《媒人的話》Muâi-lâng ê Uē 郭大誠 Kueh Tāi-sîng ------------------------------------------ 實在有影罪過重 / si̍t-tsāi ū-iánn tsuē-kuà tāng 歹命予人選做翁 / pháinn-miā hōo-lâng suán tsuè ang 堂堂一个男子漢 / tông-tông tsi̍t-ê lâm-tsú-hàn 娶著一个大醋桶 / tshuā-tio̍h tsi̍t-ê tuā tshòo-tháng 行動自由受制限 / hîng-tōng tsū-iû siū tsè-hān 拖磨幾若冬 / thua-buâ kuí-lō tang 心茫茫袂輕鬆 / sim bâng-bâng buē khin-sang 媒人的話害死人 / muâi-lâng ê uē hāi-sí lâng ↓↓(口白)---(口白)---(口白)↓↓ 唉 實在真怨嘆 / haih! si̍t-tsāi tsin uàn-thàn 彼當時 / hit-tang-sî 媒人𤆬阮去看屋桑(奧さん) / muâi-lâng tshuā gún khì khuànn ok-sàng 我只干焦貪 / guá tsí kan-na tham 新娘仔媠噹噹 / sin-niû-á suí-tang-tang 娶來才知 / tshuā--lâi tsiah tsai 伊是一个大醋桶 / i sī tsi̍t-ê tuā tshòo-tháng 咱若講西伊講東 / lán nā kóng sai, i kóng tang 定定嘛挐氅氅 / tiānn-tiānn mā jû-tsháng-tsháng 一擺我應酬拖過暗 / tsi̍t-pái guá ìng-siû thua kuè àm 轉來目睭降 / tńg-lâi ba̍k-tsiu kàng 蹔跤親像大地動 / tsàm-kha tshin-tshiūnn tuā tē-tāng 哭聲親像水牛公 / khàu-siann tshin-tshiūnn tsuí-gû-kang 咱叫伊毋通哭 / lán kiò i m̄-thang khàu 伊煞悽慘仔吼 / i suah tshi-tshám-á háu 叫伊毋通吼啊 / kiò i m̄-thang háu--ah 伊煞四界走 / i suah sì-kuè tsáu 叫伊毋通走 / kiò i m̄-thang tsáu 伊煞四界投 / i suah sì-kuè tâu 叫伊毋通投啊 / kiò i m̄-thang tâu--ah 伊煞張講欲吊脰 / i suah tiunn kóng beh tiàu-tāu 叫伊毋通吊 / kiò i m̄-thang tiàu 伊煞喙仔激翹翹 / i suah tshuì-á kik khiàu-khiàu 叫伊毋通翹 / kiò i m̄-thang khiàu 伊煞罵我袂見笑 / i suah mā guá buē-kiàn-siàu 害我愈想愈袂曉 / hāi guá jú siūnn jú buē-hiáu 朋友啊 / pîng-iú--ah 媠某是人人愛 / suí-bóo sī lâng-lâng ài 拄著這款大醋桶 / tú-tio̍h tsit-khuán tuā tshòo-tháng 你就大悲哀 / lí tiō tuā pi-ai ↑↑(口白)---(口白)---(口白)↑↑ 媒人𤆬阮看屋桑(奧さん) / muâi-lâng--ê tshuā gún khuànn ok-sàng 只有貪伊媠噹噹 / tsí-ū tham i suí-tang-tang 今日反悔有較慢 / kim-ji̍t huán-hué ū khah bān 娶著一个大醋桶 / tshuā-tio̍h tsi̍t-ê tuā tshòo-tháng 出門毋敢拖過暗 / tshut-mn̂g m̄-kánn thua kuè àm 若無阮會慘 / nā-bô gún ē tshám 入門就目睭降 / ji̍p-mn̂g tiō ba̍k-tsiu kàng 蹔跤親像大地動 / tsàm-kha tshin-tshiūnn tuā tē-tāng ------------------------------------------ →
《媒人的話》Muâi-lâng ê Uē 郭大誠 Kueh Tāi-sîng 實在有影罪過重 / si̍t-tsāi ū-iánn tsuē-kuà tāng 歹命予人選做翁 / pháinn-miā hōo-lâng suán tsuè ang 堂堂一个男子漢 / tông-tông tsi̍t-ê lâm-tsú-hàn 娶著一个大醋桶 / tshuā-tio̍h tsi̍t-ê tuā tshòo-tháng 行動自由受制限 / hîng-tōng tsū-iû siū tsè-hān 拖磨幾若冬 / thua-buâ kuí-lō tang 心茫茫袂輕鬆 / sim bâng-bâng buē khin-sang 媒人的話害死人 / muâi-lâng ê uē hāi-sí lâng ↓↓(口白)---(口白)---(口白)↓↓ 唉 實在真怨嘆 / haih! si̍t-tsāi tsin uàn-thàn 彼當時 / hit-tang-sî 媒人𤆬阮去看屋桑(奧さん) / muâi-lâng tshuā gún khì khuànn ok-sàng 我只干焦貪 / guá tsí kan-na tham 新娘仔媠噹噹 / sin-niû-á suí-tang-tang 娶來才知 / tshuā--lâi tsiah tsai 伊是一个大醋桶 / i sī tsi̍t-ê tuā tshòo-tháng 咱若講西伊講東 / lán nā kóng sai, i kóng tang 定定嘛挐氅氅 / tiānn-tiānn mā jû-tsháng-tsháng 一擺我應酬拖過暗 / tsi̍t-pái guá ìng-siû thua kuè àm 轉來目睭降 / tńg-lâi ba̍k-tsiu kàng 蹔跤親像大地動 / tsàm-kha tshin-tshiūnn tuā tē-tāng 哭聲親像水牛公 / khàu-siann tshin-tshiūnn tsuí-gû-kang 咱叫伊毋通哭 / lán kiò i m̄-thang khàu 伊煞悽慘仔吼 / i suah tshi-tshám-á háu 叫伊毋通吼啊 / kiò i m̄-thang háu--ah 伊煞四界走 / i suah sì-kuè tsáu 叫伊毋通走 / kiò i m̄-thang tsáu 伊煞四界投 / i suah sì-kuè tâu 叫伊毋通投啊 / kiò i m̄-thang tâu--ah 伊煞張講欲吊脰 / i suah tiunn kóng beh tiàu-tāu 叫伊毋通吊 / kiò i m̄-thang tiàu 伊煞喙仔激翹翹 / i suah tshuì-á kik khiàu-khiàu 叫伊毋通翹 / kiò i m̄-thang khiàu 伊煞罵我袂見笑 / i suah mā guá buē-kiàn-siàu 害我愈想愈袂曉 / hāi guá jú siūnn jú buē-hiáu 朋友啊 / pîng-iú--ah 媠某是人人愛 / suí-bóo sī lâng-lâng ài 拄著這款大醋桶 / tú-tio̍h tsit-khuán tuā tshòo-tháng 你就大悲哀 / lí tiō tuā pi-ai ↑↑(口白)---(口白)---(口白)↑↑ 媒人𤆬阮看屋桑(奧さん) / muâi-lâng--ê tshuā gún khuànn ok-sàng 只有貪伊媠噹噹 / tsí-ū tham i suí-tang-tang 今日反悔有較慢 / kim-ji̍t huán-hué ū khah bān 娶著一个大醋桶 / tshuā-tio̍h tsi̍t-ê tuā tshòo-tháng 出門毋敢拖過暗 / tshut-mn̂g m̄-kánn thua kuè àm 若無阮會慘 / nā-bô gún ē tshám 入門就目睭降 / ji̍p-mn̂g tiō ba̍k-tsiu kàng 蹔跤親像大地動 / tsàm-kha tshin-tshiūnn tuā tē-tāng
（無）