《1929》It Kiú Jī Kiú Nî楊肅浩Iûnn Siok-hō-----------------------------------------------1929年It kiú jī kiú nî伊佇南京的庄跤出世I tī Lâm-kiann ê tsng-kha tshut-sì細漢的時定定捾著行李sè-hàn ê sî tiānn-tiānn kuānn tio̍h hîng-lí流浪到幾个完全生份的城市liû-lōng kàu kuí ê uân-tsuân senn-hūn ê siânn-tshī1949年It kiú sù kiú nî故鄉開滿紅色的花蕊kòo-hiong khui buán âng-sik ê hue-luí借問兵仔兄這馬欲去佗位tsioh-mn̄g ping-á hiann tsit-má beh khì tó-uī一隻船往基隆港一直開tsi̍t tsiah tsûn óng Ke-lâng káng it-ti̍t khui戰亂 分離 命運創治tsiàn-luān hun-lî miā-ūn tshòng-tī毋知影離開了後當時通轉去m̄-tsai-iánn lī-khui liáu-āu tang-sî thang tńg--khì越頭目睭一𥍉就是三十年ua̍t-thâu ba̍k-tsiu tsi̍t-nih tiō sī sann tsa̍p nî啊 故鄉是淺淺的海水ah kòo-hiong sī tshián tshián ê hái-tsuí較𠢕泅水嘛泅袂轉去khah gâu siû-tsuí mā siû buē tńg--khì生活過一个閣一个生份的城市sing-ua̍h kuè tsit ê koh tsi̍t êsenn-hūn ê siânn-tshī尾仔蹛佇用南京號名的路頂bué-á tuà tī iōng Lâm-kiann hō-miâ ê lōo tíng啊 故鄉是淺淺的海水ah kòo-hiong sī tshián tshián ê hái-tsuí偌濟思念攏停佇港邊guā tsē su-liām lóng thîng tī káng pinn滿山遍野的管芒花直直開muá-suann phiàn iá êkuann-bâng-hue ti̍t-ti̍t khui仝款的春天到秋天kāng-khuánn êtshun-thinn kàu tshiu-thinn一年過一年tsi̍t nî kuè tsi̍t nî1979年It kiú tshit kiú nî對香港轉來幾張批信tuì Hiong-káng tsuán-lâi kuí tiunn phue-sìn內底有伊細漢學行的相片lāi-té ū i sè-hàn o̍h kiânn ê siòng-phìnn尾仔孫仔度晬bué-á sun-á tōo-tsè伊恬恬哭規暝I tiām-tiām khàu kui mî1989年It kiú pat kiú nî綴著船隻對金門轉去tuè tio̍h tsûn tsiah tuì Kim-mn̂g tńg--khì舊時的路佮親情已經袂認得kū sī ê lōo kap tshin-tsiânn í-king buē jīn-tit親愛的母親已經離開幾落年tshin-ài ê bóo-tshin í-king lî-khui kuí-lo̍h nî細漢的記持sè-hàn ê kì-tî敢若是頂世人的代誌ká-ná sī tíng-sì-lâng ê tāi-tsì來來去去有歡喜嘛有傷悲lâi-lâi-khì-khì ū huann-hí mā ū siong-pi應無所住的青春值幾兩銀ìn bû sóo tsū ê tshing-tshun ta̍t kuí niú gîn阿 故鄉是淺淺的海水ah kòo-hiong sī tshián tshián ê hái-tsuí彼个艱苦的時代漸漸過去hit ê kan-khóo ê sî-tāi tsiām-tsiām kuè-khì伊嘛佇南京的路頂湠葉生根I mā tī Lâm-kiann ê lōo tíng thuànn hio̍h senn-kin倒轉去已經無遐爾要緊tò-tńg--khì í-king bô hiah-nī iàu-kín啊 故鄉是淺淺的海水ah kòo-hiong sī tshián tshián ê hái-tsuí想欲走揣的所在到底佇佗位siūnn beh tsáu-tshuē êsóo-tsāi tàu-té tī tó-uī一座島嶼解說伊的後半生tsi̍t tsō tó-sū kái-sueh I ê āu puànn sinn無風 無雨 抑無湧bô hong bô hōo ia̍h bô íng2019年jī khòng it kiú nî故鄉已經是遙遠的代誌kòo-hiong í-king sīiâu-uán ê tāi-tsì陪伴伊 只有夕陽佮搖椅puê-phuānn I tsí-ū si̍k-iông kap iâu í搖啊搖 搖去伊的1929年iô ah iô iô khì i ê it kiú jī kiú nî-----------------------------------------------
伊佇南京的庄跤出世細漢的時定定捾著行李流浪到幾个完全生份的城市故鄉開滿紅色的花蕊借問兵仔兄這馬欲去佗位一隻船往基隆港一直開戰亂 分離 命運創治毋知影離開了後當時通轉去越頭目睭一𥍉就是三十年啊 故鄉是淺淺的海水較𠢕泅水嘛泅袂轉去生活過一个閣一个生份的城市尾仔蹛佇用南京號名的路頂啊 故鄉是淺淺的海水偌濟思念攏停佇港邊滿山遍野的管芒花直直開仝款的春天到秋天一年過一年對香港轉來幾張批信內底有伊細漢學行的相片尾仔孫仔度晬伊恬恬哭規暝綴著船隻對金門轉去舊時的路佮親情已經袂認得親愛的母親已經離開幾落年細漢的記持敢若是頂世人的代誌來來去去有歡喜嘛有傷悲應無所住的青春值幾兩銀阿 故鄉是淺淺的海水彼个艱苦的時代漸漸過去伊嘛佇南京的路頂湠葉生根倒轉去已經無遐爾要緊啊 故鄉是淺淺的海水想欲走揣的所在到底佇佗位一座島嶼解說伊的後半生無風 無雨 抑無湧故鄉已經是遙遠的代誌陪伴伊 只有夕陽佮搖椅搖啊搖 搖去伊的1929年
I tī Lâm-kiann ê tsng-kha tshut-sìsè-hàn ê sî tiānn-tiānn kuānn tio̍h hîng-líliû-lōng kàu kuí ê uân-tsuân senn-hūn ê siânn-tshīkòo-hiong khui buán âng-sik ê hue-luítsioh-mn̄g ping-á hiann tsit-má beh khì tó-uītsi̍t tsiah tsûn óng Ke-lâng káng it-ti̍t khuitsiàn-luān hun-lî miā-ūn tshòng-tīm̄-tsai-iánn lī-khui liáu-āu tang-sî thang tńg--khìua̍t-thâu ba̍k-tsiu tsi̍t-nih tiō sī sann tsa̍p nîah kòo-hiong sī tshián tshián ê hái-tsuíkhah gâu siû-tsuí mā siû buē tńg--khìsing-ua̍h kuè tsit ê koh tsi̍t êsenn-hūn ê siânn-tshībué-á tuà tī iōng Lâm-kiann hō-miâ ê lōo tíngah kòo-hiong sī tshián tshián ê hái-tsuíguā tsē su-liām lóng thîng tī káng pinnmuá-suann phiàn iá êkuann-bâng-hue ti̍t-ti̍t khuikāng-khuánn êtshun-thinn kàu tshiu-thinntsi̍t nî kuè tsi̍t nîtuì Hiong-káng tsuán-lâi kuí tiunn phue-sìnlāi-té ū i sè-hàn o̍h kiânn ê siòng-phìnnbué-á sun-á tōo-tsèI tiām-tiām khàu kui mîtuè tio̍h tsûn tsiah tuì Kim-mn̂g tńg--khìkū sī ê lōo kap tshin-tsiânn í-king buē jīn-tittshin-ài ê bóo-tshin í-king lî-khui kuí-lo̍h nîsè-hàn ê kì-tîká-ná sī tíng-sì-lâng ê tāi-tsìlâi-lâi-khì-khì ū huann-hí mā ū siong-piìn bû sóo tsū ê tshing-tshun ta̍t kuí niú gînah kòo-hiong sī tshián tshián ê hái-tsuíhit ê kan-khóo ê sî-tāi tsiām-tsiām kuè-khìI mā tī Lâm-kiann ê lōo tíng thuànn hio̍h senn-kintò-tńg--khì í-king bô hiah-nī iàu-kínah kòo-hiong sī tshián tshián ê hái-tsuísiūnn beh tsáu-tshuē êsóo-tsāi tàu-té tī tó-uītsi̍t tsō tó-sū kái-sueh I ê āu puànn sinnbô hong bô hōo ia̍h bô íngkòo-hiong í-king sīiâu-uán ê tāi-tsìpuê-phuānn I tsí-ū si̍k-iông kap iâu íiô ah iô iô khì i ê it kiú jī kiú nî