14815/《港邊斷情絲》Káng-pinn Tn̄g Tsîng-si 洪第七Âng Tē-tshit ------------------------------------------ ↓---(口白)---↓ 心愛的 sim-ài--ê 你一定愛了解我 lí it-tīng ài liáu-kái guá 我現在心情 guá hiān-tsāi sim-tsîng 是何等的痛苦 sī hô-tíng ê thòng-khóo 相信你 siong-sìn lí 也會明白才著 iā ē bîng-pi̍k tsiah tio̍h 但是我已經決心啦 tān-sī guá í-king kuat-sim--lah 為了使你將來幸福 uī-liáu sú lí tsiong-lâi hīng-hok 我只有離開 guá tsí-ū lī-khui 我無來去 guá bô lâi-khì 是袂用得 sī buē-īng--eh 你愛原諒我 lí ài guân-liōng guá 你愛相信我 lí ài siong-sìn guá 我並毋是咧欺騙你 guá pīng m̄-sī teh khi-phiàn lí 毋是討厭你 m̄-sī thó-ià lí 才欲佮你離開的啦 tsiah beh kah lí lī-khui--ê lah 啊！為情為愛 ah! uī tsîng uī ài 賭著性命 tóo tio̍h sìnn-miā 咧愛你的我 teh ài lí ê guá 我現在是無辦法 guá hiān-tsāi sī bô-pān-huat 通予你幸福過日的啦 thang hōo-lí hīng-hok kè-ji̍t--ê lah ↑---(口白)---↑ 海面的夜霧 hái-bīn ê iā-bū 罩四邊 tà sì-pinn 雙人行港墘 siang-lâng kiânn káng-kînn 我毋是無情的男兒 guá m̄-sī bô-tsîng ê lâm-jî 環境來所致 huân-kíng lâi sóo-tì 你我來相見 lí guá lâi sio-kìnn 為何在這時 uī-hô tsāi tsit-sî 忍耐著酸苦味 jím-nāi tio̍h sng-khóo bī 心內苦無比 sim-lāi khóo bô-pí 為著你好將來 uī-tio̍h lí hó tsiong-lâi 看破斷情絲 khuànn-phuà tuān tsîng-si ↓---(口白)---↓ 心愛的 sim-ài--ê 毋好閣吼 m̄-hó koh háu 來 lâi 目屎拭起來 ba̍k-sái tshit--khí-lâi 喔!你的手遮爾冷 ooh! lí ê tshiú tsiah-nī líng 若寒著 nā kuânn--tio̍h 欲按怎 beh án-tsuánn 來 lâi 徛較倚來咧 khiā khah uá--lâi leh ↑---(口白)---↑ 海面的夜風 hái-bīn ê iā-hong 冷吱吱 líng-ki-ki 引我感傷悲 ín guá kám siong-pi 我賭著性命 guá tóo tio̍h sìnn-miā 咧愛你 teh ài lí 今夜斷情絲 kim-iā tuān tsîng-si 總是愛分離 tsóng--sī ài hun-lî 何必想當時 hô-pit siūnn tong-sî 雖然你毋願意 sui-jiân lí m̄ guān-ì 也是不得已 iā-sī put-tik-í 心愛的 sim-ài--ê 後出世 āu-tshut-sì 有緣再相見 ū-iân tsài sio-kìnn ------------------------------------------ →
心愛的 你一定愛了解我 我現在心情 是何等的痛苦 相信你 也會明白才著 但是我已經決心啦 為了使你將來幸福 我只有離開 我無來去 是袂用得 你愛原諒我 你愛相信我 我並毋是咧欺騙你 毋是討厭你 才欲佮你離開的啦 啊！為情為愛 賭著性命 咧愛你的我 我現在是無辦法 通予你幸福過日的啦 海面的夜霧 罩四邊 雙人行港墘 我毋是無情的男兒 環境來所致 你我來相見 為何在這時 忍耐著酸苦味 心內苦無比 為著你好將來 看破斷情絲 心愛的 毋好閣吼 目屎拭起來 喔!你的手遮爾冷 若寒著 欲按怎 徛較倚來咧 海面的夜風 冷吱吱 引我感傷悲 我賭著性命 咧愛你 今夜斷情絲 總是愛分離 何必想當時 雖然你毋願意 也是不得已 心愛的 後出世 有緣再相見
sim-ài--ê lí it-tīng ài liáu-kái guá guá hiān-tsāi sim-tsîng sī hô-tíng ê thòng-khóo siong-sìn lí iā ē bîng-pi̍k tsiah tio̍h tān-sī guá í-king kuat-sim--lah uī-liáu sú lí tsiong-lâi hīng-hok guá tsí-ū lī-khui guá bô lâi-khì sī buē-īng--eh lí ài guân-liōng guá lí ài siong-sìn guá guá pīng m̄-sī teh khi-phiàn lí m̄-sī thó-ià lí tsiah beh kah lí lī-khui--ê lah ah! uī tsîng uī ài tóo tio̍h sìnn-miā teh ài lí ê guá guá hiān-tsāi sī bô-pān-huat thang hōo-lí hīng-hok kè-ji̍t--ê lah hái-bīn ê iā-bū tà sì-pinn siang-lâng kiânn káng-kînn guá m̄-sī bô-tsîng ê lâm-jî huân-kíng lâi sóo-tì lí guá lâi sio-kìnn uī-hô tsāi tsit-sî jím-nāi tio̍h sng-khóo bī sim-lāi khóo bô-pí uī-tio̍h lí hó tsiong-lâi khuànn-phuà tuān tsîng-si sim-ài--ê m̄-hó koh háu ba̍k-sái tshit--khí-lâi ooh! lí ê tshiú tsiah-nī líng nā kuânn--tio̍h beh án-tsuánn khiā khah uá--lâi leh hái-bīn ê iā-hong líng-ki-ki ín guá kám siong-pi guá tóo tio̍h sìnn-miā teh ài lí kim-iā tuān tsîng-si tsóng--sī ài hun-lî hô-pit siūnn tong-sî sui-jiân lí m̄ guān-ì iā-sī put-tik-í sim-ài--ê āu-tshut-sì ū-iân tsài sio-kìnn