14134/《活力海口》Ua̍h-li̍k Hái-kháu黃昺翔N̂g Píng-siông------------------------------------------想起細漢的時陣siūnn-khí sè-hàn ê sî-tsūn我佇遮放牛食草guá tī tsia pàng gû tsia̍h tsháu熱天牽牛到大窟jua̍h-thinn khan-gû kàu tuā-khut牛咧浸水咱耍水gû teh tsìm-tsuí lán sńg-tsuí田邊河邊tshân-pinn hô-pinn路邊海邊lōo-pinn hái-pinn我佇農村的海口吹風guá tī lông-tshun ê hái-kháu tshue-hong村內牽罟鬥幫忙tshun-lāi khan-koo tàu pang-bâng有得加菜兼有趁ū tit ka-tshài kiam ū thàn熱天分區來掠魚jua̍h-thinn hun-khu lâi lia̍h-hî冬天海沙炕番薯tang-thinn hái-sua khòng han-tsî春天夏天tshun-thinn hā-thinn秋天冬天tshiu-thinn tang-thinn我佇海岸的海口吹風guá tī hái-huānn ê hái-kháu tshue-hong天猶未光thinn iáu-buē kng砂馬仔木麻樹sua-bé-á bo̍k-muâ-tshiū綴著日頭tuè tio̍h ji̍t-thâu鬥陣喘氣tàu-tīn tshuán-khuì日復一日ji̍t ho̍k tsi̍t-ji̍t咱手牽手lán tshiú khan-tshiú心連心sim liân-sim維護海口的美麗uî-hōo hái-kháu ê bí-lē風吹到大海的入口hong tshue kàu tuā-hái ê ji̍p-kháu互相扶持hōo-siong hû-tshî來過好日lâi kuè hó-ji̍t四府王爺Sì-hú Ông-iâ漂洋過海phiau-iông kuè-hái是為著sī uī-tio̍h保庇海口人健康pó-pì hái-kháu-lâng kiān-khong深深的感情tshim-tshim ê kám-tsîng傳後代thuân āu-tāi讓緣份牽到海口來jiāng iân-hūn khan kàu hái-kháu lâi新居舊厝sin-ki kū-tshù攏是好厝邊lóng-sī hó tshù-pinn活力海口ua̍h-li̍k hái-kháu是團結的未來sī thuân-kiat ê bī-lâi先民開墾的奮鬥sian-bîn khai-khún ê hùn-tàu是為後輩咧辛苦sī uī āu-puè teh sin-khóo沙塗一步一跤印sua-thôo tsi̍t-pōo tsi̍t kha-ìn開啟海口的性命khai-khé hái-kháu ê sènn-miā男人女人lâm-jîn lú-jîn老人囝兒lāu-jîn kiánn-jî我佇成長的海口吹風guá tī sîng-tióng ê hái-kháu tshue-hong千古不變的夕陽tshian-kóo put-piàn ê si̍k-iông減了燃灶飯菜芳kiám liáu hiânn-tsàu pn̄g-tshài phang溼地邊仔咧起煙筒sip-tē pinn--á teh khí ian-tâng再加幾支大電風tsài ka kuí ki tuā tiān-hong希望願望hi-bāng guān-bāng失望絕望sit-bōng tsua̍t-bāng我佇建設的海口吹風guá tī kiàn-siat ê hái-kháu tshue-hong天色漸暗thinn-sik tsiām àm風飛沙hong-pue-sua海湧聲hái-íng siann隨日落等待天明suî ji̍t-lo̍h tán-thāi thian bîng日復一日ji̍t ho̍k tsi̍t-ji̍t守望相助日夜巡siú-bōng siong-tsōo ji̍t-iā sûn守護社區的平靜siú-hōo siā-khu ê pîng-tsīng風吹到大海的入口hong tshue kàu tuā-hái ê ji̍p-kháu人才聚集的好地理jîn-tsâi tsū-tsi̍p ê hó tē-lí媽祖娘娘Má-tsóo Niû-niû指引光明tsí-ín kong-bîng是為著sī uī-tio̍h庇佑海口人平安pì-iū hái-kháu-lâng pîng-an深深的感情tshim-tshim ê kám-tsîng傳後代thuân āu-tāi先人的智慧sian-jîn ê tì-huī留落來lâu--lo̍h-lâi新居舊厝sin-ki kū-tshù攏是好厝邊lóng-sī hó tshù-pinn活力海口ua̍h-li̍k hái-kháu是光明的未來sī kong-bîng ê bī-lâi------------------------------------------→
想起細漢的時陣我佇遮放牛食草熱天牽牛到大窟牛咧浸水咱耍水田邊河邊路邊海邊我佇農村的海口吹風村內牽罟鬥幫忙有得加菜兼有趁熱天分區來掠魚冬天海沙炕番薯春天夏天秋天冬天我佇海岸的海口吹風天猶未光砂馬仔木麻樹綴著日頭鬥陣喘氣日復一日咱手牽手心連心維護海口的美麗風吹到大海的入口互相扶持來過好日四府王爺漂洋過海是為著保庇海口人健康深深的感情傳後代讓緣份牽到海口來新居舊厝攏是好厝邊活力海口是團結的未來先民開墾的奮鬥是為後輩咧辛苦沙塗一步一跤印開啟海口的性命男人女人老人囝兒我佇成長的海口吹風千古不變的夕陽減了燃灶飯菜芳溼地邊仔咧起煙筒再加幾支大電風希望願望失望絕望我佇建設的海口吹風天色漸暗風飛沙海湧聲隨日落等待天明日復一日守望相助日夜巡守護社區的平靜風吹到大海的入口人才聚集的好地理媽祖娘娘指引光明是為著庇佑海口人平安深深的感情傳後代先人的智慧留落來新居舊厝攏是好厝邊活力海口是光明的未來
siūnn-khí sè-hàn ê sî-tsūnguá tī tsia pàng gû tsia̍h tsháujua̍h-thinn khan-gû kàu tuā-khutgû teh tsìm-tsuí lán sńg-tsuítshân-pinn hô-pinnlōo-pinn hái-pinnguá tī lông-tshun ê hái-kháu tshue-hongtshun-lāi khan-koo tàu pang-bângū tit ka-tshài kiam ū thànjua̍h-thinn hun-khu lâi lia̍h-hîtang-thinn hái-sua khòng han-tsîtshun-thinn hā-thinntshiu-thinn tang-thinnguá tī hái-huānn ê hái-kháu tshue-hongthinn iáu-buē kngsua-bé-á bo̍k-muâ-tshiūtuè tio̍h ji̍t-thâutàu-tīn tshuán-khuìji̍t ho̍k tsi̍t-ji̍tlán tshiú khan-tshiúsim liân-simuî-hōo hái-kháu ê bí-lēhong tshue kàu tuā-hái ê ji̍p-kháuhōo-siong hû-tshîlâi kuè hó-ji̍tSì-hú Ông-iâphiau-iông kuè-háisī uī-tio̍hpó-pì hái-kháu-lâng kiān-khongtshim-tshim ê kám-tsîngthuân āu-tāijiāng iân-hūn khan kàu hái-kháu lâisin-ki kū-tshùlóng-sī hó tshù-pinnua̍h-li̍k hái-kháusī thuân-kiat ê bī-lâisian-bîn khai-khún ê hùn-tàusī uī āu-puè teh sin-khóosua-thôo tsi̍t-pōo tsi̍t kha-ìnkhai-khé hái-kháu ê sènn-miālâm-jîn lú-jînlāu-jîn kiánn-jîguá tī sîng-tióng ê hái-kháu tshue-hongtshian-kóo put-piàn ê si̍k-iôngkiám liáu hiânn-tsàu pn̄g-tshài phangsip-tē pinn--á teh khí ian-tângtsài ka kuí ki tuā tiān-honghi-bāng guān-bāngsit-bōng tsua̍t-bāngguá tī kiàn-siat ê hái-kháu tshue-hongthinn-sik tsiām àmhong-pue-suahái-íng siannsuî ji̍t-lo̍h tán-thāi thian bîngji̍t ho̍k tsi̍t-ji̍tsiú-bōng siong-tsōo ji̍t-iā sûnsiú-hōo siā-khu ê pîng-tsīnghong tshue kàu tuā-hái ê ji̍p-kháujîn-tsâi tsū-tsi̍p ê hó tē-líMá-tsóo Niû-niûtsí-ín kong-bîngsī uī-tio̍hpì-iū hái-kháu-lâng pîng-antshim-tshim ê kám-tsîngthuân āu-tāisian-jîn ê tì-huīlâu--lo̍h-lâisin-ki kū-tshùlóng-sī hó tshù-pinnua̍h-li̍k hái-kháusī kong-bîng ê bī-lâi