《日頭溪水相借問》Ji̍t-thâu Khe-tsuí Sio-tsioh-mn̄g 詞：王志誠 Ông Tsì-sîng 曲：朱約信 Tsu Iok-sìn (行政院農委會Hîng-tsìng-īnn Lông-uí-huē) ------------------------------------------ 透早五六點 thàu-tsá gōo-la̍k tiám 厝鳥仔就起床 tshù-tsiáu-á tiō khí-tshn̂g 飛東飛西真歹算 pue tang pue sai tsin pháinn-sǹg 花蕊開規排 hue-luí khui kui-pâi 送阮欲出門 sàng gún beh tshut-mn̂g 芳味滿田庄 phang-bī muá tshân-tsng 厝邊隔壁 tshù-pinn keh-piah 拄咧食早頓 tú-leh tsia̍h tsá-tǹg 芳味千里遠 phang-bī tshian-lí hn̄g 日頭溪水 ji̍t-thâu khe-tsuí 輕聲相借問 khin-siann sio-tsioh-mn̄g 暗時八九點 àm-sî peh-káu tiám 水雞猶毋睏 tsuí-ke iáu m̄ khùn 叫聲跳甲規眠床 kiò-siann thiàu kah kui bîn-tshn̂g 阮點一枝薰 gún tiám tsi̍t-ki hun 欲來引月光 beh lâi ín gue̍h-kng 照著青菜園 tsiò tio̍h tshinn-tshài-hn̂g 發芽暴穎 huat-gê pok-ínn 抽甲長長長 thiu kah tn̋g-tn̂g-tn̂g 照入雞牢門 tsiò ji̍p ke-tiâu mn̂g 雞母跔佇岫內咧孵卵 ke-bú ku tī siū-lāi teh pū-nn̄g ------------------------------------------ →
透早五六點 厝鳥仔就起床 飛東飛西真歹算 花蕊開規排 送阮欲出門 芳味滿田庄 厝邊隔壁 拄咧食早頓 芳味千里遠 日頭溪水 輕聲相借問 暗時八九點 水雞猶毋睏 叫聲跳甲規眠床 阮點一枝薰 欲來引月光 照著青菜園 發芽暴穎 抽甲長長長 照入雞牢門 雞母跔佇岫內咧孵卵
thàu-tsá gōo-la̍k tiám tshù-tsiáu-á tiō khí-tshn̂g pue tang pue sai tsin pháinn-sǹg hue-luí khui kui-pâi sàng gún beh tshut-mn̂g phang-bī muá tshân-tsng tshù-pinn keh-piah tú-leh tsia̍h tsá-tǹg phang-bī tshian-lí hn̄g ji̍t-thâu khe-tsuí khin-siann sio-tsioh-mn̄g àm-sî peh-káu tiám tsuí-ke iáu m̄ khùn kiò-siann thiàu kah kui bîn-tshn̂g gún tiám tsi̍t-ki hun beh lâi ín gue̍h-kng tsiò tio̍h tshinn-tshài-hn̂g huat-gê pok-ínn thiu kah tn̋g-tn̂g-tn̂g tsiò ji̍p ke-tiâu mn̂g ke-bú ku tī siū-lāi teh pū-nn̄g