《𨑨迌人的目屎》Tshit-thô-lâng ê Ba̍k-sái (括口白) 阿吉仔A-kiat--á --------------------------------------------------- 烏暗的江湖生活 予人心驚惶 oo-àm ê kang-ôo sing-ua̍h, hōo-lâng sim kiann-hiânn 少年彼時 滿腹的熱情 漸漸會消失 siàu-liân hit-sî, muá-pak ê jia̍t-tsîng, tsiām-tsiām ē siau-sit 𨑨迌人的運命 永遠袂快活 tshit-thô-lâng ê ūn-miā, íng-uán buē khuìnn-ua̍h 目屎啊 目屎啊 為何流袂離 ba̍k-sái--ah, ba̍k-sái--ah, uī-hô lâu buē-lī 有路無厝 茫茫前程 暗淡過一生 ū-lōo bô-tshù, bông-bông tsiân-tîng, àm-tām kuè it-sing . -----(口白)↓ 喂，老大的，現實的社會，烏暗的人生，江湖的飯確實歹食； 拚地盤、賭性命、論英雄、講氣魄、冤冤相報、刀光劍影； 到落尾，到落尾也只有是三條路通好行啦 — 毋是來失去咱寶貴的性命； 抑若無，就是入去內籬仔食無錢飯，配彼號無鹹無汫的蕹菜湯； 或者是變成一个最可怕的殘廢者。 老大的，你過去為著阮遮的老細的， 佮人佇咧南征北戰，講代誌，挲圓仔湯，挨筊； 至今，至今老大的你拄著無情的刑事伯仔， 將你送去臺東岩灣，佇咧𢯾石頭啦 -----(口白)↑ . 無情的現實人生 予人心頭冷 bô-tsîng ê hiān-si̍t jîn-sing, hōo-lâng sim-thâu líng 江湖兄弟 刀槍來做路 賭命過日子 kang-ôo hiann-tī, to-tshiunn lâi tsuè lōo, tóo-miā kuè ji̍t-tsí 論氣魄來賭英雄 冤冤來相報 lūn khì-phik lâi tóo ing-hiông, uan-uan lâi siong-pò 目屎啊 目屎啊 罪惡洗袂清 ba̍k-sái--ah, ba̍k-sái--ah, tsuē-ok sué buē tshing 改頭換面 重新做人 好好過一生 kái-thâu uānn-bīn, tiông-sin tsuè-lâng, hó-hó kuè it-sing . -----(口白)↓ 自從老大的你入去內籬仔秋凊的了後， 我四處予人欺負，變成一个無路用的術仔囡仔； 到這个時陣我才來覺悟，無論是擔蔥賣菜，我也甘願， 這款的日子，這款的日子，過著嘛才會自在，毋嘛才會自在啦 -----(口白)↑ . 𨑨迌人的運命 永遠袂快活 tshit-thô-lâng ê ūn-miā, íng-uán buē khuìnn-ua̍h 目屎啊 目屎啊 為何流袂離 ba̍k-sái--ah, ba̍k-sái--ah, uī-hô lâu-buē-lī 有路無厝 茫茫前程 暗淡過一生 ū-lōo bô-tshù, bông-bông tsiân-tîng, àm-tām kuè it-sing --------------------------------- → https://www.youtube.com/watch?v=D0W8m9bSRGE
烏暗的江湖生活 予人心驚惶 少年彼時 滿腹的熱情 漸漸會消失 𨑨迌人的運命 永遠袂快活 目屎啊 目屎啊 為何流袂離 有路無厝 茫茫前程 暗淡過一生
oo-àm ê kang-ôo sing-ua̍h, hōo-lâng sim kiann-hiânn siàu-liân hit-sî, muá-pak ê jia̍t-tsîng, tsiām-tsiām ē siau-sit tshit-thô-lâng ê ūn-miā, íng-uán buē khuìnn-ua̍h ba̍k-sái--ah, ba̍k-sái--ah, uī-hô lâu buē-lī ū-lōo bô-tshù, bông-bông tsiân-tîng, àm-tām kuè it-sing