14857/《尪仔標的世界》Ang-á-phiau ê Sè-kàiBaboo樂團------------------------------------------我做囡仔的時陣guá tsò gín-á ê sî-tsūn毋知啥物叫做無伴m̄-tsai siánn-mih kiò-tsò bô-phuānn功課那咧寫kong-khò ná leh siá外口就那咧喝guā-kháu tō ná leh huah↓---(口白)---↓喂~出來喔uê~ tshut--lâi ooh搧尪仔標喔siàn ang-á-phiau--ooh↑---(口白)---↑彼箍死囡仔阿文hit khoo sí-gín-á A-bûn上大聲siōng tuā-siann逐擺害我ta̍k-pái hāi guá去予阮母仔罵khì hōo gún bú--á mā毋過愈罵m̄-koh jú mā心肝煞愈擽sim-kuann suah jú ngiau功課連一半kong-khò liân tsi̍t-puànn都寫無了to siá bô-liáu尪仔標捎咧ang-á-phiau sa--leh就無看著影tō bô khuànn-eh iánn攏毋驚到時陣lóng m̄-kiann kàu-sî-tsūn會食兩頓拍ē tsia̍h nn̄g-tǹg phah暗頓食媽媽àm-tǹg tsia̍h má-mah早頓老師請tsá-tǹg lāu-su tshiánn橫直手曷袂膨疱huînn-ti̍t tshiú a̍h buē phòng-phā尪仔標一定愛搧贏ang-á-phiau it-tīng ài siàn iânn義美的鐵餅盒仔內底Gī-bí ê thih piánn-a̍p-á lāi-té圓圓的尪仔標înn-înn ê ang-á-phiau一緟一緟tsi̍t-thōng-tsi̍t-thōng有新有舊ū sin ū kū有贏來ū iânn--lâi有買來ū bé--lâi攏總嘛有幾若百張lóng-tsóng mā ū kuí-lō pah tiunn我無別項會使guá bô pa̍t-hāng ē-sái搧尪仔標上厲害siàn ang-á-phiau siōng lī-hāi我無別項會使guá bô pa̍t-hāng ē-sái尪仔標是我的世界ang-á-phiau sī guá ê sè-kài尪仔標予媽媽燒了了ang-á-phiau hōo má-mah sio liáu-liáu我開始了解guá khai-sí liáu-kái啥物叫做無情sánn-mih kiò-tsuè bô-tsîng尪仔標咧著火ang-á-phiau leh to̍h-hué我心內的火咧著guá sim-lāi ê hué leh to̍h唉~查某人心肝真雄haih~ tsa̋u-lâng sim-kuann tsin hiông阿文𤆬頭的A-bûn tshuā-thâu ê彼陣猴囡仔hit-tīn kâu-gín-á自彼擺就毋捌tsū hit-pái tō m̄-bat來招我𨑨迌lâi tsio guá thit-thô害我讀冊hāi guá tha̍k-tsheh愈讀愈無心情jú tha̍k jú bô-sim-tsiânn功課規氣煞攏無寫kong-khò kui-khì suah lóng bô siá鉛筆攑咧喙內iân-pit gia̍h leh tshuì--eh烏白咬oo-pe̍h kā對人生tuì jîn-sing我開始感覺無聊guá khai-sí kám-kak bô-liâu三頓照常食sann-tǹg tsiàu-siông tsia̍h拍罵攏毋驚phah-mā lóng m̄-kiann等我後擺大漢tán guá āu-pái tuā-hàn尪仔標一定愛趁飽飽ang-á-phiau it-tīng ài thàn pá-pá銀行的屜仔內底gîn-hâng ê thuah-á lāi-té四四角角的尪仔標sì-sì-kak-kak ê ang-á-phiau一疊一疊tsi̍t-tha̍h-tsi̍t-tha̍h有新有舊ū sin ū kū大筆小筆tuā-pit sió-pit一工嘛有幾若百萬tsi̍t-kang mā ū kuí-lō pah-bān我無別項會使guá bô pa̍t-hāng ē-sái算尪仔標上厲害sǹg ang-á-phiau siōng lī-hāi我無別項會使guá bô pa̍t-hāng ē-sái我活佇尪仔標的世界guá ua̍h tī ang-á-phiau ê sè-kài我活佇尪仔標的世界guá ua̍h tī ang-á-phiau ê sè-kài尪仔標是我的世界ang-á-phiau sī guá ê sè-kài尪仔標是我的世界ang-á-phiau sī guá ê sè-kài尪仔標是我的世界ang-á-phiau sī guá ê sè-kài------------------------------------------→
我做囡仔的時陣毋知啥物叫做無伴功課那咧寫外口就那咧喝喂~出來喔搧尪仔標喔彼箍死囡仔阿文上大聲逐擺害我去予阮母仔罵毋過愈罵心肝煞愈擽功課連一半都寫無了尪仔標捎咧就無看著影攏毋驚到時陣會食兩頓拍暗頓食媽媽早頓老師請橫直手曷袂膨疱尪仔標一定愛搧贏義美的鐵餅盒仔內底圓圓的尪仔標一緟一緟有新有舊有贏來有買來攏總嘛有幾若百張我無別項會使搧尪仔標上厲害我無別項會使尪仔標是我的世界尪仔標予媽媽燒了了我開始了解啥物叫做無情尪仔標咧著火我心內的火咧著唉~查某人心肝真雄阿文𤆬頭的彼陣猴囡仔自彼擺就毋捌來招我𨑨迌害我讀冊愈讀愈無心情功課規氣煞攏無寫鉛筆攑咧喙內烏白咬對人生我開始感覺無聊三頓照常食拍罵攏毋驚等我後擺大漢尪仔標一定愛趁飽飽銀行的屜仔內底四四角角的尪仔標一疊一疊有新有舊大筆小筆一工嘛有幾若百萬我無別項會使算尪仔標上厲害我無別項會使我活佇尪仔標的世界我活佇尪仔標的世界尪仔標是我的世界尪仔標是我的世界尪仔標是我的世界
guá tsò gín-á ê sî-tsūnm̄-tsai siánn-mih kiò-tsò bô-phuānnkong-khò ná leh siáguā-kháu tō ná leh huahuê tshut--lâi oohsiàn ang-á-phiau--oohhit khoo sí-gín-á A-bûnsiōng tuā-siannta̍k-pái hāi guákhì hōo gún bú--á mām̄-koh jú māsim-kuann suah jú ngiaukong-khò liân tsi̍t-puànnto siá bô-liáuang-á-phiau sa--lehtō bô khuànn-eh iánnlóng m̄-kiann kàu-sî-tsūnē tsia̍h nn̄g-tǹg phahàm-tǹg tsia̍h má-mahtsá-tǹg lāu-su tshiánnhuînn-ti̍t tshiú a̍h buē phòng-phāang-á-phiau it-tīng ài siàn iânnGī-bí ê thih piánn-a̍p-á lāi-téînn-înn ê ang-á-phiautsi̍t-thōng-tsi̍t-thōngū sin ū kūū iânn--lâiū bé--lâilóng-tsóng mā ū kuí-lō pah tiunnguá bô pa̍t-hāng ē-sáisiàn ang-á-phiau siōng lī-hāiguá bô pa̍t-hāng ē-sáiang-á-phiau sī guá ê sè-kàiang-á-phiau hōo má-mah sio liáu-liáuguá khai-sí liáu-káisánn-mih kiò-tsuè bô-tsîngang-á-phiau leh to̍h-huéguá sim-lāi ê hué leh to̍hhaih tsa̋u-lâng sim-kuann tsin hiôngA-bûn tshuā-thâu êhit-tīn kâu-gín-átsū hit-pái tō m̄-batlâi tsio guá thit-thôhāi guá tha̍k-tshehjú tha̍k jú bô-sim-tsiânnkong-khò kui-khì suah lóng bô siáiân-pit gia̍h leh tshuì--ehoo-pe̍h kātuì jîn-singguá khai-sí kám-kak bô-liâusann-tǹg tsiàu-siông tsia̍hphah-mā lóng m̄-kianntán guá āu-pái tuā-hànang-á-phiau it-tīng ài thàn pá-págîn-hâng ê thuah-á lāi-tésì-sì-kak-kak ê ang-á-phiautsi̍t-tha̍h-tsi̍t-tha̍hū sin ū kūtuā-pit sió-pittsi̍t-kang mā ū kuí-lō pah-bānguá bô pa̍t-hāng ē-sáisǹg ang-á-phiau siōng lī-hāiguá bô pa̍t-hāng ē-sáiguá ua̍h tī ang-á-phiau ê sè-kàiguá ua̍h tī ang-á-phiau ê sè-kàiang-á-phiau sī guá ê sè-kàiang-á-phiau sī guá ê sè-kàiang-á-phiau sī guá ê sè-kài