11273/《現代人的社會》Hiān-tāi-lâng ê Siā-huē 七郎Tshit-lông ------------------------------------------ 恬恬仔趁 tiām-tiām-á thàn 認真共用 jīn-tsin kā īng 一切面子顧進前 it-tshè bīn-tsú kòo tsìn-tsîng 關係重要 kuan-hē tiōng-iàu 人人競爭 lâng-lâng kīng-tsing 這就是都市的情形 tsit tsiū-sī too-tshī ê tsîng-hîng 街仔路大條 ke-á-lōo tuā-tiâu 樓仔厝大間 lâu-á-tshù tuā-king 一切金錢是萬能 it-tshè kim-tsînn sī bān-lîng 開喙合喙 khui-tshuì ha̍p-tshuì 錢講代先 tsînn kóng tāi-sing 這就是都市的情形 tse tsiū-sī too-tshī ê tsîng-hîng 暗時仔 àm-sî-á KTV是人滿厝間 KTV sī lâng muá-tshù-king 半暝仔 puànn-mî-á 理髮店是充滿色情 lí-huat-tiàm sī tshiong-buán sik-tsîng 日時為著股票 ji̍t--si uī-tio̍h kóo-phiò 逐家發神經 ta̍k-ke huat sîn-king 這就是都市的情形 tse tsiū-sī too-tshī ê tsîng-hîng 都市雖然變形 too-tshī sui-jiân piàn-hîng 電腦主宰你一生 tiān-náu tsú-tsái lí it-sing 你若無手機仔 lí nā bô tshiú-ki-á 人笑你遜 lâng tshiò lí xù 你若無信用卡 lí nā bô sìn-iōng-khah 寸步難行 tshùn-pōo lân-hîng 戇戇仔趁 gōng-gōng-á thàn 儉儉仔用 khiām-khiām-á īng 莫囂俳 mài hiau-pai 才聰明 tsiah tshong-bîng 步步謹慎喔 pōo-pōo kín-sīn--ooh 處處小心 tshù-tshù sió-sim 有機會愛搶代先 ū ki-huē ài tshiúnn tāi-sing ------------------------------------------ →
恬恬仔趁認真共用一切面子顧進前關係重要人人競爭這就是都市的情形街仔路大條樓仔厝大間一切金錢是萬能開喙合喙錢講代先這就是都市的情形暗時仔KTV是人滿厝間半暝仔理髮店是充滿色情日時為著股票逐家發神經這就是都市的情形都市雖然變形電腦主宰你一生你若無手機仔人笑你遜你若無信用卡寸步難行戇戇仔趁儉儉仔用莫囂俳才聰明步步謹慎喔處處小心有機會愛搶代先
tiām-tiām-á thànjīn-tsin kā īngit-tshè bīn-tsú kòo tsìn-tsîngkuan-hē tiōng-iàulâng-lâng kīng-tsingtsit tsiū-sī too-tshī ê tsîng-hîngke-á-lōo tuā-tiâulâu-á-tshù tuā-kingit-tshè kim-tsînn sī bān-lîngkhui-tshuì ha̍p-tshuìtsînn kóng tāi-singtse tsiū-sī too-tshī ê tsîng-hîngàm-sî-áKTV sī lâng muá-tshù-kingpuànn-mî-álí-huat-tiàm sī tshiong-buán sik-tsîngji̍t--si uī-tio̍h kóo-phiòta̍k-ke huat sîn-kingtse tsiū-sī too-tshī ê tsîng-hîngtoo-tshī sui-jiân piàn-hîngtiān-náu tsú-tsái lí it-singlí nā bô tshiú-ki-álâng tshiò lí xùlí nā bô sìn-iōng-khahtshùn-pōo lân-hînggōng-gōng-á thànkhiām-khiām-á īngmài hiau-paitsiah tshong-bîngpōo-pōo kín-sīn--oohtshù-tshù sió-simū ki-huē ài tshiúnn tāi-sing