11405/《姊妹流浪記》Tsí-muē Liû-lōng Kì 尤雅Iû Ngá 尤鳳Iû Hōng ------------------------------------------ 姊妹出世在鄉村 tsí-muē tshut-sì tsāi hiong-tshuan 美滿家庭中 bí-buán ka-tîng tiong 生活安定真樂暢 sing-ua̍h an-tīng tsin lo̍k-thiòng 親像在仙宮 tshin-tshiūnn tsāi sian-kiong 數年前 sòo-nî tsîng 真無疑 tsin bô-gî 真無疑 tsin bô-gî 真無疑 tsin bô-gî 田園厝宅被水沖 tshân-hn̂g tshù-the̍h pī tsuí tshiong 爸爸毋知流對佗去 pá-pah m̄-tsai lâu tuì toh khì 媽媽身體又無勇 má-mah sin-thé iū bô ióng 為著生活姑不終 uī-tio̍h sing-ua̍h koo-put-tsiong 大姊小妹離家鄉 tuā-tsí sió-muē lî ka-hiong 自從離開咱鄉里 tsū-tsiông lī-khui lán hiunn-lí 來到大都市 lâi-kàu tuā too-tshī 初次離別母身邊 tshoo-tshù lî-pia̍t bú sin-pinn 不幸的女兒 put-hīng ê lú-jî 日連暝 ji̍t liân-mî 較想也 khah siūnn iā 較想也 khah siūnn iā 較想也 khah siūnn iā 故鄉慈愛媽媽伊 kòo-hiong tsû-ài má-mah i 妹妹你著毋通傷悲 muē-muē lí tio̍h m̄-thang siong-pi 阿姊聽著喉管滇 a-tsí thiann--tio̍h âu-kǹg tīnn 恨咱運命歹八字 hūn lán ūn-miā pháinn pueh-jī 何必傷心目屎滴 hô-pit siong-sim ba̍k-sái tih 可憐小妹佮大姊 khó-lîn sió-muē kah tuā-tsí 流落在他鄉里 liû-lo̍h tsāi thann hiunn-lí 無親無戚無地去 bô-tshin-bô-tshik bô-tè khì 啉水來止飢 lim tsuí lâi tsí-ki 嘆薄命 thàn po̍k-bīng 來所致 lâi sóo-tì 來所致 lâi sóo-tì 來所致 lâi sóo-tì 著愛流浪到何時 tio̍h-ài liû-lōng kàu hô-sî 有苦難言無當講起 iú-khóo lān-giân bô-tàng kóng-khí 相依為命過五年 siong-i uī-bīng kè gōo-nî 祈禱神明鬥保庇 kî-tó sîn-bîng tàu pó-pì 早日會得出頭天 tsá-ji̍t ē-tit tshut-thâu-thinn ------------------------------------------ →
姊妹出世在鄉村 美滿家庭中 生活安定真樂暢 親像在仙宮 數年前 真無疑 真無疑 真無疑 田園厝宅被水沖 爸爸毋知流對佗去 媽媽身體又無勇 為著生活姑不終 大姊小妹離家鄉 自從離開咱鄉里 來到大都市 初次離別母身邊 不幸的女兒 日連暝 較想也 較想也 較想也 故鄉慈愛媽媽伊 妹妹你著毋通傷悲 阿姊聽著喉管滇 恨咱運命歹八字 何必傷心目屎滴 可憐小妹佮大姊 流落在他鄉里 無親無戚無地去 啉水來止飢 嘆薄命 來所致 來所致 來所致 著愛流浪到何時 有苦難言無當講起 相依為命過五年 祈禱神明鬥保庇 早日會得出頭天
tsí-muē tshut-sì tsāi hiong-tshuan bí-buán ka-tîng tiong sing-ua̍h an-tīng tsin lo̍k-thiòng tshin-tshiūnn tsāi sian-kiong sòo-nî tsîng tsin bô-gî tsin bô-gî tsin bô-gî tshân-hn̂g tshù-the̍h pī tsuí tshiong pá-pah m̄-tsai lâu tuì toh khì má-mah sin-thé iū bô ióng uī-tio̍h sing-ua̍h koo-put-tsiong tuā-tsí sió-muē lî ka-hiong tsū-tsiông lī-khui lán hiunn-lí lâi-kàu tuā too-tshī tshoo-tshù lî-pia̍t bú sin-pinn put-hīng ê lú-jî ji̍t liân-mî khah siūnn iā khah siūnn iā khah siūnn iā kòo-hiong tsû-ài má-mah i muē-muē lí tio̍h m̄-thang siong-pi a-tsí thiann--tio̍h âu-kǹg tīnn hūn lán ūn-miā pháinn pueh-jī hô-pit siong-sim ba̍k-sái tih khó-lîn sió-muē kah tuā-tsí liû-lo̍h tsāi thann hiunn-lí bô-tshin-bô-tshik bô-tè khì lim tsuí lâi tsí-ki thàn po̍k-bīng lâi sóo-tì lâi sóo-tì lâi sóo-tì tio̍h-ài liû-lōng kàu hô-sî iú-khóo lān-giân bô-tàng kóng-khí siong-i uī-bīng kè gōo-nî kî-tó sîn-bîng tàu pó-pì tsá-ji̍t ē-tit tshut-thâu-thinn