11309 　 萬千花蕊慈母悲哀

珂拉琪 Kho-la-kî（Collage）
萬千花蕊慈母悲哀 Bān-tshian-hue-luí Tsû-bió pi-ai
------------------------------------------------------
下晡 一个人踮厝內
ē-poo, tsi̍t ê lâng tiàm tshù-lāi
西北雨 沃澹窗外的衫
sai-pak-hōo, ak-tâm thang-guā ê sann
外口的人 猶未轉來
guā-kháu ê lâng iah-buē tńg--lâi
戇戇咧等 戇戇攑一支雨傘
gōng-gōng--leh tán, gōng-gōng gia̍h tsi̍t ki hōo-suànn
為你 幾若擺睏袂去
uī lí, kuí-nā pái khùn bē khì
全世界 揣袂著你的形影
tsuân-sè-kài, tshuē bē tio̍h lí ê hîng-iánn
凡勢 會當共你放捒
huān-sè, ē-tàng kā lí pàng-sak
氣身惱命 我哪會攏無要無緊
khì-sin-lóo-miā, guá ná-ē lóng bô-iàu-bô-kín
踮遮規暝 看電火閃爍
tiàm tsia kui-mê, khuànn tiān-hué siám-sih
我踮遮等待 拍無去的人
guá tiàm tsia tán-thāi, phah-bô--khì ê lâng
聽厝內的聲 聲聲佇咧吼
thiann tshù-lāi ê siann, siann-siann tī-leh háu
我踅來踅去 思念火燒房間
guá se̍h-lâi-se̍h-khì, su-liām hué sio pâng-king
袂開的花 無欲轉來的人
buē khui ê hue, bô beh tńg--lâi ê lâng
美麗的你啊 想著你彼當時 攑懸你的旗仔
bí-lē ê lí--ah, siūnn tio̍h lí hit-tong-sî, gia̍h kuân lí ê kî-á
路邊的話 滿街路雨紛飛
lōo-pinn ê uē, muá ke-lōo hōo hun-hui
時代的變卦 孤單的我一个人 問天也毋捌
sî-tāi ê piàn-kuà, koo-tuann ê guá tsi̍t ê lâng, mn̄g thinn iā m̄-bat
手內啥物攏無 只賰我欲予你的愛
tshiú lāi siánn-mih lóng bô, tsí tshun guá beh hōo lí ê ài
有血有肉的人 煞下落不明
ū hueh ū bah ê lâng, suah hē-lo̍h-put-bîng
共你的 記持啊 囥佇我的心內
kā lí ê kì-tî--ah, khǹg tī guá ê sim-lāi
騎你的 白馬啊 行你欲行的路
khiâ lí ê pe̍h-bé--ah, kiânn lí beh kiânn ê lōo
風吹來 花落塗 點一欉香祈求
hong tshue lâi, hue lo̍h-thôo, tiám tsi̍t tsâng hiunn kî-kiû
（南無觀世音菩薩）
（lâm-bû-kuan-sè-im-phôo-sat）
若準講你 算著這齣悲劇
nā-tsún kóng lí, sǹg tio̍h tsit tshut pi-kio̍k
你敢會看顧 紲落來伊頭前 彼逝歹行的路
lí kám ē khuànn-kòo, suà--lo̍h-lâi i thâu-tsîng, hit tsuā pháinn kiânn ê lōo
夢中的我 看你沓沓仔行
bāng-tiong ê guá, khuànn lí ta̍uh-ta̍uh-á kiânn
牽你的亡魂 有一工咱做伙 轉去彼个所在
khan lí ê bông-hûn, ū tsi̍t kang lán tsò-hué, tńg-khì hit ê sóo-tsāi
我 蔫去的愛（規路攏是你）
guá, lian-khì ê ài（kui-lōo lóng sī lí）
佮你 恬去的心
kah lí, tiām--khì ê sim
佇這烏暗時代（這烏暗時代）
tī tse oo-àm sî-tāi（tse oo-àm sî-tāi）
是有緣無份（想欲講出）
sī ū-iân bô-hūn（siūnn beh kóng-tshut）
寫袂了的批（的）
siá bē liáu ê phue（ê）
佮講袂煞的話（奈何）
kah kóng bē suah ê uē（nāi-hô）
(亻因) 開袂完的銃（開袂完的銃）
in khui bē uân ê tshìng（khui bē uân ê tshìng）
看人去樓空（火烌猶在）
khuànn lâng-khì lâu-khang（hué-hu iû-tsāi）
雨 微微仔落
hōo, bî-bî-á lo̍h
天 微微仔光
thinn, bî-bî-á kng
看你 微微仔笑
khuànn lí, bî-bî-á tshiò
後世人再會
āu-sì-lâng tsài-huē

下晡 一个人踮厝內
西北雨 沃澹窗外的衫
外口的人 猶未轉來
戇戇咧等 戇戇攑一支雨傘
為你 幾若擺睏袂去
全世界 揣袂著你的形影
凡勢 會當共你放捒
氣身惱命 我哪會攏無要無緊
踮遮規暝 看電火閃爍
我踮遮等待 拍無去的人
聽厝內的聲 聲聲佇咧吼
我踅來踅去 思念火燒房間
袂開的花 無欲轉來的人
美麗的你啊 想著你彼當時 攑懸你的旗仔
路邊的話 滿街路雨紛飛
時代的變卦 孤單的我一个人 問天也毋捌
手內啥物攏無 只賰我欲予你的愛
有血有肉的人 煞下落不明
共你的 記持啊 囥佇我的心內
騎你的 白馬啊 行你欲行的路
風吹來 花落塗 點一欉香祈求
（南無觀世音菩薩）
若準講你 算著這齣悲劇
你敢會看顧 紲落來伊頭前 彼逝歹行的路
夢中的我 看你沓沓仔行
牽你的亡魂 有一工咱做伙 轉去彼个所在
我 蔫去的愛（規路攏是你）
佮你 恬去的心
佇這烏暗時代（這烏暗時代）
是有緣無份（想欲講出）
寫袂了的批（的）
佮講袂煞的話（奈何）
(亻因) 開袂完的銃（開袂完的銃）
看人去樓空（火烌猶在）
雨 微微仔落
天 微微仔光
看你 微微仔笑
後世人再會

ē-poo, tsi̍t ê lâng tiàm tshù-lāi
sai-pak-hōo, ak-tâm thang-guā ê sann
guā-kháu ê lâng iah-buē tńg--lâi
gōng-gōng--leh tán, gōng-gōng gia̍h tsi̍t ki hōo-suànn
uī lí, kuí-nā pái khùn bē khì
tsuân-sè-kài, tshuē bē tio̍h lí ê hîng-iánn
huān-sè, ē-tàng kā lí pàng-sak
khì-sin-lóo-miā, guá ná-ē lóng bô-iàu-bô-kín
tiàm tsia kui-mê, khuànn tiān-hué siám-sih
guá tiàm tsia tán-thāi, phah-bô--khì ê lâng
thiann tshù-lāi ê siann, siann-siann tī-leh háu
guá se̍h-lâi-se̍h-khì, su-liām hué sio pâng-king
buē khui ê hue, bô beh tńg--lâi ê lâng
bí-lē ê lí--ah, siūnn tio̍h lí hit-tong-sî, gia̍h kuân lí ê kî-á
lōo-pinn ê uē, muá ke-lōo hōo hun-hui
sî-tāi ê piàn-kuà, koo-tuann ê guá tsi̍t ê lâng, mn̄g thinn iā m̄-bat
tshiú lāi siánn-mih lóng bô, tsí tshun guá beh hōo lí ê ài
ū hueh ū bah ê lâng, suah hē-lo̍h-put-bîng
kā lí ê kì-tî--ah, khǹg tī guá ê sim-lāi
khiâ lí ê pe̍h-bé--ah, kiânn lí beh kiânn ê lōo
hong tshue lâi, hue lo̍h-thôo, tiám tsi̍t tsâng hiunn kî-kiû
（lâm-bû-kuan-sè-im-phôo-sat）
nā-tsún kóng lí, sǹg tio̍h tsit tshut pi-kio̍k
lí kám ē khuànn-kòo, suà--lo̍h-lâi i thâu-tsîng, hit tsuā pháinn kiânn ê lōo
bāng-tiong ê guá, khuànn lí ta̍uh-ta̍uh-á kiânn
khan lí ê bông-hûn, ū tsi̍t kang lán tsò-hué, tńg-khì hit ê sóo-tsāi
guá, lian-khì ê ài（kui-lōo lóng sī lí）
kah lí, tiām--khì ê sim
tī tse oo-àm sî-tāi（tse oo-àm sî-tāi）
sī ū-iân bô-hūn（siūnn beh kóng-tshut）
siá bē liáu ê phue（ê）
kah kóng bē suah ê uē（nāi-hô）
in khui bē uân ê tshìng（khui bē uân ê tshìng）
khuànn lâng-khì lâu-khang（hué-hu iû-tsāi）
hōo, bî-bî-á lo̍h
thinn, bî-bî-á kng
khuànn lí, bî-bî-á tshiò
āu-sì-lâng tsài-huē