10710/《金色夜叉》Kim-sik Iā-tshe 文夏Bûn-hā 惠文Huī-bûn ------------------------------------------ ♪♫♪♩♬ 月光的河邊欲來散步 ge̍h-kng ê hô-pinn beh lâi sàn-pōo 文雄佮阿惠的雙人影 Bûn-hiông kah A-huī ê siang-lâng-iánn 兩人的相見面到今日 nn̄g-lâng ê sio kìnn-bīn kàu kim-ji̍t 兩人的感情也到今日 nn̄g-lâng ê kám-tsîng iā kàu kim-ji̍t ♪♫♪♩♬ 男) 阿惠 A-huī 女) 唅？ hannh? 男) 免吼啦 bián háu--lah 吼也是無路用 háu iā-sī bô-lōo-īng 下暗會得佮你 e-àm ē-tit kah lí 踮在這條懷念的河邊散步 tiàm-tsāi tsit tiâu huâi-liām ê hô-pinn sàn-pōo 會來對你講著這幾句話 ē lâi tuì lí kóng-tio̍h tsit kuí kù uē 看著你這對可愛的目睭 khuànn-tio̍h lí tsit tuì khó-ài ê ba̍k-tsiu 無定是最後一次啦 bô-tiānn sī tsuè-āu tsi̍t-tshù--lah 這條風光優美的河畔 tsit tiâu hong-kong iu-bí ê hô-puānn 毋知有多少的青年男女 m̄-tsai ū to-siáu ê tshing-liân lâm-lú 踮在遮過著快樂的良宵 tiàm-tsāi tsia kuè tio̍h khuài-lo̍k ê liông-siau 也毋知多少的青年男女 iā m̄-tsai to-siáu ê tshing-liân lâm-lú 來踮遮流著悲傷的目屎 lâi tiàm tsia lâu tio̍h pi-siong ê ba̍k-sái 現在正是輪到咱兩人 hiān-tsāi tsiànn-sī lûn kàu lán nn̄g-lâng 欲來流目屎的時候啦 beh lâi lâu ba̍k-sái ê sî-hāu--lah 女) 文雄 Bûn-hiông 請你毋好講 tshiánn lí m̄-hó kóng 這款傷心的話 tsit khuán siong-sim ê uē 好毋？ hó--m̄? 男) 啊！我想趁在這个時陣 ah! guá siūnn thàn tsāi tsit ê sî-tsūn 欲來問你幾句話 beh lâi mn̄g lí kuí kù uē 女) 文雄 Bûn-hiông 你想欲講甚物話咧？ lí siūnn-beh kóng sím-mih uē--leh 男) 聽人講 thiann lâng kóng 你欲佮本地大富翁 lí beh kah pún-tē tuā-hù-ong 陳家的花花公子訂婚 Tân--ka ê hua-hua-kong-tsú tīng-hun 這款代誌 tsit khuán tāi-tsì 到底有影抑無影？ tàu-té ū-iánn ia̍h bô-iánn? 女) 文雄 Bûn-hiông 請你毋好受氣 tshiánn lí m̄-hó siū-khì 這我毋敢對你講無啦 tse guá m̄-kánn tuì lí kóng bô--lah 男) 唅！若按呢 hannh! nā án-ne 是真的 sī tsin--ê 阿惠 A-huī 曷無你佮我約束的代誌 a̍h bô lí kah guá iok-sok ê tāi-tsì 到底欲怎樣？ tàu-té beh tsuánn-iūnn? 女) 文雄 Bûn-hiông 這毋是我的本意 tse m̄-sī guá ê pún-ì 這是爸母所逼的 tse sī pē-bú sóo pik--ê 男) 嗯，爸母所逼的 ngh, pē-bú sóo pik--ê 咱初戀的時陣 lán tshoo-luân ê sî-tsūn 敢毋是踮在這个河邊 kám m̄-sī tiàm-tsāi tsit ê hô-pinn 向天立誓 hiòng thinn li̍p-sè 你也來講起 lí iā lâi kóng-khí 無論海水會焦 bô-lūn hái-tsuí ē ta 石頭會爛 tsio̍h-thâu ē nuā 你也毋來變心 lí iā m̄ lâi piàn-sim 也毋來嫁予別人 iā m̄ lâi kè hōo pa̍t-lâng 所以我也來信你的話 sóo-í guá iā lâi sìn lí ê uē 但是你現在 tān-sī lí hiān-tsāi 想欲嫁予陳家的人 siūnn-beh kè hōo Tân--ka ê lâng 女) 啊！文雄！ ah! Bûn-hiông! ♪♫♪♩♬ 怎樣你毋等我一兩年 tsuánn-iūnn lí m̄ tán guá tsi̍t-nn̄g-nî 大學若畢業了來結婚 tāi-ha̍k nā pit-gia̍p liáu lâi kiat-hun 你敢是看毋起無錢人 lí kám-sī khuànn m̄-khí bô-tsînn-lâng 若無是貪戀著有錢人 nā-bô sī tham-luân tio̍h ū-tsînn-lâng ♪♫♪♩♬ 男) 當初 tong-tshoo 你講一定欲等我 lí kóng it-tīng beh tán guá 大學若畢業 tāi-ha̍k nā pit-gia̍p 才欲來結婚 tsiah beh lâi kiat-hun 但是現在 tān-sī hiān-tsāi 你想欲做千萬富翁的太太 lí siūnn-beh tsò tshian-bān hù-ong ê thài-thài 將我這个散食的學生放捒 tsiong guá tsit ê sàn-tsia̍h ê ha̍k-sing pàng-sak 阿惠 A-huī 這敢毋是太無情的啦 tse kám m̄-sī thài bô-tsîng--ê lah 女) 文雄 Bûn-hiông 當時我也真共伊反對 tong-sî guá iā tsin kā-i huán-tuì 但是我的爸母 tān-sī guá ê pē-bú 是一對封建思想的人 sī tsi̍t-tuì hong-kiàn su-sióng ê lâng 袂當了解現代的自由戀愛 bē-tàng liáu-kái hiān-tāi ê tsū-iû luân-ài 所以就共我做予陳家的人 sóo-í tsiū kā guá tsò hōo Tân--ka ê lâng 男) 喔！照你講 ooh! tsiàu lí kóng 恁爸母是看著 lín pē-bú sī khuànn-tio̍h 陳家有錢有勢 Tân--ka ū-tsînn ū-sè 洋樓十幾棟 iûnn-lâu tsa̍p-kuí tòng 公司七八間 kong-si tshit-peh king 而且田園百外甲 jî-tshiánn tshân-hn̂g pah-guā kah 所以將你欲來嫁予伊 sóo-í tsiong lí beh lâi kè hōo i 哈！有影 hah! ū-iánn 我袂當予你富裕的生活 guá bē-tàng hōo-lí hù-jū ê sing-ua̍h 無璇石手指通予你掛 bô suān-tsio̍h tshiú-tsí thang hōo-lí kuà 無四序的洋樓 bô sù-sī ê iûnn-lâu 無自家用汽車 bô tsū-ka-iōng khì-tshia 通予你踅來踅去 thang hōo-lí se̍h-lâi-se̍h-khì 啊！金錢！金錢！ ah! kim-tsînn! kim-tsînn! 你哪會遐好用咧！ lí ná ē hiah hó-īng--leh! 你是一枝萬能的鎖匙 lí sī tsi̍t-ki bān-lîng ê só-sî 你是甚物攏會開的鎖匙啦！ lí sī sím-mih lóng ē khui ê só-sî--lah! ♪♫♪♩♬ 我毋是看輕著你的人 guá m̄-sī khuànn-khin tio̍h lí ê lâng 為你的學業會早完成 uī lí ê ha̍k-gia̍p ē tsá uân-sîng 順從著我爸母的命令 sūn-tsiông tio̍h guá pē-bú ê bīng-līng 才來著忍耐欲嫁別人 tsiah lâi tio̍h jím-nāi beh kè pa̍t-lâng ♪♫♪♩♬ 男) 阿惠，你的爸母 A-huī, lí ê pē-bú 雖然來共伊答應 sui-jiân lâi kā-i tah-ìng 但是你哪無照咱的約束 tān-sī lí ná bô tsiàu lán ê iok-sok 來共伊反對咧？ Lâi kā-i huán-tuì--eh? 女) 三從四德 sam-tsiông sù-tik 是東洋的舊禮教 sī tang-iûnn ê kū lé-kàu 你嘛知 lí mā tsai 女人在家有父 lú-jîn tsāi ke iú-hū 出家從夫這句話 tshut ke tsiông-hu tsit kù uē 當時阮也真共伊反對 tong-sî gún iā tsin kā-i huán-tuì 但是結果是 tān-sī kiat-kó sī 袂當挽回爸母的成見 bē-tàng bán-huê pē-bú ê sîng-kiàn 我，我閣想起... guá, guá koh siūnn-khí ... 男) 又閣想起甚物？ iū-koh siūnn-khí sím-mih? 女) 想起你時常咧講 siūnn-khí lí sî-siông leh kóng 真愛去美國留學 tsin-ài khì Bí-kok liû-ha̍k 現在我若忍耐 hiān-tsāi guá nā jím-nāi 犧牲我家己 hi-sing guá ka-kī 來嫁予陳家 lâi kè hōo Tân--ka 我就有錢 guá tsiū ū-tsînn 幫助你去留學 pang-tsōo lí khì liû-ha̍k 達成你的願望 ta̍t-sîng lí ê guān-bōng 所以我才流盡我的目屎 sóo-í guá tsiah lâu tsīn guá ê ba̍k-sái 來共伊答應 lâi kā-i tah-ìng 男) 你！你講甚物話！ Lí! Lí kóng sím-mih uē! ♪♫♪♩♬ 文雄是堂堂的男子漢 Bûn-hiông sī tông-tông ê lâm-tsú-hàn 雖然是無錢也有志氣 sui-jiân sī bô-tsînn iā ū tsì-khì 怎樣會用伊的所愛人 tsuánn-iūnn ē iōng i ê sóo-ài lâng 換金錢做著伊留學錢 uānn kim-tsînn tsò tio̍h i liû-ha̍k tsînn ♪♫♪♩♬ 男) 我是一个堂堂的男子漢 guá sī tsi̍t-ê tông-tông ê lâm-tsú-hàn 雖然較無錢 sui-jiân khah bô tsînn 嘛猶有志氣 mā iáu-ū tsì-khì 猶有氣魄 iáu-ū khì-phik 我怎會接受著 guá tsuánn ē tsiap-siū tio̍h 我心所愛的人 guá sim sóo-ài ê lâng 去做著別人的太太 khì tsò tio̍h pa̍t-lâng ê thài-thài 所扒虼蚤的錢 sóo pê-ka-tsáu ê tsînn 來做學費 lâi tsò ha̍k-huì 我情願透早 guá tsîng-guān thàu-tsá 去分報紙 khì pun pò-tsuá 賣油炸粿 bē iû-tsia̍h-kué 透暝去做苦工 thàu-mî khì tsò khóo-kang 共人洗碗箸 kā lâng sé uánn-tī 也會繼續讀書 iā ē kè-sio̍k tha̍k-tsu 也毋免用著 iā m̄-bián iōng-tio̍h 這款不義的錢 tsit khuán put-gī ê tsînn 女) 文雄 Bûn-hiông 你哪遐爾受氣咧 lí ná hah-nī siū-khì--leh 你今日會來受著失戀的痛苦 lí kim-ji̍t ē lâi siū-tio̍h sit-luân ê thòng-khóo 啊！這，這完全是我的毋著啦 ah! tse, tse uân-tsuân sī guá ê m̄-tio̍h--lah 文雄，文雄，請你... Bûn-hiông, Bûn-hiông, tshiánn lí ... 男) 啊！好啦！好啦！ ah! hó--lah! hó--lah! 免講啦！ bián-kóng--lah 我毋愛聽啦 guá m̄-ài thiann--lah 女) 文雄 Bûn-hiông 請你聽我講 tshiánn lí thiann guá kóng 世間的女性 sè-kan ê lú-sìng 曷毋是只有我一个 a̍h m̄-sī tsí-ū guá tsi̍t-ê 比我較媠的也真濟 pí guá khah suí--ê iā tsin tsuē 請你毋通自暴自棄 tshiánn lí m̄-thang tsū-pō-tsū-khì 好好來接受著我的幫助 hó-hó lâi tsiap-siū tio̍h guá ê pang-tsōo 你若成功 lí nā sîng-kong 我會真歡喜 guá ē tsin huann-hí 你若墮落 lí nā tuī-lo̍h 一定會增加我的傷心啦 it-tīng ē tsing-ka guá ê siong-sim--lah 男) 免講啦！ bián-kóng--lah! 到這陣 kàu tsit-tsūn 猶有甚物話好講 iáu-ū sím-mih uē hó kóng 你毋免用著這款美麗的字句 lí m̄-bián iōng-tio̍h tsit khuán bí-lē ê jī-kù 來瞞我好啦 lâi muâ guá hó--lah 金錢！金錢上好用 kim-tsînn! kim-tsînn siōng-hó īng 若有金錢 nā ū kim-tsînn 像你這款美麗的小姐 tshiūnn lí tsit khuán bí-lē ê sió-tsiá 也會得搶來搶去 iā ē-tit tshiúnn-lâi-tshiúnn-khì 啊！金錢！金錢啦 ah! kim-tsînn! kim-tsînn--lah ♪♫♪♩♬ 一年後五年後十年以後 tsi̍t-nî āu gōo-nî āu tsa̍p-nî í-āu 請你來看天頂的月娘 tshiánn lí lâi khuànn thinn-tíng ê ge̍h-niû 一定會予伊來罩雺霧 it-tīng ē hōo i lâi tà bông-bū 用我的目屎來罩雺霧 iōng guá ê ba̍k-sái lâi tà bông-bū ♪♫♪♩♬ 男) 阿惠，你共我記咧 A-huī, lí kā guá kì--leh 明年的下暗 mê-nî ê e-àm 我會孤單 guá ē koo-tuann 走來這个河邊 tsáu-lâi tsit ê hô-pinn 向著月娘 hiòng tio̍h ge̍h-niû 流著目屎 lâu tio̍h ba̍k-sái 明年的下暗 mê-nî ê e-àm 毋是 m̄-sī 五年後的下暗 gōo-nî āu ê e-àm 抑是十年後的下暗 ia̍h-sī tsa̍p-nî āu ê e-àm 若是天頂的月娘 nā-sī thinn-tíng ê ge̍h-niû 罩著雺霧的時 tà tio̍h bông-bū ê sî 阿惠，彼，彼就是 A-huī, he, he tsiū-sī 我文雄流的目屎 guá Bûn-hiông lâu ê ba̍k-sái 所致的啦 sóo-tì--ê lah 女) 文雄 Bûn-hiông 文雄 Bûn-hiông 男) 好，我今仔日起 hó, guá kin-á-ji̍t khí 欲退學 beh thè-ha̍k 全心來去趁錢 tsuân-sim lâi-khì thàn-tsînn 我欲來做著一个大富翁 guá beh lâi tsò tio̍h tsi̍t-ê tuā-hù-png 予你看 hōo-lí khuànn 金錢！金錢！ kim-tsînn! kim-tsînn! 你這馬只是 lí tsit-má tsí-sī 我精神上的靈魂 guá tsing-sîn siōng ê lîng-hûn 是我肉體上的活命 sī guá jio̍k-thé siōng ê ua̍h-miā 是我的人生的目標 sī guá ê jîn-sing ê bo̍k-phiau 女) 文雄 Bûn-hiông 請你毋通聲聲句句 tshiánn lí m̄-thang siann-siann-kù-kù 都呵咾金錢 to o-ló kim-tsînn 好毋？ hó--m̄? 金錢有時是真有力量 kim-tsînn ū-sî sī tsin ū li̍k-liōng 但是毋是萬能的 nā-sī m̄-sī bān-lîng--ê 男) 甚物？毋是萬能？ sím-mih? m̄-sī bān-lîng? 你敢毋是嫁予金錢去啦 lí kám m̄-sī kè hōo kim-tsînn khì--lah 女) 雖然陳家用錢來買了我 sui-jiân Tân--ka iōng tsînn lâi bé liáu guá 但是我的靈魂 tān-sī guá ê lîng-hûn 伊是買袂去的 i sī bué bē-khì--ê 我，我的靈魂 guá, guá ê lîng-hûn 永遠是歸在你的 íng-uán sī kui tsāi lí ê 男) 嗯，你這个有錢人的太太 ngh, lí tsit ê ū-tsînn-lâng ê thài-thài 請你免來踮遮賣糖賣蜜 tshiánn lí bián lâi tiàm tsia bē thn̂g bē bi̍t 我是無錢通共你買的 guá sī bô tsînn thang kā lí bé--ê 女) 文雄 Bûn-hiông ♪♫♪♩♬ 璇石的手指來迷著你 suān-tsio̍h ê tshiú-tsí lâi bê tio̍h lí 無應該嫁著的也來嫁 bô ing-kai kè--tio̍h-ê iā lâi kè 做人的頭一層守情義 tsò-lâng ê thâu tsi̍t-tsân siú tsîng-gī 貪錢是世間的可憐人 tham-tsînn sī sè-kan ê khó-liân-lâng ♪♫♪♩♬ 男) 做人的頭一層 tsò-lâng ê thâu tsi̍t-tsân 愛守情義 ài siú tsîng-gī 像你這款 tshiūnn lí tsit khuán 受著璇石珠寶的光彩 siū-tio̍h suān-tsio̍h tsu-pó ê kong-tshái 目睭來起烏暗的人 ba̍k-tsiu lâi khí oo-àm ê lâng 你的情義佇佗位 lí ê tsîng-gī tī tó-uī 你的心肝 lí ê sim-kuann 我已經看透透咧 guá í-king khuànn thàu-thàu--leh 女) 文雄 Bûn-hiông 我現在真怨嘆 guá hiān-tsāi tsin uàn-thàn 我今日有這號勇氣 guá kim-ji̍t ū tsit-lō ióng-khì 想欲來忍耐一切 siūnn-beh lâi jím-nāi it-tshè 當時我哪會無彼號勇氣 tong-sî guá ná ē bô hit-lō ióng-khì 來共伊反對到底咧 lâi kā-i huán-tuì tàu té--leh 男) 啊！現在你所講的話 ah! hiān-tsāi lí sóo kóng ê uē 對我是已經鴨仔聽雷的啦 tuì guá sī í-king ah-á thiann luî--ê lah 去嘛！去享受嘛 khì--mah! khì hiáng-siū--mah 像我這款 tshiūnn guá tsit khuán 身軀時常袋磅子的人 sin-khu sî-siông tē pōng-tsí ê lâng 若欲看一齣電影 nā beh khuànn tsi̍t-tshut tiān-iánn 也著想三暝三日的苦學生 iā tio̍h siūnn sann-mî sann-ji̍t ê khóo ha̍k-sing 你是無必要留戀的啦 lí sī bô pit-iàu liû-luân--ê lah 你若是嫁予我 lí nā-sī kè hōo guá 也是真拍損 iā-sī tsin phah-sńg 去嘛！去嫁好矣！ khì--mah! khì kè hó--ah 像你遮媠 tshiūnn lí tsiah suí 遮爾有孝 tsiah-nī iú-hàu 遮爾有女德的女性 tsiah-nī ū lú-tik ê lú-sìng 你的有錢丈夫 lí ê ū-tsînn tiōng-hu 一定愛你甲欲死的啦 it-tīng ài lí kah beh-sí--ê lah 去嘛！ khì--mah! 去予人共你惜惜咧 khì hōo-lâng kā lí sioh-sioh--leh 女) 文雄！文雄！ Bûn-hiông! Bûn-hiông! 男) 再見！ tsài-kiàn! 毋通耽誤我的時間 m̄-thang tam-gōo guá ê sî-kan 我欲來去趁錢 guá beh lâi-khì thàn-tsînn 女) 文雄！ Bûn-hiông! 請等咧啦！文雄！ tshiánn tán--leh-lah! Bûn-hiông! 男) 啊！免叫啦！ ah! bián kiò--lah 放手！放手！ pàng-tshiú! pàng-tshiú! 女) 請等咧！文雄！ tshiánn tán--leh! Bûn-hiông! 男) 啊！免膏膏纏！ ah! bián ko-ko-tînn! ♪♫♪♩♬ 拍碎著青春夢的文雄 phah-tshuì tio̍h tshing-tshun bāng ê Bûn-hiông 捒開著阿惠欲來離開 sak-khui tio̍h A-huī beh lâi lī-khui 悲傷的苦珠淚粒粒滴 pi-siong ê khóo tsu-luī lia̍p-lia̍p tih 河邊的月娘也訴哀悲 hô-pinn ê ge̍h-niû iā sòo ai-pi ♪♫♪♩♬ ------------------------------------------ →
月光的河邊欲來散步 文雄佮阿惠的雙人影 兩人的相見面到今日 兩人的感情也到今日 阿惠 免吼啦 吼也是無路用 下暗會得佮你 踮在這條懷念的河邊散步 會來對你講著這幾句話 看著你這對可愛的目睭 無定是最後一次啦 這條風光優美的河畔 毋知有多少的青年男女 踮在遮過著快樂的良宵 也毋知多少的青年男女 來踮遮流著悲傷的目屎 現在正是輪到咱兩人 欲來流目屎的時候啦 文雄 請你毋好講 這款傷心的話 好毋？ 啊！我想趁在這个時陣 欲來問你幾句話 文雄 你想欲講甚物話咧？ 聽人講 你欲佮本地大富翁 陳家的花花公子訂婚 這款代誌 到底有影抑無影？ 文雄 請你毋好受氣 這我毋敢對你講無啦 唅！若按呢 是真的 阿惠 曷無你佮我約束的代誌 到底欲怎樣？ 文雄 這毋是我的本意 這是爸母所逼的 嗯，爸母所逼的 咱初戀的時陣 敢毋是踮在這个河邊 向天立誓 你也來講起 無論海水會焦 石頭會爛 你也毋來變心 也毋來嫁予別人 所以我也來信你的話 但是你現在 想欲嫁予陳家的人 啊！文雄！ 怎樣你毋等我一兩年 大學若畢業了來結婚 你敢是看毋起無錢人 若無是貪戀著有錢人 當初 你講一定欲等我 大學若畢業 才欲來結婚 但是現在 你想欲做千萬富翁的太太 將我這个散食的學生放捒 阿惠 這敢毋是太無情的啦 文雄 當時我也真共伊反對 但是我的爸母 是一對封建思想的人 袂當了解現代的自由戀愛 所以就共我做予陳家的人 喔！照你講 恁爸母是看著 陳家有錢有勢 洋樓十幾棟 公司七八間 而且田園百外甲 所以將你欲來嫁予伊 哈！有影 我袂當予你富裕的生活 無璇石手指通予你掛 無四序的洋樓 無自家用汽車 通予你踅來踅去 啊！金錢！金錢！ 你哪會遐好用咧！ 你是一枝萬能的鎖匙 你是甚物攏會開的鎖匙啦！ 我毋是看輕著你的人 為你的學業會早完成 順從著我爸母的命令 才來著忍耐欲嫁別人 阿惠，你的爸母 雖然來共伊答應 但是你哪無照咱的約束 來共伊反對咧？ 三從四德 是東洋的舊禮教 你嘛知 女人在家有父 出家從夫這句話 當時阮也真共伊反對 但是結果是 袂當挽回爸母的成見 我，我閣想起... 又閣想起甚物？ 想起你時常咧講 真愛去美國留學 現在我若忍耐 犧牲我家己 來嫁予陳家 我就有錢 幫助你去留學 達成你的願望 所以我才流盡我的目屎 來共伊答應 你！你講甚物話！ 文雄是堂堂的男子漢 雖然是無錢也有志氣 怎樣會用伊的所愛人 換金錢做著伊留學錢 我是一个堂堂的男子漢 雖然較無錢 嘛猶有志氣 猶有氣魄 我怎會接受著 我心所愛的人 去做著別人的太太 所扒虼蚤的錢 來做學費 我情願透早 去分報紙 賣油炸粿 透暝去做苦工 共人洗碗箸 也會繼續讀書 也毋免用著 這款不義的錢 文雄 你哪遐爾受氣咧 你今日會來受著失戀的痛苦 啊！這，這完全是我的毋著啦 文雄，文雄，請你... 啊！好啦！好啦！ 免講啦！ 我毋愛聽啦 文雄 請你聽我講 世間的女性 曷毋是只有我一个 比我較媠的也真濟 請你毋通自暴自棄 好好來接受著我的幫助 你若成功 我會真歡喜 你若墮落 一定會增加我的傷心啦 免講啦！ 到這陣 猶有甚物話好講 你毋免用著這款美麗的字句 來瞞我好啦 金錢！金錢上好用 若有金錢 像你這款美麗的小姐 也會得搶來搶去 啊！金錢！金錢啦 一年後五年後十年以後 請你來看天頂的月娘 一定會予伊來罩雺霧 用我的目屎來罩雺霧 阿惠，你共我記咧 明年的下暗 我會孤單 走來這个河邊 向著月娘 流著目屎 明年的下暗 毋是 五年後的下暗 抑是十年後的下暗 若是天頂的月娘 罩著雺霧的時 阿惠，彼，彼就是 我文雄流的目屎 所致的啦 文雄 文雄 好，我今仔日起 欲退學 全心來去趁錢 我欲來做著一个大富翁 予你看 金錢！金錢！ 你這馬只是 我精神上的靈魂 是我肉體上的活命 是我的人生的目標 文雄 請你毋通聲聲句句 都呵咾金錢 好毋？ 金錢有時是真有力量 但是毋是萬能的 甚物？毋是萬能？ 你敢毋是嫁予金錢去啦 雖然陳家用錢來買了我 但是我的靈魂 伊是買袂去的 我，我的靈魂 永遠是歸在你的 嗯，你這个有錢人的太太 請你免來踮遮賣糖賣蜜 我是無錢通共你買的 文雄 璇石的手指來迷著你 無應該嫁著的也來嫁 做人的頭一層守情義 貪錢是世間的可憐人 做人的頭一層 愛守情義 像你這款 受著璇石珠寶的光彩 目睭來起烏暗的人 你的情義佇佗位 你的心肝 我已經看透透咧 文雄 我現在真怨嘆 我今日有這號勇氣 想欲來忍耐一切 當時我哪會無彼號勇氣 來共伊反對到底咧 啊！現在你所講的話 對我是已經鴨仔聽雷的啦 去嘛！去享受嘛 像我這款 身軀時常袋磅子的人 若欲看一齣電影 也著想三暝三日的苦學生 你是無必要留戀的啦 你若是嫁予我 也是真拍損 去嘛！去嫁好矣！ 像你遮媠 遮爾有孝 遮爾有女德的女性 你的有錢丈夫 一定愛你甲欲死的啦 去嘛！ 去予人共你惜惜咧 文雄！文雄！ 再見！ 毋通耽誤我的時間 我欲來去趁錢 文雄！ 請等咧啦！文雄！ 啊！免叫啦！ 放手！放手！ 請等咧！文雄！ 啊！免膏膏纏！ 拍碎著青春夢的文雄 捒開著阿惠欲來離開 悲傷的苦珠淚粒粒滴 河邊的月娘也訴哀悲
ge̍h-kng ê hô-pinn beh lâi sàn-pōo Bûn-hiông kah A-huī ê siang-lâng-iánn nn̄g-lâng ê sio kìnn-bīn kàu kim-ji̍t nn̄g-lâng ê kám-tsîng iā kàu kim-ji̍t A-huī bián háu--lah háu iā-sī bô-lōo-īng e-àm ē-tit kah lí tiàm-tsāi tsit tiâu huâi-liām ê hô-pinn sàn-pōo ē lâi tuì lí kóng-tio̍h tsit kuí kù uē khuànn-tio̍h lí tsit tuì khó-ài ê ba̍k-tsiu bô-tiānn sī tsuè-āu tsi̍t-tshù--lah tsit tiâu hong-kong iu-bí ê hô-puānn m̄-tsai ū to-siáu ê tshing-liân lâm-lú tiàm-tsāi tsia kuè tio̍h khuài-lo̍k ê liông-siau iā m̄-tsai to-siáu ê tshing-liân lâm-lú lâi tiàm tsia lâu tio̍h pi-siong ê ba̍k-sái hiān-tsāi tsiànn-sī lûn kàu lán nn̄g-lâng beh lâi lâu ba̍k-sái ê sî-hāu--lah Bûn-hiông tshiánn lí m̄-hó kóng tsit khuán siong-sim ê uē hó--m̄? ah! guá siūnn thàn tsāi tsit ê sî-tsūn beh lâi mn̄g lí kuí kù uē Bûn-hiông lí siūnn-beh kóng sím-mih uē--leh thiann lâng kóng lí beh kah pún-tē tuā-hù-ong Tân--ka ê hua-hua-kong-tsú tīng-hun tsit khuán tāi-tsì tàu-té ū-iánn ia̍h bô-iánn? Bûn-hiông tshiánn lí m̄-hó siū-khì tse guá m̄-kánn tuì lí kóng bô--lah hannh! nā án-ne sī tsin--ê A-huī a̍h bô lí kah guá iok-sok ê tāi-tsì tàu-té beh tsuánn-iūnn? Bûn-hiông tse m̄-sī guá ê pún-ì tse sī pē-bú sóo pik--ê ngh, pē-bú sóo pik--ê lán tshoo-luân ê sî-tsūn kám m̄-sī tiàm-tsāi tsit ê hô-pinn hiòng thinn li̍p-sè lí iā lâi kóng-khí bô-lūn hái-tsuí ē ta tsio̍h-thâu ē nuā lí iā m̄ lâi piàn-sim iā m̄ lâi kè hōo pa̍t-lâng sóo-í guá iā lâi sìn lí ê uē tān-sī lí hiān-tsāi siūnn-beh kè hōo Tân--ka ê lâng ah! Bûn-hiông! tsuánn-iūnn lí m̄ tán guá tsi̍t-nn̄g-nî tāi-ha̍k nā pit-gia̍p liáu lâi kiat-hun lí kám-sī khuànn m̄-khí bô-tsînn-lâng nā-bô sī tham-luân tio̍h ū-tsînn-lâng tong-tshoo lí kóng it-tīng beh tán guá tāi-ha̍k nā pit-gia̍p tsiah beh lâi kiat-hun tān-sī hiān-tsāi lí siūnn-beh tsò tshian-bān hù-ong ê thài-thài tsiong guá tsit ê sàn-tsia̍h ê ha̍k-sing pàng-sak A-huī tse kám m̄-sī thài bô-tsîng--ê lah Bûn-hiông tong-sî guá iā tsin kā-i huán-tuì tān-sī guá ê pē-bú sī tsi̍t-tuì hong-kiàn su-sióng ê lâng bē-tàng liáu-kái hiān-tāi ê tsū-iû luân-ài sóo-í tsiū kā guá tsò hōo Tân--ka ê lâng ooh! tsiàu lí kóng lín pē-bú sī khuànn-tio̍h Tân--ka ū-tsînn ū-sè iûnn-lâu tsa̍p-kuí tòng kong-si tshit-peh king jî-tshiánn tshân-hn̂g pah-guā kah sóo-í tsiong lí beh lâi kè hōo i hah! ū-iánn guá bē-tàng hōo-lí hù-jū ê sing-ua̍h bô suān-tsio̍h tshiú-tsí thang hōo-lí kuà bô sù-sī ê iûnn-lâu bô tsū-ka-iōng khì-tshia thang hōo-lí se̍h-lâi-se̍h-khì ah! kim-tsînn! kim-tsînn! lí ná ē hiah hó-īng--leh! lí sī tsi̍t-ki bān-lîng ê só-sî lí sī sím-mih lóng ē khui ê só-sî--lah! guá m̄-sī khuànn-khin tio̍h lí ê lâng uī lí ê ha̍k-gia̍p ē tsá uân-sîng sūn-tsiông tio̍h guá pē-bú ê bīng-līng tsiah lâi tio̍h jím-nāi beh kè pa̍t-lâng A-huī, lí ê pē-bú sui-jiân lâi kā-i tah-ìng tān-sī lí ná bô tsiàu lán ê iok-sok Lâi kā-i huán-tuì--eh? sam-tsiông sù-tik sī tang-iûnn ê kū lé-kàu lí mā tsai lú-jîn tsāi ke iú-hū tshut ke tsiông-hu tsit kù uē tong-sî gún iā tsin kā-i huán-tuì tān-sī kiat-kó sī bē-tàng bán-huê pē-bú ê sîng-kiàn guá, guá koh siūnn-khí ... iū-koh siūnn-khí sím-mih? siūnn-khí lí sî-siông leh kóng tsin-ài khì Bí-kok liû-ha̍k hiān-tsāi guá nā jím-nāi hi-sing guá ka-kī lâi kè hōo Tân--ka guá tsiū ū-tsînn pang-tsōo lí khì liû-ha̍k ta̍t-sîng lí ê guān-bōng sóo-í guá tsiah lâu tsīn guá ê ba̍k-sái lâi kā-i tah-ìng Lí! Lí kóng sím-mih uē! Bûn-hiông sī tông-tông ê lâm-tsú-hàn sui-jiân sī bô-tsînn iā ū tsì-khì tsuánn-iūnn ē iōng i ê sóo-ài lâng uānn kim-tsînn tsò tio̍h i liû-ha̍k tsînn guá sī tsi̍t-ê tông-tông ê lâm-tsú-hàn sui-jiân khah bô tsînn mā iáu-ū tsì-khì iáu-ū khì-phik guá tsuánn ē tsiap-siū tio̍h guá sim sóo-ài ê lâng khì tsò tio̍h pa̍t-lâng ê thài-thài sóo pê-ka-tsáu ê tsînn lâi tsò ha̍k-huì guá tsîng-guān thàu-tsá khì pun pò-tsuá bē iû-tsia̍h-kué thàu-mî khì tsò khóo-kang kā lâng sé uánn-tī iā ē kè-sio̍k tha̍k-tsu iā m̄-bián iōng-tio̍h tsit khuán put-gī ê tsînn Bûn-hiông lí ná hah-nī siū-khì--leh lí kim-ji̍t ē lâi siū-tio̍h sit-luân ê thòng-khóo ah! tse, tse uân-tsuân sī guá ê m̄-tio̍h--lah Bûn-hiông, Bûn-hiông, tshiánn lí ... ah! hó--lah! hó--lah! bián-kóng--lah guá m̄-ài thiann--lah Bûn-hiông tshiánn lí thiann guá kóng sè-kan ê lú-sìng a̍h m̄-sī tsí-ū guá tsi̍t-ê pí guá khah suí--ê iā tsin tsuē tshiánn lí m̄-thang tsū-pō-tsū-khì hó-hó lâi tsiap-siū tio̍h guá ê pang-tsōo lí nā sîng-kong guá ē tsin huann-hí lí nā tuī-lo̍h it-tīng ē tsing-ka guá ê siong-sim--lah bián-kóng--lah! kàu tsit-tsūn iáu-ū sím-mih uē hó kóng lí m̄-bián iōng-tio̍h tsit khuán bí-lē ê jī-kù lâi muâ guá hó--lah kim-tsînn! kim-tsînn siōng-hó īng nā ū kim-tsînn tshiūnn lí tsit khuán bí-lē ê sió-tsiá iā ē-tit tshiúnn-lâi-tshiúnn-khì ah! kim-tsînn! kim-tsînn--lah tsi̍t-nî āu gōo-nî āu tsa̍p-nî í-āu tshiánn lí lâi khuànn thinn-tíng ê ge̍h-niû it-tīng ē hōo i lâi tà bông-bū iōng guá ê ba̍k-sái lâi tà bông-bū A-huī, lí kā guá kì--leh mê-nî ê e-àm guá ē koo-tuann tsáu-lâi tsit ê hô-pinn hiòng tio̍h ge̍h-niû lâu tio̍h ba̍k-sái mê-nî ê e-àm m̄-sī gōo-nî āu ê e-àm ia̍h-sī tsa̍p-nî āu ê e-àm nā-sī thinn-tíng ê ge̍h-niû tà tio̍h bông-bū ê sî A-huī, he, he tsiū-sī guá Bûn-hiông lâu ê ba̍k-sái sóo-tì--ê lah Bûn-hiông Bûn-hiông hó, guá kin-á-ji̍t khí beh thè-ha̍k tsuân-sim lâi-khì thàn-tsînn guá beh lâi tsò tio̍h tsi̍t-ê tuā-hù-png hōo-lí khuànn kim-tsînn! kim-tsînn! lí tsit-má tsí-sī guá tsing-sîn siōng ê lîng-hûn sī guá jio̍k-thé siōng ê ua̍h-miā sī guá ê jîn-sing ê bo̍k-phiau Bûn-hiông tshiánn lí m̄-thang siann-siann-kù-kù to o-ló kim-tsînn hó--m̄? kim-tsînn ū-sî sī tsin ū li̍k-liōng nā-sī m̄-sī bān-lîng--ê sím-mih? m̄-sī bān-lîng? lí kám m̄-sī kè hōo kim-tsînn khì--lah sui-jiân Tân--ka iōng tsînn lâi bé liáu guá tān-sī guá ê lîng-hûn i sī bué bē-khì--ê guá, guá ê lîng-hûn íng-uán sī kui tsāi lí ê ngh, lí tsit ê ū-tsînn-lâng ê thài-thài tshiánn lí bián lâi tiàm tsia bē thn̂g bē bi̍t guá sī bô tsînn thang kā lí bé--ê Bûn-hiông suān-tsio̍h ê tshiú-tsí lâi bê tio̍h lí bô ing-kai kè--tio̍h-ê iā lâi kè tsò-lâng ê thâu tsi̍t-tsân siú tsîng-gī tham-tsînn sī sè-kan ê khó-liân-lâng tsò-lâng ê thâu tsi̍t-tsân ài siú tsîng-gī tshiūnn lí tsit khuán siū-tio̍h suān-tsio̍h tsu-pó ê kong-tshái ba̍k-tsiu lâi khí oo-àm ê lâng lí ê tsîng-gī tī tó-uī lí ê sim-kuann guá í-king khuànn thàu-thàu--leh Bûn-hiông guá hiān-tsāi tsin uàn-thàn guá kim-ji̍t ū tsit-lō ióng-khì siūnn-beh lâi jím-nāi it-tshè tong-sî guá ná ē bô hit-lō ióng-khì lâi kā-i huán-tuì tàu té--leh ah! hiān-tsāi lí sóo kóng ê uē tuì guá sī í-king ah-á thiann luî--ê lah khì--mah! khì hiáng-siū--mah tshiūnn guá tsit khuán sin-khu sî-siông tē pōng-tsí ê lâng nā beh khuànn tsi̍t-tshut tiān-iánn iā tio̍h siūnn sann-mî sann-ji̍t ê khóo ha̍k-sing lí sī bô pit-iàu liû-luân--ê lah lí nā-sī kè hōo guá iā-sī tsin phah-sńg khì--mah! khì kè hó--ah tshiūnn lí tsiah suí tsiah-nī iú-hàu tsiah-nī ū lú-tik ê lú-sìng lí ê ū-tsînn tiōng-hu it-tīng ài lí kah beh-sí--ê lah khì--mah! khì hōo-lâng kā lí sioh-sioh--leh Bûn-hiông! Bûn-hiông! tsài-kiàn! m̄-thang tam-gōo guá ê sî-kan guá beh lâi-khì thàn-tsînn Bûn-hiông! tshiánn tán--leh-lah! Bûn-hiông! ah! bián kiò--lah pàng-tshiú! pàng-tshiú! tshiánn tán--leh! Bûn-hiông! ah! bián ko-ko-tînn! phah-tshuì tio̍h tshing-tshun bāng ê Bûn-hiông sak-khui tio̍h A-huī beh lâi lī-khui pi-siong ê khóo tsu-luī lia̍p-lia̍p tih hô-pinn ê ge̍h-niû iā sòo ai-pi