籃來買肉 / tshiú kuānn tshài-nâ lâi bé bah講叫我著愛買鴨肉 / kóng kiò guá to̍h-ài bé ah-bah雞肉豬肉沙茶牛肉 / ke-bah ti-bah sa-te-gû-bah鳥仔肉貓仔肉 / tsiáu-á-bah niau-á-bah嗯 啥物豬哥豬母肉 / ngh... siánn-mih ti-ko ti-bú-bah只要肉類的攏愛食就著 / tsí-iàu bah-luī--ê, lóng ài-tsia̍h tō tio̍h你看 / lí khuànn恁共我看 / lín kā guá khuànn伊胃口有大抑無大 / i uī-kháu ū tuā ia̍h bô tuā丈姆婆仔喂 / tiūnn-ḿ-pô--á--uê我一個月才趁兩千外 / guá tsi̍t-kò-gue̍h tsiah thàn nn̄g-tshing-guā恁查某囝對肉遐興 / lín tsa-bóo-kiánn tuì bah hiah hìng我欲按怎 / guá beh án-tsuánn好!人講豬母肉韌脯脯 / hó! lâng-kóng ti-bú-bah jūn-póo-póo我決心 / guá kuat-sim將我所有的兩千外箍 / tsiong guá sóo-ū ê nn̄g-tshing-guā khoo全部買豬母肉 / tsuân-pōo bé ti-bú-bah予你沓沓仔哺 / hōo-lí ta̍uh-ta̍uh-á pōo看你對肉類的偌有路 / khuànn lí tuì bah-luī--ê guā ū-lōo你哺了喙齒若歪去 / lí pōo liáu tshuì-khí nā uai khì你就知艱苦 / lí tiō tsai kan-khóo↑↑(口白)---(口白)---(口白)↑↑買買買 / mái, mái, mái羊仔肉 / iûnn-á-bah買買買 / mái, mái, mái豬母肉 / ti-bú-bah市場內踅來又踅去 / tshī-tiûnn-lāi se̍h lâi iū se̍h khì只要是肉類的 / tsí-iàu sī bah-luī--ê我今仔日攏總買啦 / guá kia̋nn-ji̍t lóng-tsóng bé--lah只要是肉類的 / tsí-iàu sī bah-luī--ê我今仔日攏總欲買 / guá kia̋nn-ji̍t lóng-tsóng beh bé------------------------------------------→
鴨肉啦雞肉啦豬肉啦沙茶牛肉貓仔肉鳥仔肉豬哥肉豬母肉我攏總買啦只要是肉類的我今仔日攏總買啦買買買羊仔肉買買買豬母肉市場內踅來又踅去只要是肉類的我今仔日攏總買啦看看看菜市仔內通人攏掠我一直看看我因何哪會流凊汗菜市仔內踅十外逝見相都咧相肉攤啊都因為舊年阮某𪜶大官講我歲頭已經二十外叫我著緊娶我毋才凊凊彩彩娶一个目睭大大喙闊闊愛食肉的查某倌來做伴娶入門伊腹肚一日一日大到頂個月仔才共我生一个彼號洋娃娃到今也已經晬月外洗衫煮飯買菜猶原放予我早起六點半又閣命令我手捾菜籃來買肉講叫我著愛買鴨肉雞肉豬肉沙茶牛肉鳥仔肉貓仔肉嗯 啥物豬哥豬母肉只要肉類的攏愛食就著你看恁共我看伊胃口有大抑無大丈姆婆仔喂我一個月才趁兩千外恁查某囝對肉遐興我欲按怎好!人講豬母肉韌脯脯我決心將我所有的兩千外箍全部買豬母肉予你沓沓仔哺看你對肉類的偌有路你哺了喙齒若歪去你就知艱苦買買買羊仔肉買買買豬母肉市場內踅來又踅去只要是肉類的我今仔日攏總買啦只要是肉類的我今仔日攏總欲買
ah-bah--lah ke-bah--lahti-bah--lah sa-te-gû-bahniau-á-bah tsiáu-á-bahti-ko-bah ti-bú-bahguá lóng-tsóng bé--lahtsí-iàu sī bah-luī--êguá kia̋nn-ji̍t lóng-tsóng bé--lahmái mái máiiûnn-á-bahmái mái máiti-bú-bahtshī-tiûnn-lāi se̍h lâi iū se̍h khìtsí-iàu sī bah-luī--êguá kia̋nn-ji̍t lóng-tsóng bé--lahkhuànn khuànn khuànntshài-tshī-á-lāithong-lâng lóng lia̍h guá it-ti̍t khuànnkhuànn guá in-hô ná ē lâu-tshìn-kuānntshài-tshī-á lāi se̍h tsa̍p-guā tsuākiàn siòng to leh siòng bah-thuannah to in-uī kū-nîguán bóo in ta-kuannkóng guá huè-thâu í-king jī-tsa̍p guākiò guá tio̍h kín tshuāguá m̄-tsiah tshìn-tshìn-tshái-tsháitshuā tsi̍t-ê ba̍k-tsiu tuā-tuā tshuì khuah-khuahài tsia̍h bah ê tsa-bóo-kuann lâi tsò-phuānntshuā ji̍p-mn̂gi pak-tóo tsi̍t-ji̍t tsi̍t-ji̍t tuākàu tíng-kò-gue̍h-átsiah kā guá senn tsi̍t-ê hit-lō yángwáwakàu-tann iā í-king tsè--gue̍h guāsé-sann tsú-pn̄g bé-tshàiiu-guân pàng hōo guátsái-khí la̍k-tiám puànniū-koh bīng-līng guátshiú kuānn tshài-nâ lâi bé bahkóng kiò guá to̍h-ài bé ah-bahke-bah ti-bah sa-te-gû-bahtsiáu-á-bah niau-á-bahngh siánn-mih ti-ko ti-bú-bahtsí-iàu bah-luī--ê lóng ài-tsia̍h tō tio̍hlí khuànnlín kā guá khuànni uī-kháu ū tuā ia̍h bô tuātiūnn-ḿ-pô--á--uêguá tsi̍t-kò-gue̍h tsiah thàn nn̄g-tshing-guālín tsa-bóo-kiánn tuì bah hiah hìngguá beh án-tsuánnhó lâng-kóng ti-bú-bah jūn-póo-póoguá kuat-simtsiong guá sóo-ū ê nn̄g-tshing-guā khootsuân-pōo bé ti-bú-bahhōo-lí ta̍uh-ta̍uh-á pōokhuànn lí tuì bah-luī--ê guā ū-lōolí pōo liáu tshuì-khí nā uai khìlí tiō tsai kan-khóomái mái máiiûnn-á-bahmái mái máiti-bú-bahtshī-tiûnn-lāi se̍h lâi iū se̍h khìtsí-iàu sī bah-luī--êguá kia̋nn-ji̍t lóng-tsóng bé--lahtsí-iàu sī bah-luī--êguá kia̋nn-ji̍t lóng-tsóng beh bé