13870/《咱的臺灣》Lán ê Tâi-uân 社會人樂團Siā-huē-lâng Ga̍k-thuân ------------------------------------------ 電視拍開 tiān-sī phah-khui 較播的 khah pò--ê 攏是政府 lóng sī tsìng-hú 又閣出問題 iū-koh tshut būn-tê 欲按怎改變 beh án-tsuánn kái-piàn 咱臺灣人 lán Tâi-uân-lâng 才會團結 tsiah ē thuân-kiat 莫有色彩 mài ū sik-tshái 莫互相爭鬥 mài hōo-siong tsing-tàu 這是咱的土地 tse sī lán ê thóo-tē Yeah～ 臺灣 Tâi-uân 善良的臺灣 siān-liông ê Tâi-uân 遮爾單純的所在 tsiah-nī tan-sûn ê sóo-tsāi 請恁毋通來蹧躂 tshiánn lín m̄-thang lâi tsau-that 臺灣 Tâi-uân 美麗的臺灣 bí-lē ê Tâi-uân 咱有遮好的寶島 lán ū tsiah hó ê pó-tó 請恁著 tshiánn lín tio̍h 做伙來珍惜 tsò-hué lâi tin-sioh 遮有可愛的人民 tsia ū khó-ài ê jîn-bîn 有滿滿的人情味 ū muá-muá ê jîn-tsîng-bī 遮有好山好水 tsia ū hó suann hó suí 有美麗的風景 ū bí-lē ê hong-kíng 遮有好食的物件 tsia ū hó-tsia̍h ê mi̍h-kiānn 予人攏笑咪咪 hōo-lâng lóng tshiò-bi-bi 遮有全世界 tsia ū tsuân sè-kài 上適合人蹛的 siōng sik-ha̍p lâng tuà ê 幸福城市 hīng-hok siânn-tshī Yeah～ 趁錢有數 thàn-tsînn iú-sòo 嘛著愛照步行 mā tio̍h-ài tsiàu-pōo kiânn 莫烏龍踅桌 mài oo-liông se̍h-toh 這是有法治的社會 tse sī ū huat-tī ê siā-huē 人人攏有 lâng-lâng lóng ū 選擇的機會 suán-tik ê ki-huē 莫予人牽咧行 mài hōo-lâng khan teh kiânn 做一个有主張的人 tsò tsi̍t-ê ū tsú-tiunn ê lâng 臺灣 Tâi-uân 這當時的臺灣 tsiàng-sî ê Tâi-uân 是非已經分袂清楚 sī-hui í-king hun buē tshing-tshó 請恁毋通閣繼續來亂 tshiánn lín m̄-thang koh kè-sio̍k lâi luān 臺灣 Tâi-uân 自由的臺灣 tsū-iû ê Tâi-uân 明明是遮好的所在 bîng-bîng sī tsiah hó ê sóo-tsāi 敢會使做伙相親相愛 kám ē-sái tsò-hué siong-tshin siong-ài 喔~我愛我的臺灣 ooh~ guá ài guá ê Tâi-uân 恁敢有和我仝款 lín kám ū hām guá kāng-khuán 臺灣 Tâi-uân 美麗的臺灣 bí-lē ê Tâi-uân 咱著手牽手團結 lán tio̍h tshiú khan-tshiú thuân-kiat 做伙拍拚 tsò-hué phah-piànn 咱的臺灣 lán ê Tâi-uân Yeah~ 咱著手牽手團結 lán tio̍h tshiú khan-tshiú thuân-kiat 做伙拍拚 tsò-hué phah-piànn 咱的臺灣 lán ê Tâi-uân ------------------------------------------ →
電視拍開 較播的 攏是政府 又閣出問題 欲按怎改變 咱臺灣人 才會團結 莫有色彩 莫互相爭鬥 這是咱的土地 臺灣 善良的臺灣 遮爾單純的所在 請恁毋通來蹧躂 臺灣 美麗的臺灣 咱有遮好的寶島 請恁著 做伙來珍惜 遮有可愛的人民 有滿滿的人情味 遮有好山好水 有美麗的風景 遮有好食的物件 予人攏笑咪咪 遮有全世界 上適合人蹛的 幸福城市 趁錢有數 嘛著愛照步行 莫烏龍踅桌 這是有法治的社會 人人攏有 選擇的機會 莫予人牽咧行 做一个有主張的人 臺灣 這當時的臺灣 是非已經分袂清楚 請恁毋通閣繼續來亂 臺灣 自由的臺灣 明明是遮好的所在 敢會使做伙相親相愛 喔~我愛我的臺灣 恁敢有和我仝款 臺灣 美麗的臺灣 咱著手牽手團結 做伙拍拚 咱的臺灣 咱著手牽手團結 做伙拍拚 咱的臺灣
tiān-sī phah-khui khah pò--ê lóng sī tsìng-hú iū-koh tshut būn-tê beh án-tsuánn kái-piàn lán Tâi-uân-lâng tsiah ē thuân-kiat mài ū sik-tshái mài hōo-siong tsing-tàu tse sī lán ê thóo-tē Tâi-uân siān-liông ê Tâi-uân tsiah-nī tan-sûn ê sóo-tsāi tshiánn lín m̄-thang lâi tsau-that Tâi-uân bí-lē ê Tâi-uân lán ū tsiah hó ê pó-tó tshiánn lín tio̍h tsò-hué lâi tin-sioh tsia ū khó-ài ê jîn-bîn ū muá-muá ê jîn-tsîng-bī tsia ū hó suann hó suí ū bí-lē ê hong-kíng tsia ū hó-tsia̍h ê mi̍h-kiānn hōo-lâng lóng tshiò-bi-bi tsia ū tsuân sè-kài siōng sik-ha̍p lâng tuà ê hīng-hok siânn-tshī thàn-tsînn iú-sòo mā tio̍h-ài tsiàu-pōo kiânn mài oo-liông se̍h-toh tse sī ū huat-tī ê siā-huē lâng-lâng lóng ū suán-tik ê ki-huē mài hōo-lâng khan teh kiânn tsò tsi̍t-ê ū tsú-tiunn ê lâng Tâi-uân tsiàng-sî ê Tâi-uân sī-hui í-king hun buē tshing-tshó tshiánn lín m̄-thang koh kè-sio̍k lâi luān Tâi-uân tsū-iû ê Tâi-uân bîng-bîng sī tsiah hó ê sóo-tsāi kám ē-sái tsò-hué siong-tshin siong-ài ooh~ guá ài guá ê Tâi-uân lín kám ū hām guá kāng-khuán Tâi-uân bí-lē ê Tâi-uân lán tio̍h tshiú khan-tshiú thuân-kiat tsò-hué phah-piànn lán ê Tâi-uân lán tio̍h tshiú khan-tshiú thuân-kiat tsò-hué phah-piànn lán ê Tâi-uân