12526/《阿媽的手》A-má ê Tshiú郭忠祐Kueh Tiong-iū-----------------------------------------猶原閣會記iu-guân koh ē-kì彼个舊厝門口埕hit ê kū-tshù mn̂g-kháu-tiânn猶有一个慈祥的人影iáu-ū tsi̍t-ê tsû-siông ê lâng-iánn想起細漢時siūnn-khí sè-hàn-sî將阮惜啊惜命命tsiong gún sioh--ah sioh-miā-miā共阮當做心肝的阿媽kā gún tòng-tsuè sim-kuann ê a-má掀開舊相片hian-khui kū siòng-phìnn彼个上疼我的人hit ê siōng thiànn guá ê lâng永遠攏是íng-uán lóng-sī將阮牽相倚tsiong gún khan sio-uá𤆬我四界看tshuā guá sì-kè khuànn上好的siōng-hó--ê攏留予我lóng lâu hōo guá伊講我i kóng guá是伊的心頭肉sī i ê sim-thâu-bah時間漸漸過sî-kan tsiām-tsiām kuè年歲也漸漸大nî-huè iā tsiām-tsiām tuā阿媽的手a-má ê tshiú猶原溫暖阮心房iu-guân un-luán gún sim-pâng我的阿媽guá ê a-má你敢有聽見我的聲lí kám ū thiann-kìnn guá ê siann你的心頭肉佇遮lí ê sim-thâu-bah tī tsia換我牽你四界行uānn guá khan lí sì-kè kiânn我的阿媽guá ê a-má換我唱歌uānn guá tshiùnn-kua予你來聽hōo lí lâi thiann毋管歲月怎樣戲弄m̄-kuán suè-gua̍t tsuánn-iūnn hì-lāng嘛袂拆散mā buē thiah-suànn我永遠攏是guá íng-uán lóng-sī你的孫仔lí ê sun-á------------------------------------------→
猶原閣會記彼个舊厝門口埕猶有一个慈祥的人影想起細漢時將阮惜啊惜命命共阮當做心肝的阿媽掀開舊相片彼个上疼我的人永遠攏是將阮牽相倚𤆬我四界看上好的攏留予我伊講我是伊的心頭肉時間漸漸過年歲也漸漸大阿媽的手猶原溫暖阮心房我的阿媽你敢有聽見我的聲你的心頭肉佇遮換我牽你四界行我的阿媽換我唱歌予你來聽毋管歲月怎樣戲弄嘛袂拆散我永遠攏是你的孫仔
iu-guân koh ē-kìhit ê kū-tshù mn̂g-kháu-tiânniáu-ū tsi̍t-ê tsû-siông ê lâng-iánnsiūnn-khí sè-hàn-sîtsiong gún sioh--ah sioh-miā-miākā gún tòng-tsuè sim-kuann ê a-máhian-khui kū siòng-phìnnhit ê siōng thiànn guá ê lângíng-uán lóng-sītsiong gún khan sio-uátshuā guá sì-kè khuànnsiōng-hó--êlóng lâu hōo guái kóng guásī i ê sim-thâu-bahsî-kan tsiām-tsiām kuènî-huè iā tsiām-tsiām tuāa-má ê tshiúiu-guân un-luán gún sim-pângguá ê a-málí kám ū thiann-kìnn guá ê siannlí ê sim-thâu-bah tī tsiauānn guá khan lí sì-kè kiânnguá ê a-máuānn guá tshiùnn-kuahōo lí lâi thiannm̄-kuán suè-gua̍t tsuánn-iūnn hì-lāngmā buē thiah-suànnguá íng-uán lóng-sīlí ê sun-á